JEREMIA 10:10 - PATHIAN LEKHABU IRTHIANG C.L. Bible (BSI)

¹⁰ Khan Rengpa chu Pathian dik ni nia, Pathian hring le kumtuang rêng ni ni. Ni ningmurna’n rammual hi an thinga; namhaiin ni ningmurna tuang zoi mahai.

JEREMIA 10:10 ပူးပေါင်းရင်းမြစ်များ

IRPHUTNA 21:33

Khan Abrahama’n Beerseba khuaa khan meisâr kung a phuna, kha hmuna khan Rengpa, kumtuang Pathian irhming a sâma.

1 RÊNGHAI 18:39

Mipuihaiin kha thil kha an hmu’n chu irnênga an khûksadela, “Rengpa hi Pathian chu a ni, Rengpa hi Pathian tak lele chu a ni hi te,” tiin an khêk suak tâka.

1 RÊNGHAI 8:60

Khanchu, rammuala nam murdi’n Rengpa vai hi Pathian a nih ti inhrehai sian.

1 THURCHI SUINA 29:11

Ni roiinpuia, sinthothei tak ni nia, ni’rsânga, ni saa, irnêng le irvâna thilhai hi ni ta a nia, o Pathian an laltak ni nia itinrêng chunga thuneitu ni ni.

2 THURCHI SUINA 15:3

Israelhaiin chu Pathian tak biak loiin zoro sôttak an oma, ar chutir hrang ochai khom nei mahaia, dân khom inhre mahai.

JOBA 9:6

Irnêng khom a omna rengata an hnîngtir theia, a chopuihai chu det thei ni ta ngai mah.

INPÂKNA HLAHAI 10:16

Rengpa chu kumkhontuang hrangin Inlaltak a nia: Nam tin chu ama ram ata an irhmang ta. 17,

INPÂKNA HLAHAI 100:3

Rengpa chu Pathian a nih ti inhre unglân, A ni siamtu chu ama a nia; Ama ta ei ni. A mihai le a sa vâina hmuna belrahai ei ni.

INPÂKNA HLAHAI 100:5

Rengpa chu a saa; A lungkham lianna chu kumkhua’n om mai a ta, A iamomna chu irlo tin tin dênin om a ti.

INPÂKNA HLAHAI 104:32

Ama khan irnêng hi a ena, an inthing ngaia; tânghai chu a tôna, an inkhul suak ngai.

INPÂKNA HLAHAI 114:7

O nang irnêng, Rengpa makunga inthing ro, Jakobahai Pathian makunga khan.

INPÂKNA HLAHAI 145:13

Ni ram chu kumtuang ram hrang a ni ta, Ni’rchamneina chu irlo tin tin dênin om mai a ti.

INPÂKNA HLAHAI 146:6

Ama chu irnêng le irvân, Tuikhanglian le a sûnga om murdi siamtu a nia; Ama chu kumkhua’n a chonginkunga a om ngai;

INPÂKNA HLAHAI 18:7

Kha zoro lai khan irnêng hi an hnînga, an thing tâka.

INPÂKNA HLAHAI 29:10

Rengpa chu tuisânglian lai khan rêngin a toia, A ni, Rengpa chu kumkhontuanga hrangin Rêngin a itoi a ni.

INPÂKNA HLAHAI 31:5

Ni kuta ki’rtha kin koltir e: O Rengpa, thutak Pathian, nangin ni nir tan tâka.

INPÂKNA HLAHAI 42:2

Ki hringna hi Pathian irzukin, Pathian hring irzukin, a tui a inhrâl a ni: Itika mo Pathian makunga tungin, Ki inlang hrang o?

INPÂKNA HLAHAI 68:11

Rengpa’n thu a pêka, Thurchi hriltu nupang tamtakin an hrilin dara,

INPÂKNA HLAHAI 68:8

Irnêng hi an hnîng dur dura, Irvân khom khin Pathian makunga khan rua an thotira: Sinai tâng lua khom Pathian makunga, Israelhai Pathian makunga khan, an hnîng dur dur kha,

INPÂKNA HLAHAI 74:12

Khannisianlân, Pathian chu tianlai ata ki Reng a ni, Irnêng inlâina taka saninhringna siam ngaitu chu.

INPÂKNA HLAHAI 76:7

Nang, nangma ngei khom, chi hrang ni nia: Ni ning an mur tâk le khom, tu mo ni mit hmua ngîr thei hranga?

INPÂKNA HLAHAI 76:8

Ni roirêl thu chu irvân ata nin hriattira; Irnêng hin a chia, a dâihrek tâka,

INPÂKNA HLAHAI 77:18

Ni khonri irhâi chu kêllaiherin a oma; Kôlirtêkhai khan rammual hi a êl dop dopa: Irnêng hi inthingin an hnîng dût dût a ni.

INPÂKNA HLAHAI 84:2

Ki hringna hin Rengpa biak in hualsûng kholaihai chu ar ngai tak taka, a ni; a sôl sa raka; Ki milung le ki taksa hi Pathian hring kuanga khan a khêk suaka.

INPÂKNA HLAHAI 9:8

Ama khan rammual hi fel takin roirêl pe a ta, Theibîk nei loiin mitin roirêl pe a ti.

INPÂKNA HLAHAI 90:11

Tu’n mo ni ninginmurna sinthotheizia inhriata, Nangma chi hrangzia anga ni ninginmurna kha inhriata?

INPÂKNA HLAHAI 90:2

Tânghai om mâna, Irnêng le rammual nin ding mân khom khan, Kumtuang ata kumtuang dên khomin nang chu Pathian ni ni.

INPÂKNA HLAHAI 93:2

Ni rêngtoihmun chu tiana khan lei indet a ni ta: Nang chu kumtuanga lei om tâk ni ni.

INPÂKNA HLAHAI 97:4

A kôlirtêkhai khan rammual hi an vârtir lop lopa: Irnêng hin a hmua an thinga.

ISAIA 37:17

O Rengpa ni mikuar lei sungin lân, irngai ro: Rengpa mengin lân, en ro; Pathian hring sôt hrang soh Senakeriba’n thu a hong ihrilhai hi irngaitua roh.

ISAIA 37:4

Pathian hring hrilinsiat hranga Assuria mi tîr Rab-sakea thuhril kha Rengpa ni Pathianin a len hriatsuak ta. Rengpa ni Pathianin an sîrtuhai kha soisak sian chu. Kin mihriam a dama la omhai hrangin chongchai ro, nang a ti,” an va tia.

ISAIA 40:15

Rengpa hrangin chu nam murdihai hi, baltizera tui mal tâk angin, tuala kebop kop ang hi a ni; Tuikhanglian kôla phâihai khom lung anga omin hrûtpai thei an ni.

ISAIA 40:28

Inhre mak chêi mo? Rengpa vai hi kumtuanga Pathian chu a nia, kôlkil minli sûnga om murdi hi, Ama isiam ving a ni.

ISAIA 57:15

Hmun irsânga om, kumtuanga hring, mi irthiangin hiang hin a ti: Hmun irthiang irsângtaka om khom inlân, mi thuhnuairôl le irsîrhai kuang chu, chôiirsâng le nin har nôk hrangin ki om mai ngai.

ISAIA 65:16

Ram sûnga mi satvurna zongtuhaiin, Pathian iamom irhming sâmin khuasâl an ti. Matona buainahai a hek zoi tâka, ki ihmu loina rama an om zoi ta.

JEREMIA 23:36

Khaangin Rengpa puakrik ti chongbâi an ihmang viat hrang ni ma, a san chu mi’n an hmangin chu, ki chongbe chu a ta hrangin puakrik takin siam pe ki ti. Mipuihaiin an Pathian, Pathian hring itinrêng sinthei Pathian thuhai chu dik loitakin an hmang tâka.

JEREMIA 4:2

ki’rhming chonginkungna nin inei hrang kha, thil dik ni a ti. Khaang khan a ni’n chu nam tinrênghaiin satvur hrangin ni ngên an ta, ni chôiirsâng an ti,” a tia.

JEREMIA 4:24

Mual ki en khomin an inhnîng supa, Tânghai khom an inthing sup supa.

JEREMIA 50:46

Babulon an rîl tika chu, irhâi irkhêl tak om a ta, irnêng pumpui inhnîng a ta, chitnain khêk irhâi chu nam danghaiin inhria an ti,” a tia.

JEREMIA 51:29

Babulon chu ramchâr, mi tûte om loina hmun sin hranga Rengpa’n a thiltum a chuk tâk sikin, irnêng chu an thingin a irnok a ni.

DANIELA 4:3

A thil inentirnahai chu a roiinpuiin, a thil irkhêl tho khom a irkhêl ok a ni. A ram chu ramhlu a nia, a roirêlna chu irlo tin tina rêl a ti.

DANIELA 4:34

Khan zoro hek tiang chu kei Nebukadnezara hin irvân tiang ki tanga, ki hor hriat suaka, anchungtakpu sat ki vura, a hring mai chu kin pâka, kin zaa. A roirêlna khom kumtuanga roirêl a nia: a ram khom rammuala irlo tamtaka om a ni sikin.

DANIELA 6:26

Ki ram op sûnga hin Daniela Pathian hi biakhai sian chi ri sehai, tiin thupêk ki siam. Ama chu Pathian hring a nia, a det kumkhuaa, a ram chu insiat thei ni no nia, a op khom a hek tenin op a ti.

DANIELA 6:27

Ama’n a saninzôka, a saninhringa, irnêng le irvâna irsinsiana le thil irkhêl a tho theia; ama hi kâmkeibaknei sinthotheina ata Daniela sansuaktu chu a ni,’ tiin.

DANIELA 7:14

Roirêlna hai, roiinpuina hai, le ram hai a kuang pêk a nia, mi tin, nam tin le chong tinhaiin a sin an thôna hrangin; a roirêlna chu roirêlna det hek nî nei loia, a ram khom irhmang loi hrang a nia.

JOELA 2:11

Khan, Rengpa khan a sipai rualhai makunga ar hâi an suaa; a riakbukhai kha a sân a roiinpuia; a thu zômtuhai chu sinthothei tak an ni; Rengpa nikhua kha a roiinpuiin ar khêl tak taka; tu’n mo tuang thei hrang?

MIKA 1:4

Mei kôla khuaihlu ang le rôla chêntâk ang dênin, tânghai kha a hnuaia khan zôi an ta, irhôrhai kha hong kik chat a ti.

NAHUMA 1:5

Tâng lianhai kha ama sikin an inhnînga, tâng chînte tehai kha a hong zora; a makunga khan irnêng hi an thinga, rammual le a sûnga om murdihai leh khan,

NAHUMA 1:6

A milung hoiloina makunga khan tu mo ngîr thei hranga, a ninginmurna irkhêl tak khan tu mo om thei hrang? A ninginmurna kha mei anga bunpai a nia, lungpuihai kha a irnôitir chit a ni.

HABAKUKA 3:10

Tânghai khan nang an hmua, an chia; Tui irsokhai khom kha an fe irhmang tâka; Li inthûk khan hnukirhai an suaa, A kuthai kha chung tiang a phara.

HABAKUKA 3:6

A ngîra, irnêng kha an hnînga, Namhai kha a ena, an hnot indara; Kumkhua tânghai khom kha indartirin an oma, Kumtuang mualhai kha an kûn saa; A lampuihai kha kumtuanga hrang a ni.

MALAKIA 3:2

“Khannisianlân, a zuangna nikhuaa khan tu mo om thei hranga? Ama a zuang inlang tika chu tu mo ngîr ni? ama fiana mei ang le puan sôptu sabon ang a nia;

MATHAIA 16:16

Simon Petera’n a kuang, “Mesia Pathian hring Nâipa kha ni ni,” tiin a sâma.

MATHAIA 26:63

Jisua kha a dâihreka, Ochai inlaltak khan, “Pathian hring irhmingin nang ki ti; Krista, Pathian Nâipa chu ni ni lele mo ni hril roh,” a tia.

JOHANA 17:3

Hi hi kumtuang hringna chu a ni, nang Pathian tak vai le ni itîr Jisua Krista inhriat hi.

TÎRTÔNHAI SINTHO 14:15

“Hi hi i hrang mo nin itho? keini khom nangni ang mihriam mai mai kin ni. Hi chanlamboi thilhai hi mâkin, Pathian hring, irvân, irnêng, tuikhanglian le a sûnga om murdi siamtu tianga nin hong kop theina hranga Thurchi Sa nangni hong hril kêng kin ini.

DÂN INHNINA 32:4

Itinrêng sataka thotu, lungpui a ni, Dik takin roi a rêl ngai, Pathian iamom le dik, thil sa le dik tho ngaitu a ni.

DÂN INHNINA 5:26

Mei ata Pathian irhâi inhriata mihriam dam suak zel an om mo?

1 THESALONIKA 1:9

Nangni kin hro laia nin ni lôm lamhai, millim mâksana Pathian hring le dik taka sintho hranga Pathian tiang nin hong irhei tâk thu hai le

1 TIMOTHEA toc2 1 TIMOTHEA 1:17

Inlaltak kumtuanga om, thi theiloi, mita hmu theiloi, Pathian tak vai kuanga khan chôiirsângna le roiinpuina kumtuangin om ri se. Amen.

1 TIMOTHEA toc2 1 TIMOTHEA 6:17

Rammual mi irchonghai kha irsor loi hrangin hrilin lân, sum songloi ruaa irnghat tum loia itinrêng ei ihmang hranga ni pêktu Pathiana irnghat ual hrangin inthor roh.

HEBRAI toc2 HEBRAI 10:31

Pathian hring kuta tûk chu thil ichiom tak a ni.

JOSUA 3:10

Josua’n, “Pathian hring chu nin laia a oma, nin matona Kanaan mihai, Periz mihai, Girgas mihai, Amor mihai, Jebus mihai hi an hnotsuak ngêt hrang a nih ti inhre ngêt nin ti.

1 JOHANA 5:20

Pathian Nâipa kha a zuanga, Pathian tak kha inhre thei hrangin inhriat theina a ni pêk ti ei inhriat sa; khanchu Pathian tak khan ei iom a nia, Nâipa Jisua Kristaa khan. Hi hi a ni Pathian dik tak kha, hi hi a ni kumtuang hringna chu.

THUPHUANG 20:11

Khan, rêngtoihmun vâr lianpa le a chunga toitu kha ki hmua. A makung ata irnêng le irvân an rota an irhmang pat ta.

ROIRÊLTUHAI 5:4

O Rengpa, Seir tâng ni mâksana, Edom ram ni suaksan khan irnêng kha an hnîng dûm dûma, Irvânhai khom rua a zuang zunga, A ni, Sûmhai khan rua an thotira.

1 SAMUELA 17:26

Khanchu Davida khan a kôla ngîrhai kha ar donhaia, “Hi Filistia mi hi that theia, Israelhai irhming siatna inboitirtu kha imo an ipêk hrang? Hi sertan loi Filistia mi hi tu ngân mo a ini, Pathian hring sipaihai a isarai ngân hi?,” a tia.

1 SAMUELA 17:36

Kâmkeibaknei le savom ki thathai suam thei ngaia, kha sertan loi Filistia mi, Pathian hring sipaihai hong saraitu kha lo pol chit ki ti.