JEREMIA 11:8 - PATHIAN LEKHABU IRTHIANG C.L. Bible (BSI)

⁸ Khannisian irngai nuam mahaia, a zôm khom nuam mahai. Tukullianin a nitin sual sin an la itho mai ngai a ni. Thuthung zôm hrangin anni kha thu ki pêka, an inuam loi a ni. Khasikin hi thuthunga chuang, tuangna murdihai an chunga ki insum a ni ta,” a tia.

JEREMIA 11:8 ပူးပေါင်းရင်းမြစ်များ

NEHEMIA 9:26

Khannisian an irhmôla, nang an tehel pea, ni dânhai mâksanin, nangma tianga hong nôk hranga hriltu deipuhai an thata, ningmurom thilhai an thoa.

NEHEMIA 9:29

ni dâna ni hruai lûthai theina hrangin nir chutirhaia; khannisian lârirpâk takin sin an thoa, ni thupêkhai pom loiin ni roirêlna sêlin thilsual an thoa, an zôma hringpui nêkin an tukullianin irngai nuam mahai.

JEREMIA 13:10

Hi mi pualoihai ki thu irngai nuam loia, tukulliana om ngai pathian dang sinthoa chubai mûk ngaihai hi diar hmanghmunboi ang hin ni an ti.

JEREMIA 3:17

Kha zoro kha a tung tena chu, Jerusalem chu ‘Rengpa rêngtoihmuna’ bê ni a ta, nam tinrêngin kha khan chubai ni mûk an ti. An lungrîl sual le sêtin tho hranga a ihril kha tho ta no nihai.

JEREMIA 31:32

An irchibulhai Aigupta ram ata hruaisuak hranga an kuta ki chelhai laia ki thuthung ang kha ni ta no ni. Anni hrangin hruaitu ki ni sûng chu ki thuthung kha zui nuam loiin ti hi Rengpa thu suak a ni.

JEREMIA 32:23

Khannisian hi rama hin honga an lua tena chu, ni thupêkhai zômin mo, ni irchutirnahai ite an izôm loi a ni. Khasika khan an chunga hi vânduaina tin hi ni insum a ni ta.

JEREMIA 34:14

tu Hebrai suak khom an sin kum ruk a lei hong tho tâk kha, an insua hrang a nih tiin kin hrila. Khannisian nin irchibulhaiin an irngaisak loi a ni.

JEREMIA 35:15

Nin laia a ni zui deipuhai ki tîrhai maia, nin omdân sualhai masana, thil sa tho hrangin nangni an lei hril ngaia. Nangni le nin irchibulhai ki ipêkna ram hin om kumkhua thei hranga pathian danghai chubai mûka an sin tho loi hrangin nangni an hril ngaia. Khan khomin ki chong irngai nuam mak chêia, nin ni uksak nuam loi a ni.

JEREMIA 35:17

Khasikin atûn keima, Rengpa Israelhai Pathianin vânduaina irkhêl ki inkung kha nangni Judai ram le Jerusalema mihai chunga ki insum hrang a ni. Nin kuang thu ki hril lai khan irngai nuam mak chêia, nangni ki koi lai khan nin ni sâm nuam no sikin, hi hi ki itho hrang a ni,” a tia.

JEREMIA 38:20

Khan, keima’n, “Anni kuta pêkin om no chi ni, Rengpa chongbe hi zôm hrangin nang ki ingên a ni; khanchu itinrêng fel a ta, ni hringna inzôkin om a ti.

JEREMIA 44:16

“Rengpa irhminga kin kuanga thu nin insîr kha, irngai no ni ung.

JEREMIA 44:17

Tho hranga kin iti kai chu tho hrang a ni. Irvân rêngnu kin pathiannu kuang irbôlna inhlan kin ta, uain thilinhlan a ta hrangin bunthuan kin ti, keini le kin irchibulhai kin rênghai le kin hruaituhaiin Judai ram khopuihai le Jerusalem kotsuahaia kin itho ngai ang khan. Kha laia khan bu nêk hrang kin nei hluka, vâng kin saka, ite buaina tong ngai ma ung.

JEREMIA 44:5

Khan irngai loiin, uksak nuam loiin nin oma. Nin sual sintho pathian danghai kuang irbôlna masan nuam mak chêia.

JEREMIA 7:13

Hi sualnahai murdi hi nin itho a nia, vêl tamtak nangni ki hril khomin irngai nuam mak chêi. Nangni ki koi zoro’n nin ni isâm ngai loi a ni.

JEREMIA 7:24

Khannisianlân zôm nuam loiin uksak ta maka. Kha nêkin an lungrîl insêtin tho loi hrang ti an tho nuam ual tâka, sa ual nêkin an isiat ual tâk a ni.

JEREMIA 7:26

Aniachu, tukhomin irngaiin uksak nuam ngai mahaia. Kha nêkin nin tukul nin inliantir ual ngai, nin irchibulhai nêkin tehel nin ihrât ual a ni.

EZEKIELA 20:8

Khannisian, ki chunga tehel an zonga, ki thu tûte’n irngai nuam mahaia, an inuam thil porinchehai chu pai nuam mahaia, Aigupta rama millim pathianhai la pai ual mahai, khanchu Aigupta rama ngêt an chunga ki ninginmurna insum ning mo, ki tia.

ZAKARIA 1:4

Deipu masahaiin, sipaihai Rengpa khan, nin om hrang dân suala atûn hong irhei unglân, nin thilsual kha chu hong irheisan roi, a ti e, tia nin pahai an hril khoma irngaitua loia, mikuar sung loi ang khan om no roi, ti hi Rengpa thu suak a ni.

ZAKARIA 7:11

Khannisian mihaiin chu an tukullian insua’n, irngai nuam loiin an oma; an milunghai khâr khapin,