JEREMIA 1:15 - PATHIAN LEKHABU IRTHIANG C.L. Bible (BSI)

¹⁵ hmâr tianga nam tinhaiin hitaka hong hrangin ki koi sikin. An rênghai hong an ta, Jerusalem kotbâihai le kul bang irhualin an rêngtoihmunhai dong an ta, Judai ram khopui danghai khom hual sa an ti.

JEREMIA 1:15 ပူးပေါင်းရင်းမြစ်များ

ISAIA 22:7

Nin ram phâizôl inchamna hmuna, an tâlihai an irngamtira, sakor chungchuang mihai khom kul mikot kôla an ngîra.

JEREMIA 10:22

Irngai ta roi, thuthang a hong tung ta! Hmâr tianga mihai irchunkhôm nî chu; Judai ram khopui inram chita, sihalhai lêngna hmun siam hrangtuhai chu,” ki tia.

JEREMIA 10:25

Ram dang chubai nang mûk ngai loihai chunga khan le nang hnôltu mihai chunga khan ni ningmur chu insum roh. Ni mihai an thata, an ni insiat chita, kin ram khom an ni inramtir zoi tâk a ni.

JEREMIA 13:20

Jerusalem en ro, ni râlhai chu hmâr tiang ata an zuang chuma, Ni ienkol hranga ni kuta om ni irsongpui ngai ni mihai chu, khôn mo an om zoi ta?

JEREMIA 25:28

Ni kut ata khilât lâka in hrangin an nuam noa ni’n chu, Rengpa itinrêng thothei khan kha khilât ata kha la in ngêt an tih ti hril roh.

JEREMIA 25:9

‘Hmâr tianga mi tinhaiin le a ni zui rêng Nebukadnezara, ki ikoi hrang a ni. Judai ram le a luatuhai le a kôlvêla nam danghai doi hrangin ki hong ihruai hrang a ni. Hi nam le a kôlvêla nam danghai chu insiat chit ki ta, mihai khan ar khêl ti an ta, ar khêl ti ok an ti, kumtuangin an insiat hrang a ni. Keima Rengpa’n ki iti a ni.

JEREMIA 33:10

Khan Rengpa’n, “Mipuihaiin hi hmun hi mihriam le ramsahai om loina ramchâr hmun ang chu a ni, an tia; a ni, an ihril indik kêng, a rong ving tâka, khataka khan mihriamhai le ramsahai khom om mahai. Khannisianlân hi hmunhaia hin inhre nôk ni ti,

JEREMIA 34:1

Babulon rama rêng Nebukadnezara le sipai pâl, a ihruaina ram rêng ram sûnga nam tin chi tinhaiin, Jerusalem le a kôlvêla khua an doi lai khan Rengpa’n a ni chongpuia,

JEREMIA 34:22

Thu pe ki ta, hi khopuia hin hong kîr nôk an ti. Judai ram khopuihai chu ramchâr, tûte om thei loina hmunin siam ki ti. Keima, Rengpa’n ki iti a ni,” a tia.

JEREMIA 39:3

Jerusalem kha an lâka ni’n chu, Babulon ram rêng le a milianhai hongin kotbâi inlaina taka khan omhmun an khuara. Nergalserezera, Samgarneboa, Thainuzel hai hruaitu Sarsekima, hruaitu sipaihai Nergal-serezera hai khom an om saa.

JEREMIA 4:16

Namhai inhrilhai unglân, Jerusalema inpuang roi. Ram hlatak ata irhual hrangin an honga, Juda ram khopuihai rûn hrangin an ikhêk a ni.

JEREMIA 4:6

Zion enin irsinsiana târ roi! Zôk hrangin intân unglân, ir-ial ta no roi! Rengpa’n vânduaina irkhêl tak hmâr tiang ata irhmang vingna irkhêl tak a hong itung hrang kêng!

JEREMIA 43:10

Khanchu an kuang hiang hin ti ro, Rengpa Itinrêngthothei Israelhai Pathianin hiang hin a ti. A ni zui Babulon rama rêng Nebukadnezara chu hi hmuna hin hong hruai ki ta, hi lung nin iphunhai chunga hin a rêngtoihmun do a ta, a rêng puan in chu an chunga zâr a ti.

JEREMIA 44:6

Khasika khan ki ningmurna chu Judai ram khuahaia le Jerusalem kotsuahaia ki bukhai ta, mei leh ki ihâl a ni ta. Anni chu ramin le en intak takin a vuana an iom ang hin ki imâksanhai a ni ta.

JEREMIA 46:24

Aigupta mihai chu mualphoia sia an ni tâka, hmâr tianga mihaiin an inhnêhai tâka. Keima Rengpa’n ki iti a ni ta,” tiin.

JEREMIA 5:15

Israel mihaio, nangni doi hrangin ram hlatak ata irthokin Rengpa’n, nam a hong ihruaihai hrang a ni. Tianlai ata nam inthang bîk a hrât, an chong nin inhriat ngai loi chu.

JEREMIA 6:22

Rengpa’n a ti, “Hmâr tiang ata mi an zuanga, ram hlataka nam roiinpui chu râl doi hrangin an irsiam mai ta a ni.

JEREMIA 9:11

Rengpa’n a tia, “Jerusalem chu inram chim angin insiamtir ki ta, sihalhai fena hmun chang ta a ti. Judai ram khopui chu ramchâr chang a ta, tûte’n lua ta no nihai,” a tia.

CHAP HLA 5:11

Zion nupanghai chu an siatpuihaia; dôngmatehai khom Juda khopui laia khan.

EZEKIELA 32:30

Khanchu hmâr tianga roirêltu murdihai le, Sidon mihai khom chu khataka khan an oma, tiana khan chu an sinthotheina khan chitna an lêngtir ngaia, khannisian atûn chu hmâimôka omin irdoina thata omhai leh khan sertan loiin an zâl tâka. Mithi khuaa hmâimôk tuanga omtuhai hmâimôkna chu anni khomin an tong sa tâka.

JOELA 2:20

aniachu, nin kuang ata hmâr tiang ata zuang mi huaisenhai pâl kha irzûlpai zit ki ta; ramchâr le chiaia infetir ki ti, a masa pâl nitâk tianga tuipuia, inhnung inta pâl thang tianga tuikhangliana; hong innam suak a ta, mirim se takin hong innam a ti, thil irkhêltak a tho tâk sikin, tiin a sâma.

ZAKARIA 6:6

Khan, tâli sakor dukhaiin an ikai kha Babulon ram hmâr tiang an fea, khan sakor ngoihai kha nitâk tiang an fea, sakor rânghai kha chu sim tiang an pana.