JAKOBA toc2 JAKOBA 3:13 - PATHIAN LEKHABU IRTHIANG C.L. Bible (BSI)

¹³ Nin laia vârna le inhriat thiamna nei mo an om? Om dân sa le thil sa tho’n thiam tak le thuhnuairôl takin inlangtir ri se.

JAKOBA toc2 JAKOBA 3:13 ပူးပေါင်းရင်းမြစ်များ

GALATIA 5:23

thuhnuairôlna hai insumtheina hai a ni. Khaang tianga Dân irkal om mah.

JAKOBA toc2 JAKOBA 3:17

Chung tiang ata vârna zuang suak chu a maton taka a’rthianga, kha zoiin irngei a nuama, a milung ar uaia, changpui a hoia, lungkhamna le ra saiin a sipa, theibîkna le vârirletna nei ngai mah.

MATHAIA 5:5

“Thuhnuairôlhai chu an vân a sa e, Pathian chonginkung kha an la hmu hrang sikin.

KOLOSA 3:12

Khanchu Pathian mi inthang, mi irthiang le inditom takhai ni le irhoiin lungrîl taka irrenna hai, khonzana hai, irngaiintômna hai, thuhnuairôlna hai, tuangdiarna hai khan irvô roi.

1 PETERA toc2 1 PETERA 2:12

Jentailhai lai ata satakin lêng unglân, thil sual thoa nangni an bê khomin nin sintho sahai anni ngêtin hmu an ta, Pathianin nangni a zuang hro tika ama chôiindôm thei an ti.

TITA toc2 TITA 3:2

Tûte hrilsiat loia, irngeisîpa rual irchanga, mi tin chunga zâidam hrangin ti pe roh.

2 TIMOTHEA toc2 2 TIMOTHEA 2:25

Ama doituhai khom tuangdiarthei takin a suiôi hrang a ni, thutak inhre hrangin Pathianin an lungrîl a irlettir zôi thei.

FILIPI 1:27

Mi danghai leh nin om dânhai kha Krista Thurchi Sa leh irhme bak ri se, ki hong mo hong no mo irtha hmunkhata ngîrindetin, lungrîl hmunkhat irputin Thurchi Sa iamna kha nin thop irrual ti inhriat thei ki ti.

1 TIMOTHEA toc2 1 TIMOTHEA 6:11

Nang, Pathian mi, kha thilhai kha nangma’n chu rotsan roh. Felna hai, Pathian ngaisakna hai, iamna hai, lungthungna hai thuhnuairôlna hai, tuangdiarna hai, nunhoina hai, nei tum khak roh.

JAKOBA toc2 JAKOBA 2:18

Mi tu khôkin mani, “Mi inkhatin iamna a neia, mi dangin sintho a nei,” ti a ti. Khannisian, keima sâmna chu, “Itin mo, mi’n sintho boiin iamna a inei thei lam nir hmu roi; keima’n chu sintho’n ki iamna nang irhmu ki ti,” ti hi a ni.

1 PETERA toc2 1 PETERA 2:9

Nangni chu nam inthang, Rengpa ochai, nam irthiang, Pathian ta bîk, ama vâr irkhêl taka lût hranga inthim ata nangni koi suaktu Pathian sintho roiinpui inpuang hrang nin ni.

JAKOBA toc2 JAKOBA 1:21

Khasikin, intirom chi tinrêng le sual chi tinrêng pai irhmang unglân, nin milunga Pathian thu tû, nangni saninhring thei chu thuhnuairôl takin pom roi.

THUHRILTU 8:1

Mi vâr vaiin kêng thil omzia takhai chu an hriat thei ngai, vârna’n a hmêl an vârtira, a hmêl inhripna khom an dang ta.

INPÂKNA HLAHAI 107:43

Tukhom vâr ka kaiin khahai kha vong insa an ta, Rengpa lungkhamnahai ngaitua an ti.

1 TIMOTHEA toc2 1 TIMOTHEA 4:12

Ni nâiinpang sikin tûte’n nang manêp no ri sehai, thu’nsîrna lama, omlam dâna, lungthungna lama, irthiangna lama, iamtuhai entonrua ni roh.

2 KORINTH 10:1

Keima, Paula, nin laia ki oma nin chunga irngaiintôm le dâiriama oma, nin kuanga ki om no le nin chunga lum raka om ngaitu an iti hin Krista thuhnuairôlna le nunhoina songin nangni ki ngên a ni.

MATHAIA 11:29

Ki ringkol irbun unglân, ki kuang irchu roi, thuhnuairôl tak le irngaiintôm tak ki ni sikin, Khanchu nin irtha ta hrangin irngamna hmu nin ti.

JAKOBA toc2 JAKOBA 3:1

Ki urênghaio, nin laia irchutirtu ni hi tum sup sup no roi, irchutirtuhai hi mi danghai nêka ngar uala roirêl pe ei la ini hrang ti nin inhriat.

EFESI 4:2

Lam tinrênga irngaiintôm le thuhnuairôl takin lungthungna le tuangdiarnahai nei mai ngai roi.

GALATIA 6:4

Mi tinin mâni sintho enfiah seng bak ri se, kha hnung chu mi dang chunga ni loiin mâni chung ngeia song hrang nei a ti.

GALATIA 6:1

Urênghaio, mi tu mo khatin sual a tho lai takin tong ta unglân, nangni irtha mihaiin nin indik hrang a ni; khannisianlân, irngaiintôm takin ni tho hrang a ni. Nangni khom thêmnaa nin lût sa loina hrangin irdîn dêkin om roi.

2 KORINTH 8:24

Khahai kuanga khan nin lungthungna inlang roi, nangni kin songna chungchâng thua hin kin idik ti Koiindanghai murdi’n an inhriat infel theina hrangin.

DANIELA 2:21

Hunbihai le zorohai an danglam theia: rênghai a sonpai theia, rênghai an dettir thei: Mi vârhai kuang vârna a pêka; an hretheitu kuang inhriat theina a pêka.

MATHAIA 21:5

“Zion nâinu kha hril roh, En ta, ni rêng chu ni kuang a hong e, Sakuartung te chung ngeia,” ti thu hi.

ZEFANIA 2:3

Nangni irnênga mi thuhnuairôl murdi, a thu zômtuhaio, Rengpa kha zong roi; Felna zong unglân, thuhnuairôl tum roi: Rengpa ninginmurna nikhuaa khan ithupin nin om thei itinin.

JEREMIA 9:12

Keiin ki’rdona, “Rengpa i lo hranga ram insiatin, ramchâr anga ni inchâr, tûte inzin ta loi hranga siam a ini? A tu hi mo a vâr uala an hriatthiam hrang? Mi dang hril hrangin tu hi mo hi thilhai hrilinfel pehai hrang ni ipêk?,” ki tia.

ISAIA 61:1

Rengpa pathian irtha chu ki chunga a oma, Hriak a ni’rthûtira, Rengpa’n a ni itîr a ni. Invâihai laia Thurchi Sa hrila, nun beidong takhai inhar nôk hrangin, suaka intâng suak nôkna hrang thuhai, intângna ina omhai zalênna pe hranga inkung ki ni.

INPÂKNA HLAHAI 149:4

Rengpa chu a mihai chunga a lôm ngai, Irngaiintômhai chu saninhringna’n a’rvôtir ngaia.

JOBA 28:28

Mihriamhai laia, “Irngai ro, Rengpa chi hi vârna a ni, thil saloi mâksan hi inhriat theina chu a ni,” a tia.

NAMBAR 12:3

Mosia chu irnêng chunga mihriam murdihai laia phûkdâi tak a nia.

1 PETERA toc2 1 PETERA 3:4

lungrîl ata mizia dik, lungrîla thuhnuairôl le nunhoi, irbelna siat theiloiin, irbel roi, kha kha Pathian mit hmu’n a ihlu tak tak a ni.

1 KORINTH 6:5

Inzak a om bâka! Urêng kâra thu irfûk thei mi vâr inkhat lua nin laia nin iom loi ma ni?

MATHAIA 7:24

“Khanchu, hi ki thu hi inhriata, zôm murdi chu mi vâr, lungpui chunga in sintu leh irkhek rua a ni.

JEREMIA 9:23

Rengpa’n a ti, “Mi vârhaiin an vârna, mi hrâthai khomin an hrâtna, irchonghai khomin an irchongna irpâkpui no ri sehai.

ISAIA 60:6

Saringsei pâl khom an hor kôi dûl dûl so, Midian-hai le Efa saringsei hmang laihai chu, Seba ram hlatak ata an hong mai, rângachak le berô an hong pêla, Rengpa inpâkna hla an hong sak.

THUHRILTU 8:5

A thupêkhai ni zôm sûng chu lungthi takin om ni ta, khan milung vârin thil tinrênga a zoro diktak le a dânhai chu an hriat ngai.

INPÂKNA HLAHAI 45:4

Thutak le thuhnuairôlna le felna sikin ni satna irbelin lungthi takin sakor chunga chuangin fe mai ro! Khanchu ni kut chang tiangin thil irkhêl takhai nang a irchutir hrang a ni.

INPÂKNA HLAHAI 25:9

Thuhnuairôlhai kha roirêlna fela hruai a ta: Thuhnuairôlhai chu ama lampui thurchi irchutir a ti.

HEBRAI toc2 HEBRAI 13:5

Sum irngaiinnat mi ni no unglân, nin thil nei lam anga khan milung inchuk roi. Pathianin, “Nang intha viat no ninga, mâk khom nang ma viat no ning,” a ti sikin.

ISAIA 29:19

Inrianghai Rengpaa khan lôm an ta, invâihai khom Israel mi irthianghai kôla lâm an ti.

1 PETERA toc2 1 PETERA 1:15

Nangni a koitu a irthiang angin nangni khom nin om lam murdia lei irthiang roi.

INPÂKNA HLAHAI 122:8

Ki urênghai le ki rualhai sikin, “Ni in sûnga khan irngeina om ri se,” ki tia.