JEREMIA 11:11 - PATHIAN LEKHABU IRTHIANG C.L. Bible (BSI)

¹¹ Khasika khan keima Rengpa’n an chunga siatna zuan sum ki ta, zôk thei no nihai ti hi ki inhriattirhai a ni. Changpui hrangin an ni koi khomin irngai pehai no ning.

JEREMIA 11:11 ပူးပေါင်းရင်းမြစ်များ

2 RÊNGHAI 22:16

Juda rêngin a itep lekhabua chuang ang khan Jerusalema omhai chu a sate’n soisakhai ki ti.

2 THURCHI SUINA 34:24

Rengpa thu chu hiang hin an hriattira: “Reng inhriatin an tepsuaka, lekhabu irzuata khosâlnahai kha Jerusalem le a sûnga omhai chunga intungtir ki ti.

JOBA 35:13

Pathian nuama zongtuhai chu irngaitua ngai maka, Itinrêngthotheitu khomin irngaitua pe no ni.

INPÂKNA HLAHAI 18:41

Annihai kha an khêka, khannisianlân, a san hrang tûte om mahai; Rengpa dên kha an insama, khannisianlân sâmhai mah.

INPÂKNA HLAHAI 66:18

Ki milung sualna ki’rngaisakin chu Rengpa’n nir ngaitua no ni.

THUVÂRHAI 1:28

Kha tenin chu ni koi nin ta, khannisianlân, nangni sâm thei no ning. Kil tina ni zong vêl nin ta, khannisian ni hmu ta no chin ni.

THUVÂRHAI 29:1

Mi’n an hril intam dôr a tukullian chu voikhat rengin lan rîl a ta, thoi nôk thei viat ta no ni.

ISAIA 1:15

Ni ngênin nin bân phar khom unglân, ki mit nangni insîngsan ki ti, chongchai sabak khom unglân, ki mikuar sung no ning.

ISAIA 24:17

Hnuai mihaio, thilirkhêl tak hong tung hrang a ni, irnêng chima delpha hi nin maton a ni ta.

JEREMIA 11:14

Jeremia, hi mihai hi chongchai pehai no ro, an ta hrangin ngên pehai no’n lân, an chunga vânduaina a zuang tung tika ni koihai khom sian, irngai pehai no ning,” a tia.

JEREMIA 11:17

Keima Rengpa itinrêng thothei hin Israel le Juda chu ki phuna; atûn chu vânduaina thilin ki iti a ni ta. Anni ngêtin an chunga an intungtir ta a ni, sual an sina, Baal kuang irbôlna inhlanin ki ning an inmurtir sikin,” a tia.

JEREMIA 14:12

Bu ngheihai khomsian changpui hranga an khêkna kha irngai pehai no ning, an hâlirvôm le an chîmu irbôlna inhlan sika khan, an chunga lôm ual no ning. Irdoina hai, châmna le hri le hraihaiin anni chu ki ithathai hrang a ni,” a tia.

JEREMIA 14:2

“Judai ramin a tuanga, a khopuihai chu a iram thiai a ni ta, a mihai chu beidongin irnênga an zâla, Jerusalem chu a san hrang zongin a khêka.

JEREMIA 15:2

Kho tiang mo an ipan hrang tia nang an irdonin chu, ki iti kha hril roh: Senkhat chu hripuia thi hrang an nia, khatak khan an ipan hrang chu a ni. Senkhat chu irdoinaa thi hrang an nia, kha kha an panna hrang chu a ni. Senkhat chu châma thi hrang an nia, kha kha an panna hrang chu a ni. Senkhat chu sala hruai hrang an ni.

JEREMIA 18:11

Khasikin atûn hin Juda mihai le Jerusalema omhai kuang, anni doi hrangin thil ki’rsiama, dûk thohai hrangin ki irzoi diam ta a nih ti hril roh. Anni chu sual sintho hringnun hmang inhek hrangin hril ro, an lampuihai thûla an sinthohai mâkin.

JEREMIA 19:15

Itinrêng thothei Rengpa Israelhai Pathianin a iti a ni, “Hi khopui le a kôlvêla khuahai chunga dûk tuangna insum ki ta, ki ti kha a itung hrang a ni ta, nin tukul nin inliantira, ki itihai nin irngai no sikin,” tiin.

JEREMIA 19:3

Hiang hin insîr ro: ‘Juda rama rênghai le Jerusalem mipuihai, keima itinrêng thotheitu Rengpa Israelhai Pathianin hril hrang ki inei hi irngai roi. Hi hmuna hin vânduaina irkhêl tak ki hong intungtir hrang a ni, a thurchi len hriathaiin chu inlâi rak an ti.

JEREMIA 23:12

An lampui hro chu ar nâl le inthim ni a ta, anni chu irtetin an inrîl hrang a ni. An chunga vânduaina irkhêl insum ki ta; dûk an tong hrang nî chu a itung thiai a ni ta. Keima Rengpa’n ki iti a ni ta.

JEREMIA 25:35

Nin ta hrangin zôkna lampui om no ni.

JEREMIA 35:17

Khasikin atûn keima, Rengpa Israelhai Pathianin vânduaina irkhêl ki inkung kha nangni Judai ram le Jerusalema mihai chunga ki insum hrang a ni. Nin kuang thu ki hril lai khan irngai nuam mak chêia, nangni ki koi lai khan nin ni sâm nuam no sikin, hi hi ki itho hrang a ni,” a tia.

JEREMIA 36:31

Nin sual sikin nangma le nir chihai, ni milianhai dûk nangni tho ki ti. Nangin mo, Jerusalem le Judai ram mihaiin nangni ki ihril uksak mak chêia, khasika khan nangni ki lei insîna ngai vânduaina irkhêl murdi nin chunga insum ki ti.

JEREMIA 6:19

O irnêng irngai ro, hi mihai chunga hin siatna ki intung hrang a ni. Ki thu irngai mahaia, ki dânhai khom an hnôl sikin le an irngaituana sual sikin.

CHAP HLA 2:22

Inkhômpui uara fe intam angin ni ningmur nia chu, hmun tina ni râlhai ni bukkhôma. Rengpa ningmurna sûn khêla zôk om loiin, kin nâi pom laihai, kin indit ngôi ngôi, râlhai ithat zoi.

EZEKIELA 14:3

“Mihriam nâipa, hi mihai hin an millimhai makunga an sualna irtetna chu an sia a ni; keima’n sâmna ki la ipêk hrang an la isôn ma ni?

EZEKIELA 7:5

Rengpa pathian khan hiang hin a ti, “Siatna ngot, siatna ngot hong tung a ti.

EZEKIELA 8:18

Khasikin, kei khomin ningmur takin ki itho hrang a ni; ki mitin irhmâi no ninga, inrenhai viat no ning; inring takin nin samhai khom sian irngai viat no ning,” a tia.

AMOSA 5:19

Kâmkeibaknei rotsana, savom tong mi ang le ina lûta, bang chunga kut irnghata, mirûlin a inchuk ang a ni.

MIKA 3:4

Kha tika chu Rengpa insam an ti, khannisianlân anni kha sâm no ni: a ni, kha tika chu an thil thoa an itho insa loizia ang takin, annihai ata a hmâi thup a ti.

ZAKARIA 7:13

Thu ki hril lai khan an irngai no sikin, kei khoma an thuhril chu irngai pehai ma ung.

1 THESALONIKA 5:3

“Ningbeina le zôkna,” zoroa an ti lai takin nupang nâiha ise angin voikhat rengin an chunga irhmangna zuang tung a ta, lôi thei no nihai.

HEBRAI toc2 HEBRAI 1:3

Ama chu a Pathian roiinpuina vâr le, a tak angpui ngei le, ama sinthotheina thua itinrêng indingtu neiin, sualhai a’rthiangtir hnungin chung tianga Roiinpuitak chang tianga khin a hong toi ta.