JEREMIA 13:17 - PATHIAN LEKHABU IRTHIANG C.L. Bible (BSI)

¹⁷ Nin mikuar nin sung nuam noa ni’n chu, nin irsongna sikin dâihrekin chap ki ti: chap ngûi ngûi ki ta, ki mitrithi luang zun zun a ti. Rengpa mihai chu intângna ina intâng hranga hruai an ni tâk sikin.

JEREMIA 13:17 ပူးပေါင်းရင်းမြစ်များ

MALAKIA 2:2

Ki’rhming roiinpuitirna hrang nin irngaitua noa, milunga nin vong no’n chu, nin chunga khuasâlna zuang intungtir ki ti, Sipaihai Rengpa’n a ti, nin satvurna donghai kha khuasâlna ki ti: A ni, nin laia milunga vong nin om no sikin khua nangni ki isâl chian tâk a ni.

JEREMIA 14:17

Khanchu Rengpa’n ki chardongna chu mipuihai kuanga hianga hril hrang hin a ni hrila: “A sûn a zânin ki mitrithi luang mai sianlân, ki chap hi mong no inlân, ki mihaiin intakna popliam an tong tâka an na hrai tâk sikin.

JEREMIA 9:1

Ki lu hi tuikuang ni sian, ki mitrithi hi tuipût ni ri se, ti ki inuam chu! Ki mi thata omhai hrangin, a sûn a zân ki ichap hrang a ni.

INPÂKNA HLAHAI 80:1

O Israelhai vêngtu, Belra pâl anga Josefa-hai hruaitu, mikuar lei do roh; Nang cherubhai chunga toi kha, zuang vâr suak roh.

EZEKIELA 34:31

Khan nangni ki belrahai, hloi hring hmuna belrahai, ki mihai chu nin nia, kei hi nin Pathian chu ki ni,” Rengpa Pathianin a tia.

CHAP HLA 2:18

O, Jerusalem ni banghai khan Rengpa koi ta ri sehai, a sûn a zânin ni mitrithi chu tuipui angin luang ri se. Mong viat loiin chap mai ta roh.

CHAP HLA 1:16

Khasikin kêng hiang dôra ki ichap, Ki mitrithi khom a irte don don a ni. Lungngam saktuhai an irthekindarh zoia, A nin hartir thei tûte om ta mahai, Râlhai an hrât tâk sikin, Ki nâi le tehai khom an chaninvâi zoi ta.

INPÂKNA HLAHAI 119:136

Ki mitrithi hi tuidung angin a luang dût dûta, Mihaiin ni dân an zôm no sikin.

1 SAMUELA 15:35

Khaangin Samuela chu a thi nî dênin Saula chu va’rtongpui nôk ta maka; khannisianlân, Samuela kha Saula sikin beiindong takin a iom tâk a ni. Rengpa khan Israelhai rêng ni hranga Saula a lei iphun kha a irsîr tâk a ni.

EZEKIELA 36:38

Khan atûna khopui siata omhai hi, kha tena chu mihriam insiptirhai ki ta, tiana Jerusalema hruaithe zoroa an inhlan ngai belra sip nguta an iom ngai ang khan. Khanchu Rengpa chu ki nih ti inhre suak ta an ti,” a tia.

CHAP HLA 1:2

Zâna khom chap khovârin, A bianga mitrithi irte don don a luanga. Ama irngaiirsânga lungkhamtu dang nei loiin a rualhai huangin, a râl an chang zoi ta.

JEREMIA 23:1

A mihai insiata, irthekindara roirêltuhai kha an chunga Rengpa roirêlna chu idôra ichiom hrang mo a ini tâk?

JEREMIA 22:5

Khan ki thupêkhai nin zôm noa ni’n chu, nin kuang chong ki irkhâm a nia, hi rêng in hi la ram chit a ti. Keima Rengpa’n ki iti a ni.

JEREMIA 17:16

Khan khomin Rengpa an chunga vânduaina irkhêl intung hrangin nang lei ngên ngai ma unga, an ta hranga vânduaina zoro a iom hi ki inuam ni mah. Rengpa, hi hi nin hriata, ki iti kha ni inhriat a ni.

ISAIA 63:11

A mihaiin chu Mosia dam lai, tianlai sûn a ngaitua suaka, an sa vâihai a enkola, tuipui ata la suaktu kha khôn moh a om ta? Mosia kuanga irtha pêk theitu kha khôn moh a om ta?

1 SAMUELA 15:11

“Saula rêng ki lei inchang hi chu ki irsîr a ni; hnung a ni songsana, ki thupêkhai zôm maka,” a tia. Samuela chu a ning an mur pea, zân khovârin Rengpa an sama.

JEREMIA 15:17

Innui irdâiin ki zoro sahai chu mi danghai leh hmang ngai ma unga. Ni thupêkhai zômin ki binga omin ni ningmurna ki isip a ni.

JEREMIA 23:2

Hi hi Rengpa Israelhai Pathianin a mihai a ienkol hranga hruaituhai chungthua a iti chu a ni: “Ki mihai enkol mak chea, irthekindarin nin irzûlpaihai a ni. Nin thil sual thôna sikin, atûn hin dûk nangni tho ki ti.

CHAP HLA 1:9

A porinchena a silkaia kopin, thup thei ta loiin a om. A zoro hek hrang ngaitua ta loiin a oma, a siatna irkhêl hrai sikin, Irtharngam pêktu tûte nei ta loiin; En ro, Rengpa kin ngîrhmun siat lam hi, râlhai an ihrât a ni ta,

EZEKIELA 9:4

Khan, Rengpa’n a kuang, “Khopui chu irfangin lân, Jerusalem chu irfangsuak ro; a sûnga thil porinche an thoa poi tia chap tâkhai chu an michala irsinsiana sia ro,” a tia.

EZEKIELA 24:16

“Mihriam nâipa, ni lunginkham taknu kha voikhat zelin ni kuang ata lapai hrang ki ni. Khannisian chûlpui ual no’n lân ni mitrithi khom intha viat no roh.

CHAP HLA 3:48

A siat thei dôra siat kin tonga, ki mitrithi a iluang zul zul a ni.