JEREMIA 11:17 - PATHIAN LEKHABU IRTHIANG C.L. Bible (BSI)

¹⁷ Keima Rengpa itinrêng thothei hin Israel le Juda chu ki phuna; atûn chu vânduaina thilin ki iti a ni ta. Anni ngêtin an chunga an intungtir ta a ni, sual an sina, Baal kuang irbôlna inhlanin ki ning an inmurtir sikin,” a tia.

JEREMIA 11:17 ပူးပေါင်းရင်းမြစ်များ

2 SAMUELA 7:10

Ki mi Israelhai hrang hmun kin kung, kha khan anni chu mihai sirbea an om loina hrangin ki inomtir tâk a ni. Hi ram an hong lût ata mi pualoihai deng an intheitirhaia, khannisian khaang kha chu om viat ta no ni.

2 THURCHI SUINA 28:25

Judai ram khopuia le kho sûnga hai nam dang pathian biakna hmun irsâng, mirimhoi hâlna hrang a sin pher phura. Hiang hin ar chibulhai Pathian Rengpa chu a ning a inmurtir a ni.

INPÂKNA HLAHAI 44:2

Nangin ni kut ngeiin nam tin chu nin hnot suaka, anni kha ni phunhai tâka; Mi tin chu deng nin theitira, Nangma mihai chu vânsa’n ni siama.

INPÂKNA HLAHAI 80:15

A kung ni kut chang tiangin a phun le, A ôn ni ta hrangin ni inngartir leh hin.

INPÂKNA HLAHAI 80:8

Aigupta ram ata grep hrui ni hong lâka: Nam tin chu nin hnot suaka, ni phun tâka.

ISAIA 5:2

Khur a choia, lung irkhamin, grep sa zât chi a phuna, A laia a enna hrang irpuk a siama, Grep tui sômna hrang khur a choia; A ra irchang a nghâkhmoa, a hong ra’n chu a dol an ni vinga.

ISAIA 61:3

Zion khua beidonghai inthâi hrang le an beidongnahai ata inhartirhai hrangin, porche taka om inhartirhai nôkna hrangin, a lei ngûi tâkhai inpâkna hla insaktirhai nôk hrangin tîr ki ni. Rengpa’n ama chôiindôm hranga a iphun thing inditom taka an nih ti thu hril hranga ki ni.

JEREMIA 1:14

Ama’n, “Hi ram sûnga om murdi chunga hmâr tianga irthokin siatchit theina hor soi buan buan a ta;

JEREMIA 11:11

Khasika khan keima Rengpa’n an chunga siatna zuan sum ki ta, zôk thei no nihai ti hi ki inhriattirhai a ni. Changpui hrangin an ni koi khomin irngai pehai no ning.

JEREMIA 11:13

Juda mihaiin khopuihai an inei dôr pathian khom an nei intama, Jerusalema omhai khomin intirom Baal pathian hranga irbôlna hrang maichâm, khopui kongkâr lamlian tam dôrin an isiam a ni.

JEREMIA 12:2

Anni chu ni phuna, irzung an thâka; an hor sôna, ra an hong neia. An chongbâiin nang an inpâka, an lungrîl rêkin chu nang an ihla vit a ni.

JEREMIA 18:15

Ki mihaiin chu an ni’rnghila, millimhai kuang mirimhoi an ihâl a ni. An lampui fena hrang ata an pêta, lampui milui kha zui ta mahaia; lampui irdang loi an izui tâk a ni.

JEREMIA 18:8

kha namhai khan an sualna an irletin chu, an chunga thil saloi tho ki itum kha irlêk nôk ki ti.

JEREMIA 19:15

Itinrêng thothei Rengpa Israelhai Pathianin a iti a ni, “Hi khopui le a kôlvêla khuahai chunga dûk tuangna insum ki ta, ki ti kha a itung hrang a ni ta, nin tukul nin inliantira, ki itihai nin irngai no sikin,” tiin.

JEREMIA 2:21

A chi diktak, grep ra sa zât angin nang ki phuna, khan en ro, imo ni hong ichang tâk? A thua hmanghmunboi grep hrui angin kêng ni om ta.

JEREMIA 24:6

Anni chu vêng mai ki ta, hi rama hin hong hruai kîr nôkhai ki ti. Anni chu siam indinghai ki ta, kaiinthekhai ta no ninga; anni chu phun ki ta, phâihai ta no ning.

JEREMIA 26:13

Nin omdân saloihai khan nin thûl ngêt hrang le nin thil thohai khom nin imâksan ngêt hrang a nanga, Rengpa nin Pathian thu nin izôm ngêt hrang a ni. Nin zômin chu hi khopui chunga vânduaina irkhêl tung hranga lunginchongna a inei kha indanglamtir nôk a ti.

JEREMIA 26:19

Khan rêng Hezekia le Judai ram mipuihai khan Mika kha that mahaia, Rengpa kha Hezekia a tih sikin, a nuam lam tho hrangin irnak a isong a ni. An chunga vânduaina irkhêl tak tung hranga lunginchong kha Rengpa’n a ithûlpai a ni. Atûn hin eini khomin ei chunga hin vânduaina ichiom tak ei intungtir hrang a ni ta,” an tia.

JEREMIA 32:29

an ihâl hrang a ni, in chung sîpa mihaiin Baal hranga rimhoi hâlin le pathian danghai kuang uain thilinhlan dêngzuana ki ning an inmurtir ngai rêng kha.

JEREMIA 32:30

Israel mihai le Juda mihai chu an thurchi hor phutna ata an sintho khan ki milung hoi loiin ki ning an inmurtir ngai a ni.

JEREMIA 35:17

Khasikin atûn keima, Rengpa Israelhai Pathianin vânduaina irkhêl ki inkung kha nangni Judai ram le Jerusalema mihai chunga ki insum hrang a ni. Nin kuang thu ki hril lai khan irngai nuam mak chêia, nangni ki koi lai khan nin ni sâm nuam no sikin, hi hi ki itho hrang a ni,” a tia.

JEREMIA 36:7

Rengpa’n a ningmur ichiom tak leh an sîhai sikin, an omdân saloihai ata irletin Rengpa kuang ngaidamna an zong duai khom a ni thei,” tiin.

JEREMIA 40:2

Sipai hruaitu khan a hruai irkêma ki kuang, “Rengpa ni Pathianin hi hmuna vânduaina tung hrang hi a lei inpuang tâka.

JEREMIA 40:3

Tho hranga a iti kha a itho a ni tâk. Rengpa chunga thil nin tho’nchâia, a thupêkhai nin zôm no sikin, hihai hi a itung a ni.

JEREMIA 42:10

‘Hi rama om mai nin nuamin chu, khaangin nangni siam loiin nangni san inding ki ta; nangni phôi loiin phunindet ki ti. Nin chunga siat ripna kin tungtir sikin, ki milung a ina a ni.

JEREMIA 44:5

Khan irngai loiin, uksak nuam loiin nin oma. Nin sual sintho pathian danghai kuang irbôlna masan nuam mak chêia.

JEREMIA 44:8

I lo hranga millimhai chubai mûkin le pathian danghai kuanga irbôla om hrangin nin izuangna Aigupta hin ningmur nin ni irlâktir? Rammuala nam tinin nangni hmusita nin irhming khomâksâma om hranga nin binga siat chitna nin itho mai?

JEREMIA 45:4

“Khanchu irngai ro, irnêng pumpuia ki lei isiam inding tâk kha insimtir nôk ki ta, ki lei iphun tâk kha ki iphâipai hrang a ni.

JEREMIA 7:18

Nâipanghaiin thing an bûma, pasalhaiin mei an sêma, nupanghaiin irvân rêngnu ta hranga bai siam hrangin baidi an inhmet a ni. Nin natir hrangin uain thilpêkhai pathian danghai ta hrangin an ibunthuan ngai a ni.

JEREMIA 7:9

Inrû nin thoa, tual nin thata, nin uirea, khomâkirsâmin minlak nin thoa, Baal kuang irbôlna nin inhlana, nin laia inhriat ngai loi pathianhai chubai nin mûk ngai.

EZEKIELA 17:5

Khan, kha rama thing chiak chu a lâka, irnêng satna hmuna a phuna, tui tamtak kôla khan a phun tâka, a laia a’rsôntir hrangtu tui khom a om maia.

HOSEA 10:1

Israel chu grep hrui hong indôn satak, ra nuam tak ang a nia; a ra a itam ang dênin a maichâmhai an pungtira; a ram satzia ang dênin lung incher (millim) phun satak tak a siama.