JAKOBA toc2 JAKOBA 3:6 - PATHIAN LEKHABU IRTHIANG C.L. Bible (BSI)

⁶ Milei khom hi mei ang a nia, rammual siatnaa sip, ei takpuma kop, ei takpum om dân porinchetirtu a ni; ei hringnun pumpui hremhmun meia dengintheitirtu a ni.

JAKOBA toc2 JAKOBA 3:6 ပူးပေါင်းရင်းမြစ်များ

THUVÂRHAI 16:27

Mi siahai chu mi dang ningthik sinna hrang lam an zonga; an chongbâi suak chu mei ang kha a ni.

MARKA 7:15

Pên tiang rengata mihriam sûnga lût ama porinchetir thei ite om mah, mihriam sûng rengata suak ngaituana hin kêng mihriam a porinchetir ngai.

THUVÂRHAI 15:1

Sâmna irnêmin chu ningmurna ar kiangtir ngaia, henhrum rêkin chu ningmurna an pungtir ngai.

LUKA 16:24

Khan, a hong sâma, ‘Ka pa Abrahama, lung nin khamin lân, Lazara kha a kut pâr hmor tuia inchie sianlân, ki milei indâi hrangin zuang tîr ro ba, hi mei choka hin a sân ki na tak tak kêng,’ a tia.

INPÂKNA HLAHAI 140:3

An milei chu mirûl angin an intâta; An hner thuaia khan sokvom tûr a oma.

INPÂKNA HLAHAI 64:3

Khahai khan khandai angin an milei an intât inngaia, Thal angin chong khâ takin an irzîka.

3 JOHANA 1:10

Khasikin ki hong zoro tena chu a om dân, thil irkhêl tak tak thoa mi a ibê thuhai nangni hril zit ki ti. Kha kha a ruk ti loiin ama ngêtin urênghai lôm nuam maka, a lôm nuamhai khom a khapa, Koiindang ata an hnot suakhai ngai a ni.

JAKOBA toc2 JAKOBA 2:7

Irhming satak nin irput kha insîrinsiattuhai ni mahai mo?

TÎRTÔNHAI SINTHO 6:13

Inhriatpuitu milak an siama, khahai khan, “Hi pa hin ei Tempil irthiang le ei Dân hi a hrilinsiat ngai.

TÎRTÔNHAI SINTHO 5:3

Khannisianlân Petera’n, “Anani, Irtha Irthiang huangin ram man a chimrip thup hrangin ithoa mo Setana’n ni milunga ircham ni inneitir?

MATHAIA 12:24

Ama kha Farisaihaiin an inhriatin chu, “Hi mi hin ramilhlihai an hnot suak theina chu an rêngpa Belzebula’n irnak a pêk sika a ni,” an tia.

MATHAIA 5:22

Keima’n chu nangni ki hril, mâni urêng chunga ningmur chu a chungthu rêl ni a ti; a urêng “hmangnaboipa” ti chu Sanhedrin-ah rêl ni a ti; a urêng “invêtpa” ti lenvâng chu hremhmun meia fe inruk a nih ti nangni ki hril a ni.

2 SAMUELA 19:43

Israel mihai khan Juda mihai kha, “Nin takmiti ni khom sianlân, rêng Davida rêng inchang thua, a bâk sômkhat chunga thu kin inei kêng a ni. Hiang hin ni enkhûm no roi. Reng hruai kîr nôk hrang thu kha keini kêng a ni iti masa,” an tia. Khannisianlân, hi thua hin Juda mihai kha Israel mihai nêkin chu an inhrum ual a ni.

THUPHUANG 19:20

Sahrâng kha an chela, deipu dol, a mit hmua sinirkhêlhai sin ngaipu kha an chel saa. (Kha sinirkhêlhai sika khan sahrâng irsinsiana neihai le a’rlim chubai mûkhai kha a ihuang ngai a ni). Sahrâng le deipu dol kha an ruaiin an hring pumin kâta kâng mei laia khan an paithâk tâka.

THUPHUANG 18:23

Meiser vâr khom ni sûnga hmu nôk ni ta no ni, pasal le moi irhai ni sûnga inhre nôk ni viat ta no ni. Ni bepârhai kha rammual pumpuia mi lianhai an nia, ni dôi milakin rammual pumpuia mihai huangin an iom a ni ta!” a tia.

THUPHUANG 13:14

Sahrâng masa mit hmua sinirkhêl sin hranga phalna a hmu sika khan irnênga mi murdihai a huanga; an kuang, sahrâng khandaia pop tâk la dam nôk chôiirsângna hrangin ama irlim siam hrangin thu a pêka.

THUPHUANG 12:9

Khanchu, dragon lianpa, rûlpui tar, Diabola le Setana an iti, rammual pumpui inlemtu kha an paithâk ta. Irnênga an paithâka, ama vântîrtônhai khom an paithâk sa.

2 PETERA toc2 2 PETERA 3:3

Sûn hnungkhôna chu hmusitpuhai, mâni irzukna ang taka omhai hong suak an ti, ti inhre masa roi. Hmusit tak takin,

TITA toc2 TITA 1:11

Khahai bâi kha hîp pehai hrang a ni; a sûngkua kuain mihai an inbuaihaia, sum hmu hrang sabeiin irchutir loi hrang hrang mi an irchutir ngaia.

TÎRTÔNHAI SINTHO 20:30

Nin laia senkhat mi khomin iamtuhai anni tiang an hruai theina hrangin milak an hril zoro la tung a ti.

JEREMIA 28:16

Khasikin Rengpa khan nang a ithat hrang a ni. Rengpa doia mipuihai tehel nin zongtirhai sikin, hi kum sûnga ngêt hin thi ni ti,” tiin.

JEREMIA 20:10

Mihai chong set sat kin hriata, “Hmun tina ichi zât irkhêla om ngai! Tho thuneituhai kuang la va hnôl ta rei,” tiin ki rual sahai lua’n kin rîl zoro an inghâk chian a ni; “huang thei duai an ni itinin, khanchu chel ei ta, phuba la ei ta,” an tia.

ISAIA 30:27

Hlatak atakhom nangni a en thei, en mai roi, Rengpa sinthotheina a hong inlang ta so, a ningmur meikhu angin ar zâm, milung chuk loiin a nuar so. A thu suak chu meiri-al kâng irhmang thei hrang angin a om.

NAMBAR 31:16

Irngai roi, Balaama thupêk zômtuhai kha nupanghai hi an nia, Peor hmuna khan mipuihai chu Rengpa chunga an inchâitirhaia, khasik taka khan Rengpa’n mipuihai chu hripuiin a insiathai a ni kha.

2 THURCHI SUINA 13:17

Abija le a sipaihaiin Israel sipaihai chu an doktirhai tâka. Israel sipai sahai nuairinga vêl an thathai a ni.

2 SAMUELA 16:20

Khanchu Absaloma khan Ahithofela kuang, “Itin mo ei itho ta hrang, nir ngaidân insîr ro,” a tia.

DÂN INHNINA 13:6

Ni urêngpa mani, ni nâipa mani, ni pa’n mani, ni nâinu’n mani ni dôngma nei laiin mani, ni rual irnaipui takin mani, ni nu le ni pahai lan hre ngai loi pathian biak hranga nang an inthêm kha zôm no ro,

LEVI DÂN 24:11

Kha nupang kha Selomiti nâinu a ni, Dan nama Dibria tunu a ni. Israel nu nâipa khan Rengpa irhming a hrilinsiata, khua a sâl saa. Mosia kuang an hong hruaia.

NAMBAR 25:2

An pathianhai kuang, an irbôlna hruaithena khan an fialhaia; khanchu an fâka, an pathianhai chu chubai an mûkhai tâka.

THUVÂRHAI 7:5

Khanchu mi dang dôngmahai ata ni nupang sualhai inthêmnaa irthokin nang inzôk an ti.

ISAIA 50:11

Khannisian, mâni meiser inchoka, ir-al thei chôihaio, nin thal irling thei vâra khan fe ngân roi ba, Rengpa kut ata nin idong hrang chu, intak tuanga nin ithal dôr dôr hrang a ni.

JAKOBA toc2 JAKOBA 3:7

Mihriamin, ramsa le vâ tinrêng hai, thilhring le tuia nga tinrênghai hi vâi inngam thei an nia, an vâi inngam ta ngai.