JEREMIA 12:7 - PATHIAN LEKHABU IRTHIANG C.L. Bible (BSI)

⁷ Rengpa’n a ti, “Israel ki mâksan rak tâka, ki nam inthang ki imâk tâk a ni. Lung ki ithunghai chu an râlhai kuta ki ipêk tâk a ni.

JEREMIA 12:7 ပူးပေါင်းရင်းမြစ်များ

2 RÊNGHAI 21:14

Ki mi, la thi zoi loihai khom hi hnôlhai ki ta, an râlhai kuta la pe ki ta, khanchu an nuam takin soisakhai an ti.

INPÂKNA HLAHAI 106:40

Khasikin Rengpa ning kha a mihai chunga an mur tâka, an tirhai tâka.

INPÂKNA HLAHAI 78:62

A mihai kha khandai kuang a pêka; A’rchon chunga khan a ning an mur tâka.

ISAIA 2:6

Ni mi Jakoba nâihai hih ni mâkhaia, nisua tianga mihai le, Filistia mihai dôi an hmanga, nam danghai an kop tâk sikin.

JEREMIA 11:15

Rengpa’n a ti, “Lung ki ithunghaiin thil saloi an thoa, ki tempila om mai hrangin i zât thuneina mo an la inei? chonginkungnahai siamin sa irbôlnahai inhlanin, siat rip theina zuang tung hrang chu khap thei hrangin an irbe ma ni? Kha khan a inlômtirhai thei hrang ma ni?

JEREMIA 14:19

Rengpa Judahai chu ni ihnôl phar ma ni ta? Zion-a mipuihai chu ni ipaihai rak ma ni? I lo hrang mo irtharngamna kin zonga, khannisian ite thil sa tung maka; dam hrangin kin sabeia, lungkângna kêng a itung.

JEREMIA 17:4

Ki ram nang pêk chu masan ni ta, ram ni la inhriat ngai loi hmuna ni râlhai sin thoin nangni siam ki ti. Ki ningmur chu mei ang a nia, a ikângpai hrang a ni,” a tia.

JEREMIA 22:5

Khan ki thupêkhai nin zôm noa ni’n chu, nin kuang chong ki irkhâm a nia, hi rêng in hi la ram chit a ti. Keima Rengpa’n ki iti a ni.

JEREMIA 23:33

Khan Rengpa’n ki kuang, “Jeremia, ‘Rengpa chongbe chu imo a ini?’ ti hi tukhomin, deipu’n mo, ochaiin mo nang ar donin chu, ‘Rengpa hrangin puakrik ni nia, nang a ihnôl hrang a ni,’ ti anni chu hrilhai roh.

JEREMIA 23:39

anni chu lahai ki ta, a ni, anni le an irchibulhai ki ipêk khopui chu hlataka dêngzuan ki ta, ti hi hrilhai roh.

JEREMIA 51:5

Israel le Juda chu, Israel mi irthiang, ki chunga hin sual khomsian, keima Rengpa Pathian Itinrêngthotheiin ki intha loi a ni.

JEREMIA 7:14

Khasikin Silo chunga ki itho ang khan, hi ki tempil nin iiam chunga hin ki itho hrang a ni. Hi hmun hi nin irchibulhai le nangni ki ipêk chunga; Silo chunga ki itho ang takin tho ki ti.

JEREMIA 7:29

“Châ roi, O Jerusalem mipuihai, Nin sam ep inkol unglân pâi roi; Tâng sîphaia mithi chûl hla sak roi. Keima Rengpa chu ki ning an mura, ki mihai ki hnôl tâk sikin.

EZEKIELA 24:21

Hi thu hi nangni Israel mihai kuang hril hrangin a ni zuang hrila, biakbuk hrâtna chu nin irsorpui oka, a en nin nuama, kha khan nin fe nuam ngai. Khannisian Rengpa’n porinchetir hrang a ni ta. Khanchu nin nâipasalhai le nupanghai Jerusalema mâksana omhai kha khandaiin thi an ti.

HOSEA 11:1

Israel nam kha a nâiinpang lai ata lung ki thunga, Aigupta ram ata ki nâipa hrangin ki ikoisuak a ni.

HOSEA 9:15

An sualna murdi kha Gilgal-a an tho irphuta, kha khan anni kha ki khôkmâka. An thiltho sual sika khan ki in ata inhnot suak ki ti. Annihai hi lungthung ta no ning; an hruaitu murdihai kha tehel zong an ni.

JOELA 2:15

Zion-a khan bekul tum unglân, bu nghei zoro ser irthiang unglân, inkhômpui ir-up tak siam unglân:

JOELA 3:2

nam murdi buk khôm ki ta, Jehosafata irhôra hruai ki ti. Ki mi, ki’rchon dongtum Israel chunga an thiltho sikin an chungthu rêl ki ta; ram danga ki mihai an indartira.

LUKA 21:24

Khandaiin thi an ta, nam tin kuang suaka hruai indarin om an ta, khan, Jentailhai zoro a mong mâka chu Jerusalem hi Jentailhai isirbe ni a ti.

DÂN INHNINA 33:12

Benjamina irchihai chungchâng hiang hin an sîr: “Rengpa ditsak bîk le inren bîk a ni, a mithâ hnuaia lênga, sûn sôtin enkol a ta, a’rnâipui ngit ngai,” a tia.