JEREMIA 13:14 - PATHIAN LEKHABU IRTHIANG C.L. Bible (BSI)

¹⁴ A tar le a vângin bêl a binga irtoka koi ngai ang hin an michal indang pehai ki ta, lungkhamna, kanna le khonzâna boi vingin ki irhmangtirhai hrang a ni,” a tia.

JEREMIA 13:14 ပူးပေါင်းရင်းမြစ်များ

2 THURCHI SUINA 20:23

Amon-hai le Moabhaiin an doihaia, an that phiarhaia, a sate’n an irdoi tâka.

JOBA 27:22

Khonzâna boiin sêm inzuan a ta, A sintho theina kôla khan sêm insiat zoi a ti.

INPÂKNA HLAHAI 2:9

Anni kha thîr khianghrolin inkhoi ni ta, Pil bêl angin anni kha khoi irnôitir chit ni ti,” a tia.

ISAIA 27:11

Thing ônhai khom chârin a tâka, Thingtua hrangin nupanghaiin an irkhôm a ni ta. Ite inhre thei loi nam an ni hih, a siamtuin lungthunghai loi angin, anni inren ngaitu hin lungthunghai mai ta no nih.

JEREMIA 15:5

Rengpa’n hiang hin a ti, “Jerusalem mihai, tu’n mo lung nangni inkhama, tu mo nangni châ hrang tâk? Tu mo zoro sôttak hnunga imo nin thurchi ti nangni irdon hrang tâk?

JEREMIA 15:6

Nangni’n nin ni hnôla, hnung nin ni isongsan a ni ta. Khasika khan ki bân ki’rzanga, ki kut ki insum a ni, Ki ningmur insua ki sôl tâk sikin.

JEREMIA 16:5

“Lusûn omna ina ni ilêng viat hrang ni mah. Mi tûte ta hrang khomin chap no roh. Ki mihai chu irtharngamnain satvurhai mai no ninga, lungkhamna le khonzâna khom hmu ta no nihai.

JEREMIA 21:7

Khan nang chu ni mi lianhai le ni mipui irdoina hmun ata, châm le hripui ata dam suaka la omhai, nin rênga nangni that nuam rêng Nebukadnezara’n nangni that a ti. Mi tukhom khonzâna mo, lungkhamna mo, nin chunga inlangtirin nangni hôi viat no ni. Keima Rengpa hin ki iti a ni,” a tia.

JEREMIA 25:16

An ina a ni’n chu pêm an ta; lungrîl bulbâl nei no nihai, an kuang khandai ki tîr hrang sikin,” a tia.

JEREMIA 47:3

Sakorhai inper irhâi le sakor tâli irhâi rum tiin le an ke irhâi inringin inhria an ti. Pasalhai kut irzal pehai a ta; an nâihai khom donsui zoi thei ta no nihai.

JEREMIA 48:12

“Mihai intir uain tui angin Moab ki bunthuanna hrang nî a hong inai a ni ta. A uain bêlhai bunpaiin rong a ta, vîkkhoi chit an ti.

JEREMIA 6:21

Khasikin hi mihai hi masanhai ki ta, inrîl an ti. Pahai le nâipasalhai thi an ta, khaang ngêt khan sa pâl sahai le an tualbômhai khom,” tiin.

CHAP HLA 2:21

Kholaidunga nâipang le tarhai thi omhai, ruathar dôngma khandaia thi, lungkhamna nei viat loi hi a irsam loi moh.

EZEKIELA 24:14

Kei Rengpa Pathian hin ki iti a ni, ki chângna hrang zoro chu a hong tung thiai ta. Ni sualnahai chu hnôlpai no ninga, inrenna mani, khoza’rngaina mani ni chunga inlangtir no ning, ni sinthohai sika khan hremin om ngêt ni ti,” Rengpa Pathianin a ti.

EZEKIELA 7:3

Atûn hin ni hrangin mongna a ni, ni chunga ki ninginmurna chu zuan tung ki ta, ni omdân ang takin roirêl ki ti, thil porinche tak tak ni itho sika khan nang hrem ki ti.

EZEKIELA 7:4

Ki mitin nang irhmâi no ning, nang inren ual no ning; ni lei itho ngai ang tak khan ni chunga hong tho ki ta, thil porinche ni itho sikin nang hrem ki ti, khanchu, Rengpa chu ki nih ti inhriat nin ti,” a tia.

EZEKIELA 7:9

Khan, ki mitin nang irhmâi no ning, nang inren no ning, ni omdân ang zêlin ni chunga zuan tung ki ta; thil porinchehai ni itho chu ni chunga nang thuan ki ta; khanchu kei Rengpa hi hrem thei ki nih ti inhria nin ti,” a tia.

EZEKIELA 8:18

Khasikin, kei khomin ningmur takin ki itho hrang a ni; ki mitin irhmâi no ninga, inrenhai viat no ning; inring takin nin samhai khom sian irngai viat no ning,” a tia.

EZEKIELA 9:10

Kei khomin irhmâi no ning, inrenhai viat no ning; an sintho ang takin thuanhai ki ti,” a tia.

EZEKIELA 9:5

Ki mikuar inhriata, mi dang kuanga khom, “Ama hnung khan khopui chu irfangin lân, va thathai ro; irhmâi viat loiin, inrenna khom nei loiin.

HOSEA 2:4

A nâihai khom inren no ning, notizuar nâi an ni sikin.

ZAKARIA 11:6

(Khan Rengpa’n hiang hin a hrila, “Irnêng chunga mihai khu inkhat lua inrenhai ta no ning. Mi tin chu an roirêltuhai kuta pehai ki ta, kha roirêltuhai khan irnêng khu lan ram an ta; khanchu keiin anni chu an kut ata saninzôkhai no ning,” a tia).

MATHAIA 10:21

“Urêng khomin that hrangin a urêngpa lan cheltir a ta, pa khomin a nâihai lan cheltir sa ta, nâihai khomin an nu le pahai doi an ta, that an ti.

MARKA 13:12

Urêng khomin that hrangin a sangpa lan cheltir an ta, pa khomin a nâihai lan cheltir sa a ta, nâihai khomin an nu le pahai doi an ta, that an ti.

DÂN INHNINA 29:20

Khaang mi kha chu Rengpa’n ngaidam no nia, a chunga Rengpa ninginmur kha suakna a ti. Hi lekhabua thil saloi murdi hin hong tong a ta, Rengpa khan inboipai zit a ti.

1 SAMUELA 14:16

Khan, Benjamina ram Gibea khuaa Saula râl hrungtuhaiin an hong thîrhaia. Filistia-hai chaninvâia intânhai kha an hmuhaia.