JEREMIA 12:16 - PATHIAN LEKHABU IRTHIANG C.L. Bible (BSI)

¹⁶ Ki mihai chu Baal irhming songin chonginkung an lei irchutir ngaia, khaang takin, ‘Rengpa mihring’ irhming songin chonginkung an irchu tika ki mihai omdân lan lang a ta, an laia kop sa an ti.

JEREMIA 12:16 ပူးပေါင်းရင်းမြစ်များ

HLAHAI HLA 1:8

O, nang nupang laia hmêl satak, nin hriat no’n chu belra rualhai hnung kha suiin lân, ni kêlhai chu belrapuhai puan in kôla lêng ri sehai.

ISAIA 2:3

Mi tamtak hong an ta, hiang hin ti an ti, “Tho Rengpa tânga son fe ei ti, Jakoba Pathian in omna son, a lam ni le’rhmu an ta, a lampuia khan fe ei ti,” Zion ata dân hong suak a ta, Jerusalem ata hi, Rengpa’n thu a ihril ngai a ni.

ISAIA 42:6

“Kei hi Rengpa chu ki ni, diktaka rêl hrangin nangni ki koisuak, ni bân irnak hrâtin nang ki san. Nangma hmangin mi tinhai laia thu ki thung ta. Nam tin invâr hrangin nang ki sia ta.

ISAIA 45:23

Mâni irhming sâmin khomâk ki’rsâma, Ki chonginkung chu iamom tak a ni. Ki thu hril sai tâk chu irlêk ta ngai ma ung; Ki makunga mitin khûksadelin ki’rhming sâm an ti.

ISAIA 49:6

Rengpa’n hiang hin a ti: Jakoba irchi inhartir nôka, Israel la damhai hruai kîr hranga ki siahlo ni hi ite ual ni mah. Hi nêka sintho hrang roiinpui ual ni nei. Rammual pumpui hi inzôk a ni theina hrang le nam tin ta hranga vâr ni ngêt ni ti.

ISAIA 65:16

Ram sûnga mi satvurna zongtuhaiin, Pathian iamom irhming sâmin khuasâl an ti. Matona buainahai a hek zoi tâka, ki ihmu loina rama an om zoi ta.

JEREMIA 16:19

Rengpa, nang chu ni sûnghualtu le hrâtna ni petu ni nia, buaina ki tong zoro khomin ni ni changpui ngaia. Namhai chu kôlkila irthokin ni kuang an honga, an iti chu, “Kin irchibulhaiin pathian dik ni loihai ti no chu a dang ite nei mahai, hmanghmunboi millim ti no chu ite nei mahai.

JEREMIA 18:8

kha namhai khan an sualna an irletin chu, an chunga thil saloi tho ki itum kha irlêk nôk ki ti.

JEREMIA 3:17

Kha zoro kha a tung tena chu, Jerusalem chu ‘Rengpa rêngtoihmuna’ bê ni a ta, nam tinrêngin kha khan chubai ni mûk an ti. An lungrîl sual le sêtin tho hranga a ihril kha tho ta no nihai.

JEREMIA 4:2

ki’rhming chonginkungna nin inei hrang kha, thil dik ni a ti. Khaang khan a ni’n chu nam tinrênghaiin satvur hrangin ni ngên an ta, ni chôiirsâng an ti,” a tia.

JEREMIA 5:2

Rengpa chubai mûkin irbê ngai khom unglân, Nin iti kai kha a nia, nin itum tatak chu ni mah.

JEREMIA 5:7

Rengpa’n irdoina a siama, “I lo hrangin mo ki mihai sualna kin inzâhai hrang? Anni mâk raka pathian dang dik loihai chubai an mûk tâk sikin, ki mihai chu an khop mâka kin fâhaia, Khannisian an uire zoi tâka. Notizuarin an zoro an hmang inhek ta.

JEREMIA 6:16

Rengpa’n a mihai kuang, “Lamsuamhaia ngîr unglân, hei thîr hi roi, tianlaia lampui dik omna irdonhai roi. Kha khan fe unglân, irtharngam takin lêng roi,” a tia.

ZEFANIA 1:5

In chung sîpa irvân tiang thilhai kuanga kûn ngaihai, Rengpa kuang khomâksâma Malkama sâla insam saa kûn ngaihai,

ZAKARIA 1:6

Ki thu le ki thu’nkunghai, ki siahlo deipuhai kuang, ki pêkhaia khan, nin pahai kha a innang tak khom a ini mo ni ma? khanchu, an hong irheia, sipaihai Rengpa khan kin chungchânga ti a tum ngai angin kin om dân ang zêl le kin thiltho ang zêlin keinia a ti tâk a ni, an ti kha, tiin.

ZAKARIA 2:11

Kha nikhuaa khan nam tamtakin Rengpa kha hong zom an ta, ki mihai ni an ti: khan, ni kuanga khan lêng ki ta, khanchu, sipaihai Rengpa khan ni kuang a ni itîr a nih ti nin hriat tâk nin ti.

ROM KHUAA MIHAI KUANGA TÎRTÔN PAULA LEKHATHON 11:17

Oliv thing ôn senkhat kha sât thâkin, nangni oliv dolhai kha oliv kunga khan zom nin nia; irzung sa kha nin thop sa tâka.

ROM KHUAA MIHAI KUANGA TÎRTÔN PAULA LEKHATHON 14:11

“A hringpu kha ki ni kêng, Mi tinrêng ki makunga khûksadelin om an ti. Irnêng murdi’n Pathian ki ini inpuang an ti, Rengpa’n a ti,” ti irziak a ni.

1 KORINTH 3:9

Pathian ta hranga sin suam kin ni, nangni hi Pathian loimân nin ni. Pathian in sin nin ni sa.

JOSUA 23:7

Nin laia nam dang la om leh hin irpôl no roi; an pathianhai hi koi no roi, an irhming sâmin chong inkung no roi, chubai mûkin an makunga kûn viat no roi.

RUTHI 3:13

A vuan zân chu riak photin lân, nangtûka ni urêng irnaipuiin a itho hrang a tho nuam no’n chu keima’n tho ki ti, ti Pathian hring irhmingin chong kin kung, khovâr mân chu zâl phot ro,” a tia.