JEREMIA 1:18 - PATHIAN LEKHABU IRTHIANG C.L. Bible (BSI)

^18-19 Irngai ro, Jeremia, hi rama mi tukhom, Judai rama rênghai, hruaituhai, ochaihai a rama mipuihaiin nang an idoi hrang a ni. Khan, a vuan hin keima’n anni dan theina hrangin hrâtna nang ki ipêk a ni; khopui kul det tak, thîr chopui, dârsen bang nei ang ni an ti. Nang inhnê thei no nihai, ni kuanga omin nang ki ihrung hrang a ni sikin,” ti hi keima Rengpa thu suak a ni.

JEREMIA 1:18 ပူးပေါင်းရင်းမြစ်များ

ISAIA 50:7

Rengpa ki Pathianin a ni changpuia, khasika mualphoi ki irlâk loi a ni; lungngar ki lei irsaka, inzak viat loiin.

JEREMIA 1:17

Irsiam ro, Jeremia; fe’n lân, hril hranga nang ki itihai kha hrilhai roh. Atûn hin anni chu chihai no ro, khano’nchu an makunga thâidôpin nang ki isiam hrang kêng.

JEREMIA 15:10

Itina inren om mo ki ini tâk hi! I lo hrangin mo rammuala ki zuang irzir hi? Ram sûnga mi tin le irngoa irkhal a nang tâka. Intângtirhaiin mani, intângtirhai loi khomin, mi tinin khomâk an ni sâma.

JEREMIA 15:20

Hi mihai makunga hin dârsen bang det khakin nang siam ki ta, nang irdoipui an ta chu, nang inhnê thei no nihai. Ni kuanga om ki ta, nang hrung hrangin nang inzôktirin om ni ti.

JEREMIA 20:11

Khannisian Rengpa, nangma hrâtna le sinthotheina chu keima tiang ni kopa, deng nin theitirtuhai chu inrîl an ti. Hlo an chuk thei no sikin mualinphoiin om thal an ti. An mualinphoina chu irnghil ni ta no ni.

JEREMIA 21:4

Rengpa Israelhai Pathianin a iti a ni, “Zedekia, ni sipai pâl Babulon rêng le a sipai pâl doituhai kha, ki indoktirhai hrang a ni. Khopui inlaina taka ni sipaihai râltukfamhai chu ki ibuk hrang a ni.

JEREMIA 26:24

Khannisian Sefama nâipa Ahikama’n a ni thopkhak sikin, mipuihai kuta inhlana thatin ki la iom loi a ni.

JEREMIA 34:3

Zôk thei no chi nia; chelin om ni ti, ama kuang pêkin om ni ti. Ama chu hmâiirtongin hmu ni ta, hmêl irhmuin chong nin ti; kha hnung chu Babulon rama fe ni ti.

JEREMIA 37:7

a nin hrila, “Aigupta ram sipai pâl nang san hrangin an ihong mai a nia, khanchu in tiang kîr nôk a ti.

JEREMIA 38:18

Khannisian nir pêk nuam no’n chu hi khopui hi Babulon-hai kuta pe ni a ta, hâl ving an ta, anni ata chu zôk thei no chi ni,” tiin ki hrila.

JEREMIA 38:2

Rengpa’n a iti, “Khopuia tukhom a omhai chu, khandaiin mo, châmin mo, aninole hri le hrâiin thi an ti. Babulon-hai kuanga fe chu that ni no nihaia; an hringna chu inzôktirhai hrâm a ti,” ti hi Rengpa’n a iti a ni.

JEREMIA 42:22

Khasikin hi hi inhre roi: nin ife nuamna le nin iom nuamna rama khan irdoina’n mani, châmin mani, hriin mani thi nin ti,” tiin.

JEREMIA 6:27

Chalnia irthît infâi hrang angin, ki mihai fiahaiin lân, imo an iang hmu suak roh.

JOHANA 1:42

Khan, Jisua kuang a hong hruaia. Jisua’n ama a lei ena, “Johana nâipa, Simona ni ni, Kifa nang ti ta an ti”. (Kifa chu Petera ti le hmunkhat, a omzia chu lungpui tihna a ni.)

THUPHUANG 3:12

An hnêtu kha chu ki Pathian biak ina chopuiin siam ki ta, kha hmuna khan om ta a ti. Khan, amaa khan ki Pathian irhming le, ki Pathian khopui Jerusalem thar, ki Pathian kuang ata irvâna irthoka zuang chum hrang irhming le ki’rhming thar irziak ki ti.