JEREMIA 12:1 - PATHIAN LEKHABU IRTHIANG C.L. Bible (BSI)

¹ Rengpa ni chunga hin chiar mai khom inlân, nang chu ni dik mai ngai a ni. Khan ni roirêlna dân hi nang ki irdon a ni. I lo hrangin mo, mi pualoihai chung an tuar bâka; mi dik loihai hlo an ichuk ngai.

JEREMIA 12:1 ပူးပေါင်းရင်းမြစ်များ

IRPHUTNA 18:25

nangma’n chu khaanga mi felhai mi suala an lût thei loina hrangin, mi felhai hi a sualhai le thathai hrangin chu tak nang sôn ma unga; irnêng chunga roirêltu’n fel takin a irêl ngai mo ni ma?” a tia.

EZRA 9:15

O Rengpa Israelhai Pathian, nang chu ni fela; a la zôk thei kin nia, a vuana keini ang hin, irngai ro, theiloi changin ni kôla kin oma, hihai sikin tûte ni makunga ngîr thei kin iom loi a ni,” ki tia.

NEHEMIA 9:33

I khomnisian, kin chunga thil hong omhai hi nang chu ni fela; dik takin thil ni thoa, keini’n chu dikloi takin kin oma:

JOBA 12:6

Khannisian inrûhai le Pathian nei loi mihai chu lungthi takin an om ngaia, an pathian chu an hrâtna vai hi lei ni khom sian.

JOBA 13:3

Khannisian El-sadai kôla Itinrêngthothei khan thu hril ki nuama, Pathian le hmunkhata ki chungchang hi hril ki irzuk a ni.

JOBA 24:12

Khopui lianpumin mi an khêka, mi sâbe tuang lungrîl na an khêk suaka; Pathian lakin thil dikloi kha ite bê’n bê maka.

JOBA 24:23

Zôkna lampui ar hmuhaia, Khatak khan an irngam ngai. An lampui hro lai khom a ensui mai ngai.

JOBA 8:17

A’rzunghai chu irnêng rîla lûtin lung a kher indeta.

INPÂKNA HLAHAI 116:5

Rengpa chu mi lunginkham thei tak le fel tak a nia; A ni, ei Pathian chu mi lunginkham thei tak a ni.

INPÂKNA HLAHAI 119:137

O Rengpa, nang chu ni fela, Ni roirêlna khom a idik a ni.

INPÂKNA HLAHAI 119:75

O Rengpa, ni roirêlhai chu fel ti le, Nangma’n chu iamom takin a ni, ni ni sep a nih ti kin hriat tâka.

INPÂKNA HLAHAI 145:17

Rengpa chu a om dân murdia a fela, A sintho murdia mi lunginkham thei tak a ni.

INPÂKNA HLAHAI 37:1

Thil saloi thotuhai sikin beiindong no’n lân, Fel loitaka thohai chu irzuk no roh.

INPÂKNA HLAHAI 37:35

Mi sia chu a satêna ircham neia, A mongna hmuna thing incher mur anga a om lai ki hmua.

INPÂKNA HLAHAI 51:4

Ni chunga, ni chung vaia thil ki tho’nsuala, Ni mithmua thil ki lei tho’nsual tâka: Thu nin sîrin thiam ni chang theia, Roi ni rêlin sêlnaboi ni ni theina hrangin.

INPÂKNA HLAHAI 51:6

Irngai ta, sûngrîl tianghai hin takna ni nuam ngaia: Khanchu inlang loina tiang hin vârna nin hretir ni ti.

INPÂKNA HLAHAI 92:7

Mi siahai hloisûl anga an hong inchora, Thil tho’nsualtuhai murdi an hong thoi hlut hluta hin, Kumkhua hranga irhmangtirin an iom hrang a lei ni hen, ti hi:

THUVÂRHAI 1:32

Mi’nmôlhai chu vârna an hmusit sikin an thi ngaia. Intohai khom an lungchukna kha an irhmangna a ni ngai.

THUHRILTU 8:14

Khanchu irnêng chunga hin thil fel nia inlang loi hi a tung saa, a kâra chu mi sualhai chunga hremna chu mi felhai chunga a tung ngaia, mi felhai lômman khom chu mi sualhaiin an dong ngaia; hi khom hi keiin chu chanlamboi a nih ki iti a ni.

ISAIA 41:21

Nangni, nam tinhai pathian, thiamthu hril hrang nin inei chu hril roi, Rengpa Israelhai rêngin a ti.

ISAIA 48:8

Nin la inhriat ngai loi, nin la ihmu ngai loi, matona khan mikuar khoma nin inhriat thei loi, mi huang ngai ni nih ti kin hriat, nin suak ata tehel lei zong ngai mi nin nia.

JEREMIA 11:20

Khanchu ki chongchaia, “Itinrêng thothei Rengpa’n nang chu roirêltu fel ni nia, mihai irngaituana le nuamnahai ni fia ngaia. Ki chungchâng thu hi ni kuta ki bâng, khaangin ki mihai chunga phuba ni lâkin chu nir hmu ro,” ki tia.

JEREMIA 12:6

Ni irzirpui ni in mihaiin nang an phiara, nang doi hrangin an irrual a ni. Satakin nang an chongpui khomin, anni chu iamhai no ro,” a tia.

JEREMIA 3:20

Khan iamom loi dôngma ang taka, ki ta hrangin iamomin lei om ngai mak chea,” ti hi keima Rengpa’n ki iti a ni.

JEREMIA 3:7

Hihai murdi hi a tho zoi tena ki kuang hong kîr nôk ngêt a ti, ki lei tûnga. Khannisian hong kîr maka. A zuarpuinu Juda, mi iamom loi khomin thil omdânhai a lei hmu vinga.

JEREMIA 32:16

Ram irchôkna lekha poimo Baruka ki pêk zoia khan ki chongchai tâka,

JEREMIA 5:11

Israel le Juda mihai khan an ni idoi a ni,” Keima Rengpa hin ki itih a ni ta.

JEREMIA 9:2

Khual inzinhai hrang ramchâra tungna hrang tûngin om sianlân, ki mihai marakin kha khan om ki ta. An rêngin uire an nia, iamom loi pâl an ni.

CHAP HLA 1:18

Rengpa hi chu a dik a nia, a thu ki zôm no sikin, mi murdi’n ki thurchi hi irngai ta roi, Ki ituang natinsat lam hi nin hmu ving, Kin ruatharte le dôngmatehai sala an in-ôk zoi tâk.

EZEKIELA 18:25

Khannisian, Rengpa sintho dân hi dik ma, nin ti ngaia. Israel insûngkuahaio, irngai roi, ki tho dân a idik loi mo? nin sintho dân hi a idik loi mo ni ma?

DANIELA 9:14

Khasikin, Rengpa’n thil saloi chu a en maia, kin chunga a itung a ni ta: Rengpa kin Pathian chu a sin thônahai hin a fela, a hê kin ilâk loi vai hi a ni.

DANIELA 9:7

O Rengpa felna chu ni ta a nia; keinihai chu inzakna vai a ni, atûn lai ang hin; Judai mihai, Jerusalema omhai, Israelhai murdi, ramhla le anaia mi, ni chunga an sin insiatnahai sikin le ram tina ni irzûl indarhai khom danglam loiin.

HOSEA 6:7

Khannisianlân, Adama angin thuthung kha an tho’nsuala, khataka khan vâr irlet takin ki chunga an itho a ni.

HABAKUKA 1:4

Khasikin, dân thu khan ar fêna om thei maka, Roirêlna thu suak ual ngai ma: Mi felhai kha mi siahai khan an irhual vêla. Khasikin roirêlna kha dikloi takin a suak ngai a ni.

ZEFANIA 3:5

A sûnga khan Rengpa kha mi dik a nia; siatna tho no ni; zîng tinin a roirêlna kha an langtira, lôipai ngai maka; aniachu mi felloi khan inzakna lam reng inhre mah.

MALAKIA 2:17

Nangni rêkin chu, ia khan mo kin insôltir? nin tia. Thilsual thotu murdi Rengpa mithmua mi sa an nia, an chunga khom a sân a lôm ngai nin ti ngaia, roirêl felna Pathian kha khôn mo a iom? nin itihaia hin a ni.

MALAKIA 3:15

Khan, mi lârirpâkhai kha a hoi pehai ei tia; thil tho’nsualtuhai kha an hong thoi insaa, Pathian an fiaa, saninzôk an ni sa ngai nin iti a ni:

DÂN INHNINA 32:4

Itinrêng sataka thotu, lungpui a ni, Dik takin roi a rêl ngai, Pathian iamom le dik, thil sa le dik tho ngaitu a ni.