JEREMIA 1:17 - PATHIAN LEKHABU IRTHIANG C.L. Bible (BSI)

¹⁷ Irsiam ro, Jeremia; fe’n lân, hril hranga nang ki itihai kha hrilhai roh. Atûn hin anni chu chihai no ro, khano’nchu an makunga thâidôpin nang ki isiam hrang kêng.

JEREMIA 1:17 ပူးပေါင်းရင်းမြစ်များ

1 RÊNGHAI 18:46

Rengpa sinthotheina khan Elija chunga a tunga, a songkol irfual chu a kong tiang a khit indeta, Jereel panin Ahaba khêlpaiin a fe ta.

2 RÊNGHAI 1:15

Rengpa vântîrtônin Elija kuang, “A rualin fe roi chi no ro,” a zuang tia. Khanchu, a thoia, anni pâla khan an fea, rêng irhmupui hrangin.

2 RÊNGHAI 4:29

Gehazia kuang khan, “Irsiamin lân, ki khianghrol hi chôiin lân fe roh. Mi ni irtokpui khom chubai mûk no’n lân, chubai nang an mûk khomin donhai viat no roh. Ki khianghrol hi nâipang hmâi chunga va’rnghat ro,” a tia.

2 RÊNGHAI 9:1

Kha zoroa khan deipu Elisa’n deipu ruatharte nâipang tak hi a koia, “Irsiamin lân, hi sahriak bûr hi chôiin lân, Ramot Gileada va fe roh.

JOBA 38:3

Pasal hâitak angin ngîr indetin lân, thu nang ki irdon hi ni sâm roh.

FESUAKNA 3:12

Khanchu, Pathianiin “Keima ni kuang om mai ki ti, nang ki ompui ti inhriatna’n hi hih irsinsia ro: Aigupta ram ata ni hruai suakhai zoiin chu, hi tânga ngêt hin Pathian sin nin la itho hrang a ni,” a tia.

FESUAKNA 7:2

Thu nang ki ipêk murdi hrilhai zitin lân; khanchu ni upa Arona’n Faroa kha a ram sûng ata Israelhai kha insuatir hrangin hrilhai a ta,

JEREMIA 1:18

Irngai ro, Jeremia, hi rama mi tukhom, Judai rama rênghai, hruaituhai, ochaihai a rama mipuihaiin nang an idoi hrang a ni. Khan, a vuan hin keima’n anni dan theina hrangin hrâtna nang ki ipêk a ni; khopui kul det tak, thîr chopui, dârsen bang nei ang ni an ti. Nang inhnê thei no nihai, ni kuanga omin nang ki ihrung hrang a ni sikin,” ti hi keima Rengpa thu suak a ni.

JEREMIA 17:18

Deng nin theitirtuhai chunga mualphoina insumin lân, Rengpa keima chu ni la hôi roh. Chitna irkhêlin anni chu insipin lân, keima chu ichiomin ni siam no roh. An chunga vânduaina irkhêl intungin lân, thatpaihai ving roh.

JEREMIA 23:28

Irmang nei deipu khan irmang papai a nih ti inhre ri se, khan deipu, ki chongbe inhriattu khan dik takin a inpuang hrang a ni. Fapôl le bu’rmal hin imo irangna a nei.

JEREMIA 26:12

Khanchu keima’n, “Hi tempil le khopui siat hrang thu ki insîr nin inhriathai kha, Rengpa’n inpuang hranga a ni itîr a ni.

JEREMIA 26:2

Rengpa’n ki kuanga a iti chu, “Tempil kholaia ngîrin lân, hril hranga ki thu nang pêkhai, hi hmuna chubai mûkna inhlan hranga Judai ram khopuihai ata hong mipuihai kuang inpuang roh. Ite ip no roh.

JEREMIA 36:8

Khaang khan Baruka’n Rengpa thuhai chu ki inhril lam takin a tep suak tâka.

CHAP HLA 3:57

Ki hong khêk tak takin chu a ni zuang nâia, ‘Chi no ro,’ a ni tia.

JONA 3:2

“Thoiin lân, Ninevi khua, khopui roiinpui taka khan fe’n lân, thuhril hrang nang ki iti kha tânginsampui ro,” tiin.

LUKA 12:35

“Irthok sai diamin, meiser bel sai leh irsiam mai roi.

TÎRTÔNHAI SINTHO 20:20

Nin ta hranga inlâp hrang ite thup loiin vântâng laia in sûnghaia nangni ki hril ngaia, nangni ki’rchutir ngai kha te.

TÎRTÔNHAI SINTHO 20:27

Pathian thil tum murdi a rêngin nin laia insîr indîn ma ung.

1 KORINTH 9:16

Thurchi Sa kin sîr ringot sika irsong theina nei ma ung. Thurchi Sa hi insîr ngêt hranga dânde kêng ki ini. Thurchi Sa hi insîr no inlân chu, ki ta hrangin ichiom tak a ini hrang a ni.

1 THESALONIKA 2:2

Nin inhriat angin Filipi khuaa khan inzakom taka soisak tuang khom inlân, irdoina tamtak kâra nin kuang Thurchi Sa hril hrangin ei Pathianin hâina a ni pêk a ni.

1 PETERA toc2 1 PETERA 1:13

Khasikin lungrîl irsiam diamin irtûng chian unglân, Jisua Krista a zuang inlang tika lungkhamna nangni a zuang chôi pe hrang kha tûng ngit roi.