JEREMIA 12:10 - PATHIAN LEKHABU IRTHIANG C.L. Bible (BSI)

¹⁰ Ram dang roirêltu tamtakin ki grep irhuan an insiata, Ki loihai chu an chîlpol neng tâka. Ki ram enhoi tak chu ramchârin an siam zoi ta.

JEREMIA 12:10 ပူးပေါင်းရင်းမြစ်များ

JEREMIA 23:1

A mihai insiata, irthekindara roirêltuhai kha an chunga Rengpa roirêlna chu idôra ichiom hrang mo a ini tâk?

ISAIA 63:18

Ni mi irthianghai hin ni Tempil chu, zoro sôtnote sûng an luaa, kin râlhaiin an del siat zoi ta.

JEREMIA 6:3

rênghai chu an sipai pâlhai leh kha khan la riak an ta, khopui irkulin an puan inhai zâr an ta, an laia mi tukhom an nuamna taka la riak an ti.

JEREMIA 3:19

Rengpa’n a tia, “Israel ram milung chuk om, rammual pumpui sûnga ram hoitak nang pe hrangin, ki nâi hrangin nang ki inuam a nia, ‘Ka pa,’ tiin a ni koia. Ki kuanga irthokin a dang tiang tehelzong ta loi hrangin, Nang ki inuam a ni.

THUPHUANG 11:2

Khannisianlân, Biak in pên tiang chu irkhî no roh, Jentailhai kuang pêk a ni tâk sikin. Anni khan khopui Irthiang kha tha sômminli le tha hni sirpha an ti.

LUKA 21:14

Lei inhre diam roi, itin mo irphilin kin lei isâm hrang, tiin lunginkâng no roi.

JEREMIA 39:3

Jerusalem kha an lâka ni’n chu, Babulon ram rêng le a milianhai hongin kotbâi inlaina taka khan omhmun an khuara. Nergalserezera, Samgarneboa, Thainuzel hai hruaitu Sarsekima, hruaitu sipaihai Nergal-serezera hai khom an om saa.

JEREMIA 25:9

‘Hmâr tianga mi tinhaiin le a ni zui rêng Nebukadnezara, ki ikoi hrang a ni. Judai ram le a luatuhai le a kôlvêla nam danghai doi hrangin ki hong ihruai hrang a ni. Hi nam le a kôlvêla nam danghai chu insiat chit ki ta, mihai khan ar khêl ti an ta, ar khêl ti ok an ti, kumtuangin an insiat hrang a ni. Keima Rengpa’n ki iti a ni.

ISAIA 43:28

Khanchu, ki hmun irthianga hruaituhai porinchetirin, Jakoba chu khosâltongin siam ki ta, Israelhai chu irsêlna bûra siam ki ti.

JEREMIA 9:10

Keima’n, “Mual tin ta hrangin chûlpui angin ki om ta, sûlhring hmunhai hrangin chap ki ti, an châr zoi tâk sikin, Tûte khatak khan an zin nuam om ta mahai. Sa pâl irhâi inhriat hrang khom om ta ma, vâ le sahai khomin laizâm tho’n an rot zoi tâka,” ki tia.

EZEKIELA 34:2

“Mihriam nâipa, Israel roirêltuhai kha theiloi inchangtirhai roh. An kuang thu hrilin lân, kei Rengpa Pathian hin hiang hin ki iti a ni, ti pehai roh. Nangni Israel belrapuhai nin chung a rik e! Nin bingin, nin irdonsuia, khannisian belrahai chu itiklai khom donsuihai ngai mak chêi.

DANIELA 8:13

Khanchu, vântirtôn inkhat hin vântirtôn dang kuang hianga ar don hi kin hriata, “I dôr ten mo hi inlârnaa thil hmua omhai hi a iom hrang? I dôr ten mo sualna hin a ni tina thilinhlanhai hmun hi a ilâk mai hrang? I dôr ten mo irvân sipaihai leh hi tempil hi sirbea a iom hrang?” tiin.

ZAKARIA 7:14

Kêllaiher angin, ram danga om hrangin ki phît infâihai zit tâka. Hi ram satak hi masanin khoram inchangtirin, mi inkhat lua a sûnga om loiin an siam tâk a ni.

ISAIA 3:14

Rengpa’n an ulianhai le an hruaituhai chung thu a hong rêla. Nangnihai hi grep irhuan inram zoitu nin ni, mi inrianghai thil nin lâka, nin ina nin bukkhôma.

JEREMIA 25:37

A ningmurin Rengpa’n ni nam le ram hoitaka omhai kha inramin insiat an ni sikin, lungzîngin khêk suak ta roi.

JEREMIA 25:38

Rengpa’n a mihai chu kâmkeibaknei, a khur mâk angin, masan a ta; irdoina sikin ichiomnahai le Rengpa ningmur irkhêl khan ram sa kha ramchâr an changtir ta.

EZEKIELA 34:5

Belrahai khan belrapu an nei no sikin an irthekindara, ramsahaiin thatin an fâkhai ngai.