JEREMIA 13:21 - PATHIAN LEKHABU IRTHIANG C.L. Bible (BSI)

²¹ Rual sa ni inei ngaihai khan nang an rûna ni chunga roirêl sianlân, imo ni iti ta hrang? Nupang nâi nei ang takin a nâ ni ituang hrang a ni.

JEREMIA 13:21 ပူးပေါင်းရင်းမြစ်များ

ISAIA 13:8

Irtha’nvâiin intakna tuang an ti, nâiha ise angin inhrûm an ti; an ichina an hmuin chu irzakpui irhlôm an ti.

JEREMIA 4:31

Khêk irhâi, nupang nâiha isêa khêk irhâi angin kin hriata, Nupang nâi nei masa taka khêk irhâi ang khan, Kha kha Jerusalem phûk irsam khêk irhâi a nia, A kut pharin, “Ki isiatchit tâk a ni! Ni that hrangin an hong tâk!” a tia.

JEREMIA 38:22

Kha inlârna khan Babulon ram sipai ulianhai kuang nupanghai an rêngin, rêng in ata an hruaihai lai ki ihmu a ni. An suak lai taka an iti chu irngai roh: ‘Reng a rual satakhaiin ama kha an hruai insuala, an thuhnuaia an sia tâka. Atûn dialdôka a ke an ôk pe tena chu, a rualhaiin an mâk tâka,’ an tih” tiin.

JEREMIA 5:31

deipuhai khan thu milak bana chu hril suak mahaia; ochaihai chu deipuhai thupêkin roi an rêla, ki mipuihai khomin an lôm lamtak a ni. Nikhua a hek tika chu itin mo an itho hrang tâk?” a tia.

ISAIA 10:3

Ram hlatak ata siatna a hong tung zoro, thuan nôkna nikhuaa khan itin mo nin itho ta hrang? Tu kuang mo changpuina nin la izong hrang, khôn mo nin irchon nin isia ta hrang?

1 THESALONIKA 5:3

“Ningbeina le zôkna,” zoroa an ti lai takin nupang nâiha ise angin voikhat rengin an chunga irhmangna zuang tung a ta, lôi thei no nihai.

EZEKIELA 28:9

Nang that hrangin an zuang tena khom pathian angin ni la irbe mai hrang ma ni? Nang a that hrangtuhai kuta chu Pathian ni loiin mihriam kêng ni ini kha.

JEREMIA 48:41

khopuihai le kulhai chu lâk ni a ta, kha nikhuaa khan chu Moab sipaihai chu nupang nâiha isea chardong angin om an ti.

JEREMIA 30:6

Thîrin irdonhai hi roi, pasalin nâiha an irvei ngai mo? Itina mo nupang nâiha isê angin, pasal ni pumin a pum ar dom lika, a hmêl a idang zoi tâk hi?

JEREMIA 22:23

Lebanon ata nin zuang ichôi sidar ina hoi riamin nin oma; nâiha isê anga natna nin chunga a hong tung tena chu nin inrunga, natinsat hrang tâk chu na!

JEREMIA 6:24

Jerusalem mihaiin, “Thuthang kha kin len hriatin chu kin kuthai a kima, nupang nâiha isê angin lungzîngna le natna’n a ni idê tâk a ni.

ISAIA 21:3

Khasikin kin thinga nâiha isê angin ki konghai hi a na zoi ta, kûn pumin ki oma, ite inhre ta ma ung. A ni sirpha saa ite inhre thei ta ma ung.

2 RÊNGHAI 16:7

Ahaza’n Assuria rêng Tiglat Pilesera kuang palai a tîra, “Ni siahlo, ni nâi ki ni, Suria rêng le Israel rêngin an ni doia, khasikin anni kut ata hi ni sansuak ta ro,” a tia.

MATHAIA 24:8

Khahai kha nâiha sê ar phut ta tihna a ni.

JEREMIA 2:25

Israel Pathian danghai irzûlin, ni ke insôltir no’n lân, Ni dang khom châr no ri se. Khanchu nangma’n, ‘O ho, kîr thei ta no ning.’ Ram dang pathianhai ki’rngaiinhluhai tâka. Anni ki izuihai hrang a ni,” ni tia.

JEREMIA 4:30

Jerusalem a siatchit ni ni ta! i lo hrang mo puan seninlâr leh ni la irvo mai? I lo hrang mo lunghlu angin ni mit ni la induktir mai kha? A’rfêna boia enhoia ni irsiampai kêng a ni! Ni indithai khan nang an hnôla, Nang that kêng an itum tâk.