JEREMIA 13:22 - PATHIAN LEKHABU IRTHIANG C.L. Bible (BSI)

²² I lo hranga hihai hi ki ituang mo a ini, ni lungrîlin ni ti’n chu, ni sual hrai sika a ni. Ni puanvêl nang an lîm pea, nuamningin nang an iloh a ni tâk.

JEREMIA 13:22 ပူးပေါင်းရင်းမြစ်များ

ISAIA 20:4

Hiang hin Assuria rêngin Aigupta mi an ichelhai le Ethiopia mi sala hranga an ihruaihai, nâipang khom ulian khom, koronga kekok lua bun loiin an pin irlangin sehai a ti. Aigupta ram chu mualinphoi ok hrang a ni.

ISAIA 3:17

Rengpa’n Zion nupanghai lu inpântir a ta, Rengpa’n korongin inomtirhai a ti.

ISAIA 47:8

Nuamninga om nuam ngainu; irngaitua ro, Lungirngam takin ni om ngaia, “Keima ti no hi tu dang moh a la om? ni ti ngaia. Meithâi ni no ning, lusûn tuang viat no ning,” ni ti ngaia.

JEREMIA 13:26

Ama ngêtin Rengpa’n ni puanhai hlîk ving a ta, inzak nang irhmutir a ti.

JEREMIA 14:16

Hi thilhai hi an ihril pe mipuihai khom khaang ngêtin ki ithathai hrang a ni. An hnâchangrôp chu Jerusalem inkhâr lamlianhaia pai ni an ta, tûte a phûm hrang om no nihai. Hi hi an dôngmahai, an nâipasalhai le nâinuhai an rênga chunga tung a ti, an tho’nchâina man ki ithuanhai hrang a ni,” a tia.

JEREMIA 5:19

Jeremia, i lo hranga hihai hi ki itho mo a inih tiin nang an irdonin chu, hnung an ni songsana, ram dang pathianhai an ram sûng ngêta an itho ang khan an ram ni loia khan ram dang mihai sin an itho hrang a ni,” tiin anni chu hrilhai roh.

CHAP HLA 1:8

Jerusalem hin thil saloi a tho intam hrai sikin, a innim a ni ta. A’rngaiinhluhai khan an en irhniama, a silkai boi kha an hmusuak tâk sikin, Inzakin a khêka, hnung songsanin a om.

EZEKIELA 23:26

Ni silkaihai inpotthêr an ta, ni tukrivohai chôipai an ti.

HOSEA 12:8

Efraima khan, ki’rchong ok ta, hlo ki chuk ta a ni: ki sintho murdihaia lak chu keimaa siatna thil sual an ihmu hrang om viat ta mah, a tia.

HOSEA 2:10

Khanchu, a’rditpuihai mit hmua, a bomboina ser inlangtir ki ti, ki kut ata tûte’n sansuak no nihai.

HOSEA 2:3

khano’nchu, bomboiin inomtir ki ta, A suak nikhuaa a om ang khan inomtir ki ta, Ramchâr angin siam ki ta, ramchâr khohroi angin inomtir ki ta, tui inhrâlin that ki ti.

HOSEA 2:5

An nu khan noti a zuar ngaia, anni invongtu kha inzakom takin a om: ki bu hai, ki tui hai, ki samul hai, ki pat hai, ki sahriakhai le ki in hranghai ni pêktu, ki irditpuihai irzûl ki ti, a iti a ni.

NAHUMA 3:5

Sipaihai Rengpa khan hiang hin a ti: Irngai ta, nang ki idoi a ni; ni hmâi tiang ni puan lîm ki ta; ni bomboina namhai kuang le mualinphoina rêng ramhai kuang nang inentir ki ti.

ZEFANIA 1:12

Khan, kha tika chu hiang hin ni a ta, meiser belin Jerusalem zong suak ki ti; uain zôl irnok anga om ma maia, an lungrîla, Rengpa khan a sia a sah ti a nei ngai mo, tituhai chu hrem ki ti.

DÂN INHNINA 18:21

‘Rengpa insîr a ni le ni loi itin mo ei inhriat hrang?’ nin ti’n chu, hiang hin a thiarthâk dân hrang chu a ni.

DÂN INHNINA 7:17

Hi namhai hi eini nêkin an tama, itin mo ei inhnotsuak thei hrang? ti lungrîl irput no roi.

DÂN INHNINA 8:17

Khanchu, nin hrât sik le thil nin thothei sika irchong mo kin ni irti no roi.