JEREMIA 13:19 - PATHIAN LEKHABU IRTHIANG C.L. Bible (BSI)

¹⁹ Sim tianga Judai ram khopuihai chu irhual zoiin an om tâka, tûte a fe suak thei zât ni ta mah. Juda mi murdi sala hruai an ni zoi ta,” a tia.

JEREMIA 13:19 ပူးပေါင်းရင်းမြစ်များ

JEREMIA 52:27

Hamath ram hual sûnga om Ribla khuaa khan a fepuia, kha khan rêngin anni chu dûk a thoa, a that tâka. Khaangin Juda mihai chu sala intâng hranga hruaiin an om tâka.

JEREMIA 52:30

An lal kum sômhni inthumna khan mi irzasari sômminli ringa, Nebuzaradana’n a ihruai a ni. A rêngin mi sângminli irzaruk sala hruaiin an oma.

JEREMIA 39:9

A hnungkhôn taka chu sipai hruaitu Nebukadnezara’n khopuia mipui la omhai kuanga irpêkhai leh khan an rêngin Babulon tiang intângna ina a hruaihai tâka.

2 RÊNGHAI 25:21

Reng a vîkhaia, a lei that polhaia. Khaang khan an rama suaka hruai an ni ta.

DÂN INHNINA 28:52

Rengpa nin Pathianin nangni a ipêk hrang rama nin lêngna khua murdi doi an ta, nin kul irsângtak tak, det nin ititak takhai kha inchimtir zit an ti.

JEREMIA 33:13

Tâng ram khua lianhai tâng kôlhaia le sim tianga Judai rama, Benjamina ram irkul sûnga, Jerusalem kôlvêla khua chînhai, Judai rama khua lianhai belrapuhaiin an belrahai la tep nôk an ti. Keima Rengpa’n ki iti a ni,” a tia.

JEREMIA 20:4

Rengpa ngêtin a iti a ni, ‘Nangma le ni rual danghai hrangin ichiomin nang siam ki ta, an râlhai khandai leh an rêngin thata an iom kha hmu ni ti. Juda mi murdi chu Babulon rêng thuhnuaia ki isia hrang a nia, senkhat chu intângna ina om hrangin a rama hruaipaihai a ta, senkhat chu thathai a ti.

JEREMIA 17:26

Judahai ram kho sûng ata le Jerusalem vêla khua chînhai ata hong an ta, Benjamina ram hual ata, tâng hnuai ata, tâng sîphai ata, sim tiang Judai rama irthokin mi hong an ti. Ki tempila hâlirvôm thilpêk le irbôlnahai, buvûi thilpêk le mirimhoi hai, khakhêla, lômthu hrilna thilpêk khom hong chôi sa an ti.

JOBA 12:14

A insiat tâk chu sin thei ni ta ngai ma, mihriam a ikhârkhum tâk chu tûte’n insua thei ngai mahai.

JOSUA 18:5

Ram chu hmun sari’n thêr ni sianlân, Juda le Josefa irchihai chu an idongtum ram sûnga khan om an ti.

DÂN INHNINA 28:15

Rengpa nin Pathian thu nin zôm noa, a thupêkhai le a thu’nkunghai, a vuana nangni ki ihril hi nin zôm nuam noa, nin tho nuam ual no’n chu hi thil saloi hi nin chunga tung a ti.

JEREMIA 32:44

Mi’n ircho an ta, irchôkna lekhahai siam an ta; irmantir an ta, an hriatpuitu om an ti. Benjamina ram huala Jerusalem kôlvêla khuahai, Judai ram khopuihaia, tâng kôlhaia le Judai ram sim tiang, hi hi a itung hrang chu a ni. Mihai chu an rama siam insa pehai nôk ki ti. Keima Rengpa’n ki iti a ni,” a tia.

CHAP HLA 1:3

Judai rama mihai chu intak tuangin sala om pumin, Nam dang laia irzerepa omin phûkdâia omna hmun hmu zoi loiin, a’rzûltuhai ihmosonghaiin an lampui a iping a ni.

ZAKARIA 7:7

Khan, hi hi matona Jerusalem chu tuanintung taka a oma, mipui tamtak a sip laia le, a khopuihai ti bana, sim tiang le nitâk tiang tâng kôlhaia an om laia deipuhai kuanga Rengpa’n a lei ihril kha a ni.

1 THURCHI SUINA 9:1

Israel mi murdihai irhming chu irziak ving a ni. “Israel rênghai ti lekhabua” irziak lût a ni. Judai ram mi murdihai sualna sikin Babulon sala hruai lût ving an ni.

JEREMIA 24:1

Rengpa’n theipui ra bêm hni tempil kholaia sia a nir hmua. (Hihai hi Juda rêng Jehoiakima nâipa, rêng Jehoiakina le Juda hruaituhai kut sintheihai, thîrsukhai ngai Babulon rêng Nebukadnezara khan Jerusalema irthokin Babulon sala a hruaihai zoia a ni.)

JEREMIA 28:4

Judahai rêng Jehoiakina, Jehoiakima nâipa le Juda mipui sala intâng Babulon-a fe murdihai khom, hi hmuna hin hruai kîrhai nôk ving ki ti. A ni, Babulon rêng thuneina chu ki intômtir hrang a ni. Keima Rengpa hin ki iti a ni,” tiin.

JEREMIA 52:28

Hi hi Nebukadnezara’n mipui sala a ihruai intamhai chu an ni. A rêng chang kum sarina khan mi sângthum sômhni inthum a hruaia.