JEREMIA 11:6 - PATHIAN LEKHABU IRTHIANG C.L. Bible (BSI)

⁶ Khanchu Rengpa’n ki kuang, “Judai ram khopuihai le Jerusalem kongkâr lamlianhaia fe roh. Kha khan ki chongbe inpuangin lân, mipuihai chu thuthung thiltumhai irngaia zôm hrangin hrilhai roh.

JEREMIA 11:6 ပူးပေါင်းရင်းမြစ်များ

JAKOBA toc2 JAKOBA 1:22

Sinthôna om loia thu irngai vai a ruk tiin mâni irhuang no roi.

ROM KHUAA MIHAI KUANGA TÎRTÔN PAULA LEKHATHON 2:13

Dân inhriat sika ni loiin a zôma zôm sika khan Pathian makunga thiam chang thei a ni.

JOHANA 13:17

Kha kha nin inhriata, nin zômin chu lôm nin ti.

JEREMIA 19:2

Harsit mikota suakin Ben-Hinom irhôra khan fe’n lân; kha khan, thu nang ki ihril hrang kha inpuang roh.

JEREMIA 3:12

Israel kuang fe hrangin a nin hrila, keima kuang, “Iamom loi Israel ki kuang hong kîr nôk roh. Kei chu khonzâna sip ki nia, ki ninginmur no ni, kumtuangin ninginmurtir mai no ning.

ZAKARIA 7:7

Khan, hi hi matona Jerusalem chu tuanintung taka a oma, mipui tamtak a sip laia le, a khopuihai ti bana, sim tiang le nitâk tiang tâng kôlhaia an om laia deipuhai kuanga Rengpa’n a lei ihril kha a ni.

ISAIA 58:1

Rengpa khan hiang hin a ti: “Khêk ra rakin lân, irdîn viat no ro, bekul irhâi angin ni hnuk insuak ro, ki mihai thil tho’nsual, Jakoba irchihai chu hrilhai roh.

INPÂKNA HLAHAI 15:5

A pung irzûla a sum inpûktir ngai loia, Thiam chang ual thiamloi inchangtirna hranga fâk inrûk la ngai loi mi chu. Khaang thil thotuhai chu itika khom inhnîng no nihai.

JEREMIA 2:2

“Fe’n lân, Jerusalem mihai inhriat hrangin thu insîr roh. Dôngmate ni chang laia ni iamomzia, ei irnei zoia lung ni ni thungzia, chîmu ite song loina hmun ramchâra ni ni izui dânhai kha ki inhriat mai a ni.

DÂN INHNINA 4:1

Atûn chu, Israelhaio, chonginkung le omdân hrang nangni ki irchutir kha uksak unglân, nin nâihai kuang Rengpa nin Pathianin nangni a ipêk ram kha dam taka nin lua theina hrangin zôm roi.

DÂN INHNINA 4:5

Irngai u ta, thu’nkunghai le om hrang dân ei Pathian Rengpa ni ihril ang dênin nangni ki’rchutira, nin ipan, nin ram dong hrang nin tung tika zôm ngêt roi.