JEREMIA 11:13 - PATHIAN LEKHABU IRTHIANG C.L. Bible (BSI)

¹³ Juda mihaiin khopuihai an inei dôr pathian khom an nei intama, Jerusalema omhai khomin intirom Baal pathian hranga irbôlna hrang maichâm, khopui kongkâr lamlian tam dôrin an isiam a ni.

JEREMIA 11:13 ပူးပေါင်းရင်းမြစ်များ

2 RÊNGHAI 23:13

Jerusalem nisua tianga oliv tâng sim tianga Sidon pathian intirom Asterothi illim, Moab pathian intirom Khemosa, Amon-hai pathian hmumâkom tak Milkoma illim an biakna hrang hmun irsâng Israel rêng Solomona isiamhai kha maimang an changhai vinga.

2 THURCHI SUINA 28:25

Judai ram khopuia le kho sûnga hai nam dang pathian biakna hmun irsâng, mirimhoi hâlna hrang a sin pher phura. Hiang hin ar chibulhai Pathian Rengpa chu a ning a inmurtir a ni.

ISAIA 2:8

An rama khan millim a bita, An kuta an isinhai chubai an mûka.

JEREMIA 11:17

Keima Rengpa itinrêng thothei hin Israel le Juda chu ki phuna; atûn chu vânduaina thilin ki iti a ni ta. Anni ngêtin an chunga an intungtir ta a ni, sual an sina, Baal kuang irbôlna inhlanin ki ning an inmurtir sikin,” a tia.

JEREMIA 17:1

Khan Rengpa’n, “Juda mihaio, nin sualna chu thîr kolom leh lunghlu hmor irzumin nin lungrîl irziak a nia, nin maichâm irkihaia khom irziak a ni.

JEREMIA 18:15

Ki mihaiin chu an ni’rnghila, millimhai kuang mirimhoi an ihâl a ni. An lampui fena hrang ata an pêta, lampui milui kha zui ta mahaia; lampui irdang loi an izui tâk a ni.

JEREMIA 19:4

Mihaiin an mâksana, hi hmuna ram dang pathian chongpuina’n an hmang tâka, anni le an irchibulhai Judai rama rênghai khomin, an inhriat ngai loi pathianhai kuang mirimhoi an hâla, mi siat sin loihai thisenin ki hmun hi an insip zoi ta.

JEREMIA 19:5

An nâihai mei leh irbôlna hranga an inhlan theina hrangin, Baal ta hrangin maichâmhai an isiam a ni. Khahai tho hrangin thu ite pehai ma unga; ki lungrîla lua ki insâp phâk loi a ni.

JEREMIA 2:28

Nin isiam pathianhai kha khôn mo an om? Intakna nin phâk zoroa, an thei ngânin teh nangni san ri sehai. O Juda, ni khopui nei dôr chu pathianhai khom ni inei a ni ta hi te.

JEREMIA 3:24

Khannisian kin chîn lai ata kin pahai sin sôlna ra, kêlbelra pâl, sehrât pâl, nâipasalhai le nâinupanghai lua khom hi Baal inzakpui om pathian chubai mûk sikin kin inchânhai zoi tâka.

JEREMIA 3:25

Inzakin zâl kin ta, kin mualinphoina hin nir khû ri se. Keini le kin irchibulhai hin Rengpa kin Pathian chunga kin len sual ta ngai sikin, a thupêkhai zôm pe ngai ma ung,” nin tia.

JEREMIA 32:35

Hinom phâia an nâipasalhai le nâinupanghai Moleka pathian kuang irbôlnaa inhlan hrangin Baal maichâmhai an siama, hianga tho hrangin thu khom pehai ma unga, khaanga thil tho an ta, Juda mipuihai sualin siam an tih ti khom ki irngaitua loi a ni,” a tia.

JEREMIA 44:21

“Rengpa’n Judai ram khopuihaia, Jerusalem kotsuahaia, nangni le nin irchibulhai nin rênghai le nin hruaituhai ram sûnga mi tinin irbôlna nin inhlan kha inhre loiin mo, a irnghil tâk nin isôn ma ni?

JEREMIA 44:5

Khan irngai loiin, uksak nuam loiin nin oma. Nin sual sintho pathian danghai kuang irbôlna masan nuam mak chêia.

JEREMIA 48:35

Moab mihai chu an hmun irsânghaia hâlirvôm thilinhlan le an pathianhai kuang irbôlna an inhlanhai, ki irngamtirhai hrang a ni. Keima Rengpa’n ki iti a ni.

JEREMIA 7:9

Inrû nin thoa, tual nin thata, nin uirea, khomâkirsâmin minlak nin thoa, Baal kuang irbôlna nin inhlana, nin laia inhriat ngai loi pathianhai chubai nin mûk ngai.

EZEKIELA 16:24

Hmun inlârhai millim biakna le irzuarna hrang ni siama.

HOSEA 10:1

Israel chu grep hrui hong indôn satak, ra nuam tak ang a nia; a ra a itam ang dênin a maichâmhai an pungtira; a ram satzia ang dênin lung incher (millim) phun satak tak a siama.

HOSEA 12:11

Gilead kha pualoina a ini loi ma ni? ite ni loi chian an ini kêng; Gilgal-a khan sehrâtchal an inhlan ngaia; a ni, an maichâmhai kha irnêng tuk irlet châng kuanga lung dêng khôm ang chian an ni.

HOSEA 9:10

Israel kha ramchâra grep ra ang maiin ki hmua. Nin pahai kha theipui, zoro masaa a ihmin masa angin ki hmu; khannisian anni kha peor tânga Baal chu an pana, thil inzakom taka khan an irpumpêk tâka, an irngaiinhlu tak millimhai ang dên khan an iporinche a ni.