JEREMIA 11:10 - PATHIAN LEKHABU IRTHIANG C.L. Bible (BSI)

¹⁰ An irchibul ki thu irngai nuam loihai sualna khan an kîra, pathian danghai zuiin an sinhai an thoa, Israel le Juda, an irchibulhai leh thuthung ki isiam an insiat tâk a ni.

JEREMIA 11:10 ပူးပေါင်းရင်းမြစ်များ

INPÂKNA HLAHAI 78:57

Irheikîrin, an irchihai angin vârirlet takin an tho lik tâka: Thal ngul iamom loi angin an fe kôia.

ISAIA 24:5

A sûnga omhaiin irnêng hi an porinchetira, dân zôm loiin thupêk khom pom nuam mahai, kumkhua Thuthung ite bêa bê loiin.

JEREMIA 13:10

Hi mi pualoihai ki thu irngai nuam loia, tukulliana om ngai pathian dang sinthoa chubai mûk ngaihai hi diar hmanghmunboi ang hin ni an ti.

JEREMIA 17:23

An irchibulhai khan ki thu le’rngai mahaia, an lei irngaisak loi a ni. An tukul an inliantira; ki thupêk zômin mo, keima kuang irchu nuam mahai.

JEREMIA 22:9

Khanchu nangni’n thuthung keima le nin inei nin mâk raka, pathian danghai chubai nin mûka, a sin nin tho tâk sika a ni,” ti hril an ti.

JEREMIA 31:32

An irchibulhai Aigupta ram ata hruaisuak hranga an kuta ki chelhai laia ki thuthung ang kha ni ta no ni. Anni hrangin hruaitu ki ni sûng chu ki thuthung kha zui nuam loiin ti hi Rengpa thu suak a ni.

JEREMIA 44:16

“Rengpa irhminga kin kuanga thu nin insîr kha, irngai no ni ung.

JEREMIA 44:5

Khan irngai loiin, uksak nuam loiin nin oma. Nin sual sintho pathian danghai kuang irbôlna masan nuam mak chêia.

JEREMIA 7:28

An kuang, “Hi nam hi Rengpa an Pathian irhâi irngaitua laia, sepna dong loi nam an ni hi,” ti ni ta, thudik ar hmang ta, an bâi ata paiirhmang a ni ta. Iamomna chu a boi tâka, sâmin om ta ngai mah.

JEREMIA 9:6

Tho’nchâina chu tho’nchâinain a zuia, irhuangna chu irhuangnain a zui ngai, a san chu nin hriat zel an tum no sika a ni, Rengpa’n a ti.

EZEKIELA 16:59

Khanchu Rengpa pathian khan hiang hin a ti: “Thuthung insiatin, chonginkung nir ngaisak loizia ang zêlin ni chunga ki itho hrang a ni.

EZEKIELA 44:7

lungrîla sertan loi le taksa tianga sertan loi, râlhai ki hmun irthianga om hrang le porinchetir hranga ki in ngêta nin hong chôi sika nin intir omnahai hi ruk ta ri se; bai mani, sathâi mani, thisen mani nin inhlan lai khan ki thuthunghai chu nin insiata, nin intir omnahai bôk sana hrang vaiin.

EZEKIELA 5:6

Ki thurêlhai chunga a nuara, ki dânhai chu a hnôla, a vêla nam dang omhai nêkin a sate’n thilsual an thoa. Ki thurêlhai chu an paia, ki dân siamhai ang khomin om ual mahai.

HOSEA 6:4

O Efraima, itin mo nang ki ilô hrang? O Juda, itin mo nang ki ilô hrang? ni lungthungna kha zîng sûmphâi angin, inrang taka irdo irhmang nôk angin a ni.

HOSEA 6:7

Khannisianlân, Adama angin thuthung kha an tho’nsuala, khataka khan vâr irlet takin ki chunga an itho a ni.

HOSEA 7:16

An irheikîra, anchung taka kuang ni loiin; thal ngul mirûl ang an ni, an milianhai kha an chong per pur sikin, khandaiin tûk an ti. Hi hi Aigupta rama innuisan an inina ni a ti.

LEVI DÂN 26:15

ki dânhai nin hnôla, omdân hrang ki iti nin hnuaisiaa, tho hrang ki itihai nin tho nuam noa ki thuthung nin tho’nsualin chu,

ZEFANIA 1:6

Rengpa irheisantuhai leh Rengpa zong loia ama irdon loituhai kha inboipaihai pat ki ti.

ZAKARIA 1:4

Deipu masahaiin, sipaihai Rengpa khan, nin om hrang dân suala atûn hong irhei unglân, nin thilsual kha chu hong irheisan roi, a ti e, tia nin pahai an hril khoma irngaitua loia, mikuar sung loi ang khan om no roi, ti hi Rengpa thu suak a ni.

ZAKARIA 7:11

Khannisian mihaiin chu an tukullian insua’n, irngai nuam loiin an oma; an milunghai khâr khapin,

ZAKARIA 7:13

Thu ki hril lai khan an irngai no sikin, kei khoma an thuhril chu irngai pehai ma ung.

DÂN INHNINA 31:16

Rengpa khan Mosia kuang, ‘Irngai ta, ni pi le puhai kuang zâl lat hrang ni ni ta; hi mihai hin ni thi tika chu ni uiresan an ta, thu ki irthungpuihai kha tho’nchâi an ta, ni rotsan an ta; an va lêngna hranga lei om nam danghai pathian kha ni biaksan an ti.

DÂN INHNINA 9:7

Ramchâra khan Rengpa nin Pathian kha ning nin inmurtir kha inhre mai unglân, irnghil no roi. Aigupta ram nin suaksan nî ata atûn ten hin Rengpa ata tehel zong intam ngai nin ni.

HEBRAI toc2 HEBRAI 8:9

An irchibulhai Aigupta ata hruai suak hranga an kuta kin tûk nia ki thuthung siam ang khan ni ta no ni. ki thuthung siama khan iamom maka, Khasikin anni kha ki uksak ta loi a ni, Rengpa’n a ti.

ROIRÊLTUHAI 2:11

Khanchu, Israelhaiin Rengpa nuamloi lam thilsual an thoa. Baalhai kha an biak zêl tâka.

ROIRÊLTUHAI 2:17

khannisian, an hruaituhai chong chu irngai nuam mahaia, Israelhaiin Rengpa chu an irheisana, pathian dang an irzûla, chubai an mûk mai ngai. An pahaiin Rengpa thupêkhai chu an zôma; khannisian an pahai omdân chu zôm nuam ngai mahai.

ROIRÊLTUHAI 2:19

An hruaitu a thi’n chu hnung tiang irletin, an pahai nêka siat ualin an om ngai; pathian dang biak le chubai mûk an uara, nam dang ti dân tinrêng an lâka, an tho insualna mâksan ual mahai.

1 SAMUELA 15:11

“Saula rêng ki lei inchang hi chu ki irsîr a ni; hnung a ni songsana, ki thupêkhai zôm maka,” a tia. Samuela chu a ning an mur pea, zân khovârin Rengpa an sama.