JEREMIA 10:6 - PATHIAN LEKHABU IRTHIANG C.L. Bible (BSI)

⁶ Rengpa nangma ang hi tûte om mahai; Itinrêng ni tho theia, Ni’rhming khom a roiinpuia, sin a itho thei a ni.

JEREMIA 10:6 ပူးပေါင်းရင်းမြစ်များ

2 SAMUELA 7:22

Khasika khan O Rengpa Pathian nang chu ni iroiinpui a ni; nangma anga hi tûte zel om mahai. Nangma tih no chu Pathian dang zel om mahai ti ki inhriat mai ngai a ni.

1 THURCHI SUINA 16:25

Rengpa chu a roiinpui sikin, inpâk mai hrang a ni, pathian danghai nêkin inza hrang a ni.

NEHEMIA 4:14

Khan ki hong en vêla, ki thoia, mi sahai le roirêltuhai, mipui danghai laia, “Annihai so ite chihai viat no unglân, Rengpa roiinpuitak le ichiom tak chu inhre maiin, nin urênghai, nin nâihai nin dôngmahai, nin in inzôk tumin doihai roi,” ki tia.

NEHEMIA 9:32

Khasikin, kin Pathian, roiinpui, itinrêngthothei le ichiom, thuthung dêna lungkhamna inlangtu khan kin rênghai kin mi lianhai, kin ochaihai, kin deipuhai, kin pi le puhai le ni mihai murdi chunga Assuria rênghai inlal lai ata atûn tena dengtheina hong omhai hi a mai maiin insâp no’n lân.

INPÂKNA HLAHAI 145:3

Rengpa chu a roiinpuia, roiinpui taka inpâk hrang a ni; A roiinpuizia chu suisuak zât ni mah.

INPÂKNA HLAHAI 147:5

Ei Rengpa chu a roiinpuia, sinthothei tak a ni; A vârna khan mong ni nei mah.

INPÂKNA HLAHAI 35:10

Ki ru murdi hin, “Rengpa, mi’nriang, a doi inhnê loi ata saninzôktu, A ni, inriang le invâia, ama insiat ngaitu ata saninzôktu, nangma ang hi tu mo an om?” ti an ti.

INPÂKNA HLAHAI 48:1

Rengpa chu a roiinpuia, a saterenga inpâk hrang a ni, Ei Pathian khopuia, a tâng irthianga khan.

INPÂKNA HLAHAI 96:4

Rengpa kha a roiinpuia, a satêna inpâk hrang a ni: Pathian murdi nêka chi rua a ni.

FESUAKNA 15:11

“O Rengpa nangma anga Pathianhai laia tu mo a om? Tu mo nangma anga irthiangna tianga roiinpui? Tu mo sinirkhêl le sin roiinpui ni isin anga sin thei?

FESUAKNA 8:10

Khanchu Faroa’n, “Zînga duah,” a tia. Mosia’n “Ni thu ang takin ni ri se: Rengpa kin Pathian ang hi mi tûte om mahai, ti nin hriat theina hrangin.

FESUAKNA 9:14

Hnuai chunga hin keima ang hi tûte om mahai ti nin hriat theina hrangin, atûn a zoro hin chu, ni mihai le ni siahlohai le nangma chunga khom, hi hri hi hong tîr ki ti.

ISAIA 12:6

Zion tânga omhmun khuarhaio, Râifân takin zâi unglân, khêk suak roi; Nin laia om, Israel mi irthiang chu a roiinpui ok a ni.

ISAIA 40:18

Pathian chu tu leh moh nin itetûk hrang? I hai leh mo nin hrilirkhi ta hrang?

ISAIA 40:25

Khanchu tuhai leh hin mo a ni itetûk hrang, tuhai ang dôr hi mo ei ini? Mi irthiang khan a ti.

ISAIA 46:5

Tuhai leh moh a ni irkhek hranga, tu leh moh a ni itetûk hrang?

ISAIA 46:9

Tianlai rengata thil omzia kha inhre ta roi, keima hih Pathian omsun ki ni, mi dang om mahai, keima vai hi ki ni, Pathian omsun chu.

JEREMIA 10:16

Jakoba Pathian chu anni ang kha ni ma; Ama chu itinrêng siamtu a nia, a mihai ni hrangin Israel chu a inthang a ni. A’rhming chu Rengpa Pathian a ni.

JEREMIA 32:18

Sâng tamtakhaia det lungkhamna nin neitirhaia, khan an pahai sualna sikin, mihai dûk ni tho sa ngai. Nang chu roiinpui le sin thothei tak Pathian ni nia; nang chu Rengpa Itinrêng thothei ni ni.

DANIELA 4:3

A thil inentirnahai chu a roiinpuiin, a thil irkhêl tho khom a irkhêl ok a ni. A ram chu ramhlu a nia, a roirêlna chu irlo tin tina rêl a ti.

DANIELA 4:34

Khan zoro hek tiang chu kei Nebukadnezara hin irvân tiang ki tanga, ki hor hriat suaka, anchungtakpu sat ki vura, a hring mai chu kin pâka, kin zaa. A roirêlna khom kumtuanga roirêl a nia: a ram khom rammuala irlo tamtaka om a ni sikin.

MALAKIA 1:11

Misa suakna ata a tâkna dên khomin, Jentailhai laia ki’rhming kha a roiinpuia, hmun tina ki’rhming hrangin mirimhoi inhlan a ni, thilinhlan irthiang le Jentailhai laia ki’rhming a roiinpuia, Sipaihai Rengpa’n a ti.

1 KORINTH 8:6

Eini ta hrangin chu Pathian inkhat vai, Pa, thil itinrêng siamtu kha a oma, ama ta hrangin ei hringa, Rengpa khom inkhat vai, Jisua Krista a oma, ama sikin thil tinrêng siam a ni, eini khom ama sikin ei ihring a ni.

DÂN INHNINA 32:31

An râlhai khomin an Pathian kha Israelhai Pathian nêkin chu a nêp ual ti an inhriat.

DÂN INHNINA 33:26

Israelhaio, nin Pathian ang hi pathian dang om mahai, Nangni changpui hrangin roiinpui taka sûm chunga chuangin irvân khi a’rfang tuai tuai.