JEREMIA 12:13 - PATHIAN LEKHABU IRTHIANG C.L. Bible (BSI)

¹³ Ki mihai chu bu an inrîtin, hloisûl an irtika; an sinsôl bâk ngaia, khannisian ite an ra om ngai mah. Ki ningmur irkhêl tak sika khan, an chîmuhaiin ra an insua thei loi a ni,” a tia.

JEREMIA 12:13 ပူးပေါင်းရင်းမြစ်များ

INPÂKNA HLAHAI 78:62

A mihai kha khandai kuang a pêka; A’rchon chunga khan a ning an mur tâka.

ISAIA 55:2

Khop liama om loi hrangin, nin sum nin inchêk ngaia! khopna ni loi hrangin nin irnak nin paia, ki thu hi irngai roi, thil sa tui zât murdi nin inuam tak nin fâk theina hrangin.

JEREMIA 17:10

Keima Rengpa hin nin irngaituanahai ki suia, Mihriamhai lungrîl ki ifia ngai a ni. Mi tin an innun dân dungzuiin an sintho dungzuiin lômman ki pêk ngai,” a tia.

JEREMIA 4:26

Ram hoi le satak khom a châr zoi tâka; A khopuihai chu Rengpa ningmur irkhêl tak sika khan a ram zoi tâka.

JEREMIA 9:5

Rual le rual an irhuanga, thudik insîr zel om mahai; Minlak tho an irchu irhlôma, sual sin thôna’n zoro an inhek ngai.

HOSEA 8:7

phâivua an songa, phâivua saloi an i-ât hrang a ni: a kung inding nei maka, a’rzîk khan ra insua no ni; a ra insuak khom sianlân, mikhualhaiin fa zoi an ti.

LEVI DÂN 26:16

hiang hin nangni hrem ki ti: chamairakin nangni inomtir ki ta, inkhurpui, dam thei loi hri irvei nin ta, nin mit dolde suak a ta, hring suakpui no chin ni.

LEVI DÂN 26:20

Môk sin sosôl ni nin ti, nin loia ât hrang om no nia, nin thei kunghai khom ra ual no ni.

MIKA 6:15

Song ni ta, khannisian ât no chi ni: oliv rahai kha sir inzôi ni ta, khannisian a hriak kha irthu no chi ni; grep sôminzung khomin lân, a uain kha in no chi ni.

HABAKUKA 2:13

En u ta, namhai kha tep loia mâni an irlungkhama, chi tinhai khan mei ta hranga sin an isôl hi, Sipaihai Rengpa ata a ini loi ma ni?

HAGAIA 1:6

Tamtak nin songa, tômte nin inlût ngaia; nin fâka, khop ual mak chêi; nin ina, khop mak chêi; nin sila, lum ual hliak mak chêi; irhlo fâk khan zêp cheta tha hrang piala a ihlo a ni.

HAGAIA 1:9

Hmu nghek nin sabeia, irngai u ta, tômte a lei ni; ina nin hong tunga, ki lei sêm irhmangpaia. Itho sika mo? ti hi Sipaihai Rengpa thu suak a ni. Nangni mâni in tiang pan senga nin intân lat ngaia, ki in kha chu a ram chian sika a ni.

ROM KHUAA MIHAI KUANGA TÎRTÔN PAULA LEKHATHON 6:21

Atûna nin inzakpui tak, thil nin lei itho ngai kha, nin inlâppui mo? Kha khan a mong taka chu thina an tunga.

DÂN INHNINA 28:38

Chîmu song nghek nin ta, tômte vai man nin ti; khâiin nangni fapai pe an ti.