JAKOBA toc2 JAKOBA 5:16 - PATHIAN LEKHABU IRTHIANG C.L. Bible (BSI)

¹⁶ Khanchu, nin sualhai thupha chôi irhlôm unglân chongchai irhlôm roi; khanchu indamin om nin ti. Sathnem irngai taka mi dik chongchaina khan thil roiinpuitak a tho thei a ni.

JAKOBA toc2 JAKOBA 5:16 ပူးပေါင်းရင်းမြစ်များ

IRPHUTNA 19:29

Khan hiang hi a nia, Pathianin phâizôl a hâl irhmang laia, Lota omna hmun kha Pathianin Abrahama kha an hriat maia, Lota chu irhmangna hmun ata a sansuak a ni.

IRPHUTNA 20:17

Khanchu Abrahama kha Pathian kuang a chongchaia; khan Pathianin Abimeleka le a dôngma le a suakhai khan damna an chang zela; nâi an hong nei tâka.

IRPHUTNA 20:7

Khasikin atûn zel mi dôngma kha pepai nôk ta ro; ama chu deipu kêng a ni, khan kêng nang chongchai pe a ta, ni hong idam hrang: ni pêk kîr nôk no’n chu ni ithi ngêt hrang a nih ti inhre ro, nang le ni inei murdihai le,” a tia.

IRPHUTNA 32:28

Khan kha mi khan, “Ni’rhming khom Jakoba nang ti ta no nihaia; Israel nang ti ta an ti; Pathian le mihriam nir buanpuia, nin hnê tâk sikin,” a tia.

2 SAMUELA 19:19

Reng kuang khan, “Ka pu Jerusalem ni mâk nia dik loi taka ki lei itho tâkhai kha irngaihoi takin ni’rnghil pe ro. Siatna neiin ni bê no’n lân, nin hre pe ta no ro.

1 RÊNGHAI 13:6

Reng Jeroboama’n deipu kuang khan, “Lungkham takin Rengpa ni Pathian kuang ki bân damna hrang ni zong pe ro,” a tia. Deipu khan Rengpa kuang a chongchai pea, rêng bân chu a dam pe ta.

2 THURCHI SUINA 30:20

Rengpa’n Hezekia chongchaina kha a irngaia, mihai chu a ngaidama, itin te lo maka.

JOBA 42:8

Khasikin, sehrâtchal sari le belrachal sari kai unglân, ki siahlo Joba kuang fe unglân, nangni hrang hâlirvôm thil var hlan roi. Khanchu ki siahlo Joba’n nangni chongchai pe a ta, a izonglam angin lei pom pe ki ta, nin into lam angin chu nangni thuan no ning, ki siahlo Joba angin ki chungchâng thu diktakin hril ngam mak chêi sikin,” a tia.

INPÂKNA HLAHAI 34:15

Rengpa mit chu mi felhai tiang a en ngaia, A mikuar khan a khêkirhai inhre hrangin ar ngaitua mai ngai.

FESUAKNA 17:11

Mosia’n a bân a lâng insôt dôr kha Israelhai an hrâta, khannisian a bân an sumin chu, Amalek-hai an hrât ngai.

FESUAKNA 9:33

Mosia chu Faroa kuang ata khopui a suaksanin chu, Rengpa tiang a kut a phar tâka; khanchu irvân inrûm le irial chu a mong ta, rua khom inthotir ta maka.

THUVÂRHAI 15:29

Mi sahai chongchaina chu Rengpa’n ar ngaitua ngaia, mi siahai rêk chu a hla pehai ngai.

THUVÂRHAI 15:8

Mi pualoihai irbôlna chu, Rengpa ta hrangin intirom a nia, mi felhai chongchaina chu a ifel a ni.

THUVÂRHAI 28:9

Dân zôm nuam loi chu a chongchaina khom intirom a ni.

JEREMIA 15:1

Khanchu Rengpa’n ki kuang, “Mosia le Samuela khom ki makunga, hi mihai hrang hin hong ngîrpuihai khomsian, irngai pehai ual no ning. Anni chu irzûlhai unglân, ki mithmu ata hi om ta no ri sehai.

JEREMIA 33:3

“Ni koiin lân, nang sâm ki ti; ni inhriat ngai loi thil roiinpui le irthup tak nang inhril ki ti.

JEREMIA 42:2

“Rengpa ni Pathian kuang, keini ta hrang le hitaka hôia la omhai ta hrangin ni chongchai pe sa roh. Zoro lei fe tâka khan chu tamtak kin ni ngaia, khan atûn hin chu ni ihmu anga hin mi tômte vai imâkin kin iom a ni.

NAMBAR 11:2

Khanchu mipuihai khan Mosia an koia, Mosia kha Rengpa kuang a chongchaia, mei kha a thi nôk tâka.

MATHAIA 21:22

Nin iamin chu chongchaia nin inghi murdi chu hmu nin ti”, tiin a sâma.

MATHAIA 3:6

An sualhai an inpuanga, Jordan dunga khan a lei baptis-haia.

MARKA 1:5

Judai ram kil tina mi le Jerusalem khuaa mi murdi khan ama an pana, an sualhai an irphuanga, Jordan dunga khan a lei baptis-hai tâka.

LUKA 9:6

Khanchu, an suak tâka, kho tin an irfanga, hmun tina Thurchi Sa hrilin mihai an indam thiaia.

JOHANA 9:31

Pathianin mi sual chong irngai nuam mah ti ei inhriat; khannisianlân, Pathian ngaisaka, a nuamlam thotuhai chong chu ar ngaitua ngai.

TÎRTÔNHAI SINTHO 10:38

Nazaret Jisua chu Pathianin Irtha Irthiang le sinthotheina’n a vurzia kha nin inhriat. Pathian khan a ompui maia, sin sa thoa inzin vêlin Diabola soisak murdihai an damtir thiaia.

TÎRTÔNHAI SINTHO 19:18

Iamtu tamtak an honga, vântâng inhriata an tho’nsualhai an inpuanga.

TÎRTÔNHAI SINTHO 8:24

Simona’n, “Ni thil insîrhai chu ite ki chunga a zuang tung nona hrangin nangin Rengpa kuang ni ngên pe roi,” a tia.

ROM KHUAA MIHAI KUANGA TÎRTÔN PAULA LEKHATHON 3:10

“Tûte mi fel rêng om mahai; Inkhat lua om mahai;

ROM KHUAA MIHAI KUANGA TÎRTÔN PAULA LEKHATHON 5:19

Mi inkhat thu zômloi sika khan mi tamtak mi sual an ni tâka, khaang dênin mi inkhat thu zômna sikin mi tamtak mi fel ni an ti.

KOLOSA 1:9

Khasika khan irtha tiang vârna le inhriat thiamna tinrêng nuamlam nin inhriat irkip theina hrangin, nin thurchi kin inhriat ni ata chongchai le ngên pe mong ma ung.

1 THESALONIKA 5:17

mongloiin chongchai unglân,

1 THESALONIKA 5:23

Irngeina Pathian ngêt khan nin pumin irthiangtir sianlân, ei Rengpa Jisua Krista zuang nôk tika chu nin irtha le lungrîl le nin taksa a puma sêlna boiin inomtir ri se.

1 THESALONIKA 5:25

Urênghaio, ni chongchai pe ngai roi.

HEBRAI toc2 HEBRAI 11:4

Iamna’n Abela khan Kaina nêka irbôlna sa ual Pathian kuang an hlana. A iamna sikin a thilpêk kha ipomin a oma, mi fel a ni tiin Pathian pomna a idong a ni. Kha a iamna sika khan a thi hnung khomin thu a la insîr mai a ni.

HEBRAI toc2 HEBRAI 11:7

Iamna’n Nova khan, sûn matona thil a la ihmu theiloi Pathianin a hril laia khan, Pathian thu zômin irkuang a sina, kha irkuanga khan ama le a in sûng mihai saninhringin an om. Khasika khan, rammual kha thiamno an changa, iamna sika felna Pathian kuanga om kha a idong a ni.

HEBRAI toc2 HEBRAI 12:13

Khan, ke’nbâi kha irlo’rphêt loia, indama a om ualna hrangin lam intûna fe roi.

HEBRAI toc2 HEBRAI 13:18

Kin ta hrangin ni chongchai pe mai roi. Itiklai khomin thil fel sin ki nuam mai sikin sia le sa inhriatna irthiang tak kin nei ti kin inhriat infel.

JOSUA 10:12

Rengpa’n Israel mihai chu Amor mihai an hnêtir nî khan Josua’n Rengpa chu a koia, Israelhai inhriata: “Misa, Gibeon khua chunga hin inding mai ro, Tha nang khom Aijalon irhôra inding mai ro,” a tia.

1 PETERA toc2 1 PETERA 2:24

Sual thisana felna neia ei hring theina hrangin, Krista ngêtin a taksa’n Krosa khan ei sualhai a pêla, ama zêmna irdulhai khan indam nin ni ta.

1 JOHANA 3:22

A thupêkhai ei zôma, a nuamlam ei tho sikin a kuang ei ngên murdi ei hmu thiai ngai a ni.

1 SAMUELA 1:12

Hani kha Rengpa kuang a la chong lai takin Elia khan a hmûr inchâng kha a lei sinsiaa.

1 SAMUELA 12:17

Bu ât zoroa om mo ni mak me? khannisianlân, Rengpa kha koi ki ta, ama’n rotui le khonri inthôtir a ti. Kha tena chu rêng nin izong chungchânga hin Rengpa mithmua thil nin lei itho inchâi hmu’nfelin inhre ta nin ti,” a tia.

1 SAMUELA 12:18

Khanchu Samuela’n Rengpa a koia, Rengpa’n kha ni khan rotui le khonri an thôtir tâka; kha tena chu mipuihaiin Rengpa le Samuela kha a sân an chi tâka.