JEREMIA 12:4 - PATHIAN LEKHABU IRTHIANG C.L. Bible (BSI)

⁴ Idôra sôt mo kin ram hi a ichâr hrang, hmun tina hloisûlhai hi an ichâr hrang? Kin mihai sualna sikin ramsahai le vâhai chu an thi tâk sikin, mipuihaiin, “Pathianin ei omdân hi hmu viat maka,” an ti ngai.

JEREMIA 12:4 ပူးပေါင်းရင်းမြစ်များ

INPÂKNA HLAHAI 107:34

Ram satakhai chu a mi omhai sual sikin, ram inponin an changtira.

INPÂKNA HLAHAI 50:21

Khaang thil kha ni thoa, Khannisianlân ki dâihreka; Khanchu nangma ang chianin ni ni bê ngai: khannisianlân nang halirchu ki ta, ni mithmua a dônte’n inlangtir ki ti.

ISAIA 24:4

Irnêng hi châra ngûi ruaiin om a ta, rammual chu beidongin om a ta, irnêng irvân khom ngûi a ti.

ISAIA 24:6

Khasikin irnêng hi khosâl a ni tâka. A sûnga omhaiin an sualna ra an fâka, mihriamhai kângin an oma, a thi zoi loi chu tômte an ni.

JEREMIA 12:11

Ramchârin an siam tâka, ki makunga rong luaiin a om ta. Ram pumpui chu ramchâr a chang zoi ta sikin tûte’n donsui ta mahai.

JEREMIA 14:2

“Judai ramin a tuanga, a khopuihai chu a iram thiai a ni ta, a mihai chu beidongin irnênga an zâla, Jerusalem chu a san hrang zongin a khêka.

JEREMIA 23:10

Ram chu Rengpa ta hranga iamom loi mihaiin an sipa; pualoi hringnunhai hmangin an irchamneina an ihmang insual a ni. Rengpa khosâlna sikin ram chu a ngûia, sûl hringna hmunhai a châr zoi tâk.

JEREMIA 4:25

Kha hmunhai khan mi, an om zelin hmu ma unga; Vatehai lua vuangin om thei mahaia.

JEREMIA 4:28

Khasika khan irnêng chu ngûi ruaiin om a ta, irvân khom a inthim khap hrang a ni. Rengpa iti lam tak ni ta a ti, a milung inchong thûl ta no nia, thu mongna chu a siam zoi tâka, irlêktir ta no ni.

JEREMIA 5:13

Deipuhai khom Rengpa kuanga irthokin chongbe nei loi, thurchi hlutna boi kêlsua ngai an ni, an tia. Rengpa Pathian itinrêng thothei khan ki kuang, “Jeremia, hi mihai hin hiang hin an ti sikin, nin bâia khan ki thuhai hi mei angin siam ki ti, mipuihai chu thingkung angin om an ta, mei khan kânghai a ti,” a tia.

JEREMIA 5:31

deipuhai khan thu milak bana chu hril suak mahaia; ochaihai chu deipuhai thupêkin roi an rêla, ki mipuihai khomin an lôm lamtak a ni. Nikhua a hek tika chu itin mo an itho hrang tâk?” a tia.

JEREMIA 7:20

Hi sika hin keima Rengpa Pathian hin ki ningmurna tak hi tempil chunga hin bun ki ti. Mihriamhai le sahai chunga ir-angnatin bun ki ta, thing le chîmuhai chunga khom; ki ningmur chu tûte’n an ithat thei loi, mei ang ni a ti.

JEREMIA 9:10

Keima’n, “Mual tin ta hrangin chûlpui angin ki om ta, sûlhring hmunhai hrangin chap ki ti, an châr zoi tâk sikin, Tûte khatak khan an zin nuam om ta mahai. Sa pâl irhâi inhriat hrang khom om ta ma, vâ le sahai khomin laizâm tho’n an rot zoi tâka,” ki tia.

JEREMIA 9:9

Hi thilhai sika hin anni chu dûk ki itho loi hrang mo? Hianga nam chunga hin phuba ki ilâk loi hrang mo? Keima Rengpa’n ki iti a ni.

HOSEA 4:3

Khasikin ram khan sûn a ta, a sûnga lêng tinrêng sôl an ti, ramsahai chunglêng vahai le; a ni, tui khangliana ngahai dênin lâkpai ni an ti.

JOELA 1:18

Sial le lôihai kha an inrûm bâka na! sehrât pâlhai kha an char a donga, sûlhring hmun an nei no sikin; a ni, belra rualhai kha an chapa.

AMOSA 1:2

Khan, ama khan “Rengpa kha Zion tâng ata inrûm dur dur a ta, Jerusalem khua ata ar hâi suak a ta; belra enkoltuhai sâ lêngna hmunhai kha an char a idong a ni, Karmel tâng sîp kha châr a ta,” a tia.

HABAKUKA 3:17

Theipui kung kha pâr ta no khom sian, Grephruia khan a ra om ta no ngân khomsian; Oliv sika sin sôlna kha mâkana hong niin, Loihai khan bu hong vâng ta no khom sian; Belra pâl kha a ina irthoka sâtthâka omin, Sehrât ina khan sehrât pâl khom om ta nohai khomsian,

ZAKARIA 1:12

Khataka Rengpa vântîrtôn khan a sâma, “O sipaihai Rengpa, Jerusalem le Juda khopui chunga, hi kum sômsari ni ninginmurnahai hi i dôr ten mo lung ni inkham loi hrang?” a tia.

ROM KHUAA MIHAI KUANGA TÎRTÔN PAULA LEKHATHON 8:22

Thil siam murdi chu atûn ten nâiha irvei inrûm angin an inrûm tih ei inhriat a ni.