JEREMIA 11:7 - PATHIAN LEKHABU IRTHIANG C.L. Bible (BSI)

⁷ An irchibulhai Aigupta ata ki hruaisuak nî ata a vuan tena hin, ki thu zôm hrangin ki lei hong ihrilhai an ni.

JEREMIA 11:7 ပူးပေါင်းရင်းမြစ်များ

2 RÊNGHAI 17:13

Rengpa’n Israelhai le Judahai hril hrangin a tirtôn le deipuhai a tîr ngaia, “Nin omdân intirom hi masan unglân, nin irchibulhai laia ki dân pêkna lekhabua chuang ki siahlo deipuhai ihril; ki thupêk le ki inkunghai zôm unglân, tiin.

2 THURCHI SUINA 36:15

Tempil le a mihai chu a san nuamhai sikin, mipuihai irchutir hrangin an irchihai Pathian khan deipuhai a tîrhai maia.

FESUAKNA 15:26

“Rengpa ni Pathian hnuk irhâi kha ngûk takin irngaiin lân, a mit hmua a sa a iti murdi ni sina, ni pomin chu Aigupta mihai chunga hri ki inlêngtir ang khan ni chunga inlêngtir no ning. Keima hi Rengpa nang an damtirtu ki ni,” a tia.

JEREMIA 11:4

Hi thuthung hi an irchibulhai Aigupta rama thîr hâl inzôitu kuang ata ki hruaisuak nia ki isiamhai an ni. Ki thu zôm hrang le sin hranga thu ki ipêk murdi tho hrangin kin hrila. An zôma ni’n chu ki mihai ni an ta, keima an Pathian ni ki tih ti ki ihril a ni.

JEREMIA 25:3

“Kum sômhni inthum sûng, Amona nâipa Josia, Judai rama an lal kum sômhleithumna irthokin a vuan sûn ten hin, Rengpa’n ki kuang thu an sîra, kha a iti kha nangni hril loiin om ngai ma ung. Kha kha nin iuksak loi ngai a ni.

JEREMIA 25:4

Rengpa’n a deipuhai a zuituhai a zuang tîrhai mai ngai khoma chu, irngaiin mo, nin iuksak nuam loi a ni.

JEREMIA 31:32

An irchibulhai Aigupta ram ata hruaisuak hranga an kuta ki chelhai laia ki thuthung ang kha ni ta no ni. Anni hrangin hruaitu ki ni sûng chu ki thuthung kha zui nuam loiin ti hi Rengpa thu suak a ni.

JEREMIA 32:23

Khannisian hi rama hin honga an lua tena chu, ni thupêkhai zômin mo, ni irchutirnahai ite an izôm loi a ni. Khasika khan an chunga hi vânduaina tin hi ni insum a ni ta.

JEREMIA 34:14

tu Hebrai suak khom an sin kum ruk a lei hong tho tâk kha, an insua hrang a nih tiin kin hrila. Khannisian nin irchibulhaiin an irngaisak loi a ni.

JEREMIA 35:14

Jonadaba irchihaiin chu uain in loi hranga thupêk kha an zôma, a vuan sûn ten hin nin laia inkhat khom uain in la om mahai. Khan keima’n chu nin kuang thu kin sîr khomin ki thu zôm nuam ngai mak chêia.

JEREMIA 35:15

Nin laia a ni zui deipuhai ki tîrhai maia, nin omdân sualhai masana, thil sa tho hrangin nangni an lei hril ngaia. Nangni le nin irchibulhai ki ipêkna ram hin om kumkhua thei hranga pathian danghai chubai mûka an sin tho loi hrangin nangni an hril ngaia. Khan khomin ki chong irngai nuam mak chêia, nin ni uksak nuam loi a ni.

JEREMIA 7:13

Hi sualnahai murdi hi nin itho a nia, vêl tamtak nangni ki hril khomin irngai nuam mak chêi. Nangni ki koi zoro’n nin ni isâm ngai loi a ni.

HOSEA 4:1

Israel irchihaio, Rengpa thu kha irngaitua u ta; hi rama hin thutak le lungkhamna le Pathian inhriatna a om no sikin, Rengpa khan ram luatuhai beina hrang a nei.

HOSEA 5:1

O nangni, ochaihaio, hi hi inhre unglân, nangni Israel sûngkuahaio, irngai unglân, o inlaltak sûngkuahaio, mikuar sung roi, roirêlna kha nin ta hrangin a nia; Mizpa châng le Tabor tânga lên inzar nin ni sikin.

ZAKARIA 1:4

Deipu masahaiin, sipaihai Rengpa khan, nin om hrang dân suala atûn hong irhei unglân, nin thilsual kha chu hong irheisan roi, a ti e, tia nin pahai an hril khoma irngaitua loia, mikuar sung loi ang khan om no roi, ti hi Rengpa thu suak a ni.

EFESI 4:17

Khanchu, hi hi kin sîr nuama, Rengpa irhmingin nangni ki hril; lungrîl mumal neiloi Jentailhai om lam angin om ta no roi.

DÂN INHNINA 12:32

Nangni ki ihril murdi hi tho ngêt roi; ite bôk no roi, ite irhmâi sa ual no roi.

DÂN INHNINA 30:20

Rengpa nin Pathian kha lungthung unglân, a thu zôm unglân, ama kha chel khak roi; khanchu, nin irchibul Abrahama, Isaka, Jakoba hai kuanga pêk a inkung rama khan nin irchihai le dam insôt nin ti,’ a tia.

DÂN INHNINA 4:6

Hi dânhai hi uksak unglân, zôm khak roi; nam danghaiin an inhriat tika, ‘Hi nam hi nam vâr tak le changkâng tak an lei ni hi te,’ ti an ta, nin vârzia le nin changkâng bîkzia inhria an ti.

DÂN INHNINA 5:29

Khaang lungrîl kha irput maihai sianlân chu, i dôra sa hrang mo a ini! Ni chi an ta, ki thupêkhai zôm an ta, an nâihai ten khom kumkhua’n irhniang an ti:

DÂN INHNINA 6:2

Nin nâihai le nin tuhai khomin Rengpa nin Pathian thu’nkung le thupêk nangni ki ihril hi an zômin an itho hrang a ni; khanchu dam insôt an ti.

DÂN INHNINA 8:6

Rengpa nin Pathian thupêk kha nin zôma, a inuam angin hring nin ta, ama kha nin ichi hrang a ni.

2 THESALONIKA toc2 2 THESALONIKA 3:12

Khaang mihai kha sin tak taka mâni itho suaka irnghat hrangin Rengpa Jisua Krista irhminga thu pêkin kin inthorhai a ni.

1 SAMUELA 8:9

khasikin an thu kha irngai ro. Khannisian irningna thu ngartak pehaiin lân, an chunga rêng roirêltu chang hrang dân fel takin insîr pehai ro,” a tia.