JEREMIA 1:16 - PATHIAN LEKHABU IRTHIANG C.L. Bible (BSI)

¹⁶ Ki mihai chu pathian danghai kuang irbôlna inhlanin an ni huanga, millim an isiamhai chubai an mûka, thil sual an tho tâk sikin, anni chu dûk ki inthotirhai hrang a ni.

JEREMIA 1:16 ပူးပေါင်းရင်းမြစ်များ

2 RÊNGHAI 22:17

An ni rotsana, pathian dang kuanga thil an inhlana, an sintho dânhai hi ki ning a inmur a ni. Jerusalem chunga hin ki milung ir-al a ta, doi thei ta no ni. Rengpa’n a ti.

2 THURCHI SUINA 15:2

Reng Asa irhmupui hrangin a fea, a khêka, “Reng Asa nangni Judai le Benjamina mihaio, ki thu hi irngai roi. Ama tiang nin kop sûng chu Rengpa khom nangni tiang om a ta, nin zongin chu hmu nin ti, nin mâksanin chu nangni masan a ti.

2 THURCHI SUINA 28:2

Israel rênghai tho dân a lâka, Baal irlim an sintirhaia.

2 THURCHI SUINA 34:25

Anni hnôla, pathian dang kuang thilinhlanhai an inhlana, an sintho’n ki ning an inmurtir a ni. Jerusalem chunga ki ning an mur tak taka, dâi thei lik no ni.

2 THURCHI SUINA 7:19

Nangni hranga ki thupêkhai, ki chonginkunghai nin ngaisak noa, zôm nuam loiin, pathian danghai nin biaka, an sin nin tho pehaiin chu,

ISAIA 2:8

An rama khan millim a bita, An kuta an isinhai chubai an mûka.

ISAIA 37:19

An pathianhai meia an hâl pehaia, annihai kha pathian ni ual mahai, mihriamhaiin thing le lunga an isiam pa pai an ni, khasikin a siat thei chu an ni ving.

ISAIA 44:15

Kha hnunga chu mi hrangin meia tua ni ta a ta; khataka kha lâk a ta, a iuat ngai; a ni, meia a sêma, bai a siam ngai a ni, pathian a siama, a biak ngai; kha thing kha millim siamchopa a siama, kha kha khûksadelin chubai a mûk ngai.

ISAIA 65:3

Hi mihai hin ki inuam loi thil an tho nuama, irhuan serhaia irbôlna thil an inhlana, nam dang pathian maichâma mirimhoihai an hâla.

JEREMIA 10:15

Hlutna nei loi hmûsit zât an nia, anni ngaitua hrangin Rengpa a zuang nî chu insiatin om ving an ti.

JEREMIA 10:3

Hi mihai sakhua hi hmanghmunboi a ni. Rampuia thing an ilâk chu, kut sintheihaiin a hmangrua an sina,

JEREMIA 11:12

Judai ram khopuia mihai le Jerusalema lênghai khan, an pathian mirimhoi an inhlan pehai ngai irphuin changpuina zong an ta, khan an chunga siatna a zuan tung nî changpui thei no ni.

JEREMIA 11:17

Keima Rengpa itinrêng thothei hin Israel le Juda chu ki phuna; atûn chu vânduaina thilin ki iti a ni ta. Anni ngêtin an chunga an intungtir ta a ni, sual an sina, Baal kuang irbôlna inhlanin ki ning an inmurtir sikin,” a tia.

JEREMIA 15:6

Nangni’n nin ni hnôla, hnung nin ni isongsan a ni ta. Khasika khan ki bân ki’rzanga, ki kut ki insum a ni, Ki ningmur insua ki sôl tâk sikin.

JEREMIA 16:11

hiang hin hrilhai ro, ‘Rengpa’n a ti, nin pahaiin hnung an ni songsana, pathian danghai leh chongin an sin an tho pehaia, an ni’rnghila, ki dânhai an izôm loi a ni.

JEREMIA 17:13

Rengpa, nangma chu Israelhai isabei tak ni nia; Nangma nang mâktuhai chu mualinphoi an ti. Rengpa hringna tuihnâr thar tak chu nang an mâk sikin. Pil kâra irhming irziak angin irhmang an ti.

JEREMIA 18:15

Ki mihaiin chu an ni’rnghila, millimhai kuang mirimhoi an ihâl a ni. An lampui fena hrang ata an pêta, lampui milui kha zui ta mahaia; lampui irdang loi an izui tâk a ni.

JEREMIA 19:4

Mihaiin an mâksana, hi hmuna ram dang pathian chongpuina’n an hmang tâka, anni le an irchibulhai Judai rama rênghai khomin, an inhriat ngai loi pathianhai kuang mirimhoi an hâla, mi siat sin loihai thisenin ki hmun hi an insip zoi ta.

JEREMIA 2:13

Ki mihaiin sual inhni an sin tâka; keima hringna tuihnâr hi an ni mâk raka, tuikuang an choia, tuikuang tui reng irting thei ngai loi chu.

JEREMIA 2:17

Israel, Rengpa ni Pathianin lampuia nang ki hruai lai khan, ni ni mâksan sika khan, hi thil hi ni bingin ni lu chunga ni intungtir tâk a ni.

JEREMIA 2:19

Ni sualna khan dûk nang tho a ta, hnung ni ni isongna khan thiam no changin om ni ta, Rengpa ni Pathian ni mâk raka, ki ta hranga iamom ni ini loi hrang hi, sual a ini lam le a satloina lan hre suak ni ti. Keima, Rengpa Pathian Itinrêng thothei hin ki iti tâk a ni.

JEREMIA 2:28

Nin isiam pathianhai kha khôn mo an om? Intakna nin phâk zoroa, an thei ngânin teh nangni san ri sehai. O Juda, ni khopui nei dôr chu pathianhai khom ni inei a ni ta hi te.

JEREMIA 4:12

Rengpa thupêka hong phâivua chu kha nêka hrât ual ni a ti. A mihai chungthu rêltu chu ama Rengpa ngêt a ni.

JEREMIA 4:28

Khasika khan irnêng chu ngûi ruaiin om a ta, irvân khom a inthim khap hrang a ni. Rengpa iti lam tak ni ta a ti, a milung inchong thûl ta no nia, thu mongna chu a siam zoi tâka, irlêktir ta no ni.

JEREMIA 44:17

Tho hranga kin iti kai chu tho hrang a ni. Irvân rêngnu kin pathiannu kuang irbôlna inhlan kin ta, uain thilinhlan a ta hrangin bunthuan kin ti, keini le kin irchibulhai kin rênghai le kin hruaituhaiin Judai ram khopuihai le Jerusalem kotsuahaia kin itho ngai ang khan. Kha laia khan bu nêk hrang kin nei hluka, vâng kin saka, ite buaina tong ngai ma ung.

JEREMIA 5:29

Khaangin hi thilhai sika hin anni chu intuangtirhai ki ta, hi nam chunga hin phuba ki ilâk hrang a ni.

JEREMIA 5:9

Hi thilhai sika hin anni chu dûk ki ithohai loi hrang mo? Hianga namhai chunga hin phuba ki ilâkhai hrang mo?

JEREMIA 51:17

Hi hi mi tinin an hmu’n chu, mihriamhai invêtin inhriatna nei loiin an oma, millim siamtuhai chu an inzaka, an isin pathianhai kha a dûr, hringna nei loi an ni sikin.

JEREMIA 7:17

Juda khopui le Jerusalem kotsuahaia an sin thohai ni ihmu loi mo?

JEREMIA 7:18

Nâipanghaiin thing an bûma, pasalhaiin mei an sêma, nupanghaiin irvân rêngnu ta hranga bai siam hrangin baidi an inhmet a ni. Nin natir hrangin uain thilpêkhai pathian danghai ta hrangin an ibunthuan ngai a ni.

JEREMIA 7:9

Inrû nin thoa, tual nin thata, nin uirea, khomâkirsâmin minlak nin thoa, Baal kuang irbôlna nin inhlana, nin laia inhriat ngai loi pathianhai chubai nin mûk ngai.

EZEKIELA 16:18

Ni puan sil insui satak takhai chu ni lâka, anni ni tuama, ki sahriakhai le mirimhoi chu millim makunga ni dara.

EZEKIELA 24:14

Kei Rengpa Pathian hin ki iti a ni, ki chângna hrang zoro chu a hong tung thiai ta. Ni sualnahai chu hnôlpai no ninga, inrenna mani, khoza’rngaina mani ni chunga inlangtir no ning, ni sinthohai sika khan hremin om ngêt ni ti,” Rengpa Pathianin a ti.

HOSEA 11:2

Ki koi lia an ni hla liaa, Baalhai kuang an irbôl uala, Millim siam chophai kuang mirimhoi an ihâl a ni.

HOSEA 8:6

Israel kut theithiamhai millim siam kha, Pathian ni ma. A ni, Samaria sehrâtte irlim kha inkhoipai zit ni a ti;

JOELA 2:11

Khan, Rengpa khan a sipai rualhai makunga ar hâi an suaa; a riakbukhai kha a sân a roiinpuia; a thu zômtuhai chu sinthothei tak an ni; Rengpa nikhua kha a roiinpuiin ar khêl tak taka; tu’n mo tuang thei hrang?

TÎRTÔNHAI SINTHO 7:41

Kha hnung chu, khahai khan sehrât irlim an sina, a’rlim kha satakin an biaka, an kut suaka khan an lôm tâka.

DÂN INHNINA 28:20

Nin thil tho a sual sik le Rengpa kha nin rotsan sikin khua nangni sâl a ta, nin kuttôn rêng rêng hmang chang no nia, a sân chardongna om a ti, sôlin siatpui ni ti.

DÂN INHNINA 31:16

Rengpa khan Mosia kuang, ‘Irngai ta, ni pi le puhai kuang zâl lat hrang ni ni ta; hi mihai hin ni thi tika chu ni uiresan an ta, thu ki irthungpuihai kha tho’nchâi an ta, ni rotsan an ta; an va lêngna hranga lei om nam danghai pathian kha ni biaksan an ti.

JOSUA 24:20

Rengpa chu irheisanin pathian dang sin ni tho’n chu nangni doiin nangni hrem a ti; nin chunga lei sa ngai khom sianlân, nangni a that irhmang zit hrang kêng,” a tia.

THUPHUANG 9:20

Mihriam, kha hremnaa that banhai khan an kut sinthohai ata irlet ual mahaia; ramilhli hai, rângachak millim hai, sum millim hai, dâr millim hai, lung millim hai, thing millim hai, ite hmu theiloi, inhretheiloi le fe theiloi hai biak kha ma mahai.