JEREMIA 13:27 - PATHIAN LEKHABU IRTHIANG C.L. Bible (BSI)

²⁷ Thil a inuam loi ni tho ngaihai kha nang a hmu ving, mi’n a tualbôm dôngma a irzuk ngai le sakorchalin a pui a izui ngai angin, sonong pathianhai tânga le phâia ni izui ngai nang a ihmu a ni. Jerusalem mihaio, nin chungthu an tak a ni ta! Itik tena irthiang ngai zât mo nin ini tâk?

JEREMIA 13:27 ပူးပေါင်းရင်းမြစ်များ

INPÂKNA HLAHAI 94:4

Anni chu an chong pai paia, hmâitâi takin thu an insîra: Thil tho’nsualtuhai murdi chu an irpâk irhlôm ngai.

INPÂKNA HLAHAI 94:8

Mi laia mi môlhaio, irngaitua roi: Mi’nvêthaio, itika mo nin ivâr hrang tâk?

THUVÂRHAI 1:22

“Inmôlhaio! I dôr ten mo nin inmôlna nin ikan hrang? I dôr ten mo inhriatna hmusitna hin nin râi nin infân hrang? Ni irchû viat loi hrang mo?

ISAIA 57:7

Tâng irsângna haia zâlsuam theina, zâlhmun nin doa, kha khan nin irbôl ngaia.

ISAIA 65:7

An sualna chu, an irchihai sualna le a rêngin anni chunga thuanhai ki ti. Rengpa’n a ti. Tânghaia mirimhoi an hâl ngaia, mualhaia an ni hmusitna an inlangtir ngai; an sintho nuam ngai sikin hremna an chunga chum hrang chu ki zêk zoi ta,” tiin.

JEREMIA 11:15

Rengpa’n a ti, “Lung ki ithunghaiin thil saloi an thoa, ki tempila om mai hrangin i zât thuneina mo an la inei? chonginkungnahai siamin sa irbôlnahai inhlanin, siat rip theina zuang tung hrang chu khap thei hrangin an irbe ma ni? Kha khan a inlômtirhai thei hrang ma ni?

JEREMIA 3:6

Josia rêng chang laiin Rengpa’n ki kuang, “Nupang iamom loi Israel sintho kha ni lei hmu mo? Ki kuang ata tâng irsâng tui chunga le thing hring kung hnuaihai khan notizuar sin ni itho ngai a ni.

EZEKIELA 16:23

Khan, hi ni sualna murdi hnunga khom, hi hi a hong nia, (ni chung a rik e! a rik e! Rengpa pathian khan a ti).

EZEKIELA 2:10

Kut bongin lekhabu irzuat chu a sûta, a pên tiang le a sûng tiang chu irziakin a sip zita. Thu om chu chapna thuhai, sûnna thuhai le inrûmna thuhai a ni.

EZEKIELA 20:28

Pêk ki itum ram ki hruai intungin tâng irsânghai le thing hringhai an hong hmua; kha khan, an irbôlnahai an inhlan tâka, ki ninginmurtirna thilpêkhai an inhlana, an mirimhoihai an hâla, an thilinhlan uainhai an bunsuaka.

EZEKIELA 24:12

A tuiêk imanna murdihai kha meidônin ar hmangtir zoi no khomin.

EZEKIELA 24:13

O Jerusalem ni sintho porinchehai khan irthiang loia nang a isia a ni hi. Nang irthiangtir ki lei tum nâka chu, irthiang loiin ni la om maia. Khasikin, ki ningmurna hi ni tuang mâka chu irthiangin om nôk ta no chi ni.

EZEKIELA 24:6

Khan, Rengpa’n hiang hin a tia, “Thisen insuak ngai khopui lu chung chu a rik e! Tuiêka sip itiklaia khom infâi ngai loi ang kha a ni, a sûng rengata hme kha a tin tinin a oma, inkhat lua mâksanin om mah.

EZEKIELA 36:25

Tui kathâr nangni inthikkhum ki ta, nin millim murdihai ata le nangni a porinchetirtu thil tinrênghai ata kha nangni thâr irthiang ki ti.

EZEKIELA 36:37

Khan Rengpa Pathianin hiang hin a hrila, “Israelhai chu ki kuanga changpuina zong hrangin voikhat chu siamhai nôk ki ta, khanchu belra pâlhai angin inpungtirhai ki ti.

EZEKIELA 6:13

Khan, tâng irsânghai, tâng sîp murdia hai le thing hring tin hnuaia le seso thing buk tin hnuaia an millimhai kuanga mirimhoi an inhlanna hmuna, an maichâm vêla an millimhai bula an mithi ruakhai a om tika chu kei hi Rengpa ki nih ti inhriat an ti.

HOSEA 1:2

Rengpa’n Hosea irhminga Israelhai kuang thu an sîr irphut lai khan hiang hin Hosea kuang an sîr: “Fe’n lân, dôngma’n notizuar neiin lân; notizuar ata nâi nei ro: hiang hin ki mihai khan ni rotsana, an ni iuiresan tâk a ni,”

HOSEA 4:2

Khomâksâm, irhuang, irthat, inrûk, uire uarhai a punga, thisen kha thisenin a zui mai.

HOSEA 8:5

O Samari, ni sehrâtte irlim kha a hnôl e; an chunga ki ning an mur tak tak a ni. Itik tena mo a irthiang nôk hrang?

ZEFANIA 3:1

Tehelzong ngai le porinche, opbe hmang khopui chung kha a rik e!

MATHAIA 11:21

“Korazin! ni chung a rik e! Bethsaida, ni chung a rik e! Nangnia sinirkhêl sinhai kha Tura le Sidon khuaa sin, ni ta sian chu bora puan silin irvut irpolin an sual ata irlet ta an ti.

2 KORINTH 12:21

Ki zuang nôk tika nin mithmua ki Pathianin ni mualinphoitir a ta, matona thil sual thohai, an thil porinche tho, irditna hai, hurna hai irlet ual loiin mi tamtak sikin chapna ki ti, tih hi ki ichi sa a ni.

2 KORINTH 7:1

Ki rual lungthunghai, kha chonginkunghai murdi kha eini hrang a ni. Khasika khan, takpum le irtha porinche thei thil ata irkiang ei ta, Pathian mahrip tho pumin irthiangna irkiptir ei ti.

JAKOBA toc2 JAKOBA 4:4

Iamna boihaio! Rammual rual irchangpui hi Pathian râl nina a nih ti nin inhriat no ma ni? Rammual rual ni hi a nuam murdi’n chu Pathian râla a irsiam a ni.

THUPHUANG 8:13

Khan, ki hong ena, irmupui vânlaizôla vuangin hnukirhai inring takin, “Vântîrtôn inthumhai bekul la tum hranga irhai hong om hrang sika khan irnênga omhai chung a rik e! a rik e! a rik e! a ti kin hriata.