JEREMIA 1:11 - PATHIAN LEKHABU IRTHIANG C.L. Bible (BSI)

¹¹ Rengpa’n ki kuang, “Jeremia imo ni hmu?” tiin a nir dona. Khan keiin, “Almond thingchâr ki hmu,” tiin ki sâma.

JEREMIA 1:11 ပူးပေါင်းရင်းမြစ်များ

IRPHUTNA 30:37

Khan, Jakoba’n theikung le thingkung irzar chi khianghrol hring a lâka, a hmor irzumin khianghrol chu irtêk langin a siama.

ISAIA 55:11

Ki bâia thusuak khom, chanlamboiin kîr nôk thei ni ma, ki nuam lam chu a tho mai ngai, ki itîrna kipa hlochuk mai a ti.

JEREMIA 24:3

Khanchu Rengpa’n, “Jeremia imo ni hmu?,” a ni tia. Khanchu, “Theipui rahai ki hmu, a sahai chu a satak taka, a siathai chu a siat ta tak a ni,” tiin ki sâmhaia.

EZEKIELA 12:25

Rengpa chu ki nia, hril ki ta, ki thu hril chu tung zôi zel a ti, khêkin hril ni no ning. O tehelzong insûngkuahaio, nin dam lai ngêt hin thu hril ki ta, ti hi Rengpa pathian thusuak a ni,” a tia.

EZEKIELA 12:28

Khasikin an kuang, Rengpa pathian khan hiang hin a tia: ‘Ki thu rêng rêng hi khêkin hril ni no nia, ki thu hril murdi chu tung irkipin om zêl a ti,’ ti hi Rengpa pathian thusuak a ni, tiin hril ro,” a tia.

EZEKIELA 7:10

Irngai ro, Israel ta hrangin nikhua chu a hong tung e, ni siatna hrang chu a hong suak ta, tuangna chu a hong punga, omlianna chu a hong irsâng tâk.

AMOSA 7:8

Khan, ki kuang Rengpa khan, “Amosa, imo ni ihmu?” a tia. Khan, keiin, “Enirmîlna,” ki tia. Khan, Rengpa khan, “Irngai ta, ki mi Israelhai laia enirmîlna sia ki ta; anni khêlhai ta no ninga.

AMOSA 8:2

Khan, ama’n, “Amosa, imo ni ihmu?” a tia. Keima’n “Kholum thei kok,” ki tia. Khan, Rengpa khan ki kuang, “Ki mi Israelhai mongna hrang a zuang tung ta; tehel zong ta no ning,” a tia.

ZAKARIA 4:2

Ki kuang, “Imo ni ihmu?” a tia. Khan, keima’n, “Rângachak meiser siana, a sîpa berbuhai le khataka meiser sarihai le a sîpa meiser hmûr sari seng omhai le,

ZAKARIA 5:2

Khan vântirtônin imo ni hmu tiin a nir dona, keiin, “Boiruaka lekha irzuat vuang lai ki hmua, a dung tiang chu mûk sôminhni a nia, a khang tiang chu mûk sôm a ni,” ki tia.

NAMBAR 17:8

Khan zîng nôka chu Mosia kha thu inhriattirna puan ina khan a fea, irngai ro, Levi panama khianghrol chu a hon cher suak kha a hmu’n chu a para almond angin a raa.