ISAIA 9:6 - PATHIAN LEKHABU IRTHIANG C.L. Bible (BSI)

⁶ Ei ta hrangin nâi a zuang suaka, nâipa pêkin ei oma, a dârsuama roirêlna irnghatin, A’rhming khom Irkhêl, Irfûktirtu, Pathian Hrât, Kumtuang Pa, Irngeina Rêng ti an ti.

ISAIA 9:6 ပူးပေါင်းရင်းမြစ်များ

2 SAMUELA 7:13

Ama khan keima tempil sintu chu ni a ti, a ram rêngtoihmun chu kumtuanga hrangin indettir ki ti.

2 SAMUELA 7:16

Ni in sûngkua le ni ram kha kumtuangin indet ni a ta, ni rêngtoihmun kha kumtuangin indet ni a ti,” tiin Rengpa thu a zuang tunga.

1 RÊNGHAI 10:9

ni Pathian Rengpa chu inpâkin om ri se, ama chu ni chunga hin a lôma, Israelhai rêngin nang a isiam a ni. Ni Pathianin Israelhai lung a thunga, dik taka an chunga roirêltu hrangin, nang a indit a ni hi,” a tia.

1 RÊNGHAI 2:33

An thisen suak man chu Joaba le a’rchihai lu chunga kumkhua’n chum mai ri se. Davida le ar chi le a in sûng mi le a rêngtoihmunhai chu Rengpa’n siam insa pe mai ri se,” a tia.

1 RÊNGHAI 2:45

Kei chu sat ni vur a ta, Davida rêngtoihmun chu Rengpa makunga det takin ngîr a ti,” a tia.

NEHEMIA 9:32

Khasikin, kin Pathian, roiinpui, itinrêngthothei le ichiom, thuthung dêna lungkhamna inlangtu khan kin rênghai kin mi lianhai, kin ochaihai, kin deipuhai, kin pi le puhai le ni mihai murdi chunga Assuria rênghai inlal lai ata atûn tena dengtheina hong omhai hi a mai maiin insâp no’n lân.

INPÂKNA HLAHAI 45:3

O, mi hrât, ni khandai kha ni konga vong ro, Ni roiinpuina le ni satnahaiin.

INPÂKNA HLAHAI 45:6

O Pathian ni rêngtoihmun chu kumtuangin a iom hrang a ni: Theibîk nei loina rêng khianghrol chu ni ram rêng khianghrol chu a ni.

INPÂKNA HLAHAI 45:7

Felna chu nir ngai inhlua, pualoina chu ni khôkmâk kha; Khasikin, Pathian, ni Pathian chu ni rualhai nêka irkhêl raifânna sahriak nang a’rthûtir tâka.

INPÂKNA HLAHAI 50:1

Pathian, itinrêngthothei, Rengpa khan thu an sîra; Irnêng hi misa suakna ata a tâkna dênin a koia.

INPÂKNA HLAHAI 72:17

A’rhming chu kumkhua’n dâi no ni: A’rhming chu misa a om sûng chu dâi loiin om mai a ta: Mihai chu amaa khan satvurin om an ta; Nam tinrêngin ama chu vânnei ti an ti.

INPÂKNA HLAHAI 72:3

Tâng lian le tâng chînhai hin felna’n mihai kuang irtharngamna zuang intung an ti.

INPÂKNA HLAHAI 72:7

A hring lai khan mi felhai chu indôn nut nut an ta, Irtharngamna irkhêl tak chu indôn nut nut sa a ta, tha a boi mâka chu.

INPÂKNA HLAHAI 85:10

Lungkhamna le thutak an irtonga; Felna le irngeina an irtuma.

INPÂKNA HLAHAI 89:5

O Rengpa, irvânhai khin ni sinirkhêl tho hi inpâk an ta; Mi irthianghai inkhômnaa khin ni iamomna hi inpâk sa an ti.

THUVÂRHAI 8:23

Kumtuang ata siam ki nia, irnêng irsiang mân ngeia khan.

ISAIA 10:21

Jakoba irchi a thi zoi loi, la omhaiin, an Pathian hrât tak kuanga hong kîr an ta.

ISAIA 11:5

Dikna chu kongkhitin hmang a ta, iamomna chu a konga khit a ti:

ISAIA 16:5

Khanchu rêngtoihmun kha chu, inren irhlômna pungin om a ta, kha ina Davida puan ina khan, mi inkhat roirêlin, roirêlna fel zongin, thil fel inrangtaka thoin, toi a ti.

ISAIA 26:12

Rengpa’n lungirngamna a ni pêka, kin sinthohai khom hi, nangma ni itho pe ving a ni,

ISAIA 26:3

Dettaka nangma kuanga irnghathai chu irtharngam takin nin omtira.

ISAIA 28:29

Hianga vârnahai hi Itinrêng Rengpa ipêk an ni. Pathian thil rêl hi chu a vârin a ifel a ni, hlo khom a ichuk ngêt ngai a ni.

ISAIA 32:1

Irngai roh rêng dik inkhat hon lal hrang a ni. A ulianhai khomin diktakin roirêl an ti.

ISAIA 37:32

Jerusalem ata khom la dam suak hrang an oma, Zion tânga a thi zoi loi la om ngêt an ti. Itinrêng Rengpa satirngaina khan hloinchuktir a ti.

ISAIA 53:10

Rengpa’n, ‘Vîk intuangtir hrang a sa,’ a tia. Na a ituang tâk a ni. A hringna chu sual irbôlna’n ni pom tena, ar chihaiin hmu mai an ti, a dam lai sûn bôk pe ni a ta, a kuta Rengpa indit lam chu hlochuk a ti.

ISAIA 53:2

A makunga zuang inchersuak a ta, Ramchâra chîmu irzung thâk angin, irsôn loiin, hmêl satna khom nei loiin. Ei ta hranga ennuam ual om thei no ni.

ISAIA 53:5

Khannisian, ama’n kin sin insiatnahai sikin sâbe a tuanga, ei sualna sika soisak a ni, Irngeina ei nei theina hranga hremna tong a ni, a vîk tuangna chu ei damna hranga a lei ni.

ISAIA 63:16

Nang chu kin pa ni nia, Abrahama’n nin hre pha mah. Nang chu, Rengpa, kin pa ni nih. Itiklai khoma ni sûnghualtu ni nih.

ISAIA 66:12

Rengpa’n hiang hin a ti: Tui kang loi angin irngeina pe ki ti, nam dang irchongna murdihai hi, tuilian angin zuan lûttir ki ti. Nu’n a nâi irhnu pêkin a ipom ang hin, a mal chunga inper ot ot a ti.

ISAIA 7:14

Rengpa ngêtin irsinsiana nang irhmutir a ti: Irngai ro, dôngmate’n nâi vong a ta, nâipasal nei a ta, a’rhming hrangin ‘Immanuel’ phua a ti.

ISAIA 8:18

En ro, keima le Rengpa ni ipêk nâipanghai hi, Zion tânga om tinrêng Rengpa’n Jerusalem mihai hranga irsinsiana thil irkhêl tak ni hrangin a ni ti a ni.

JEREMIA 31:22

O nang, nâinupang pûtsôt iamom loi mihai, idôr mo nang ki inghâk hrang? Rengpa’n irnênga thil a siam inthar tâk mani, nupangin pasal an ivêl tâk hi!” a tia.

DANIELA 2:44

Kha nia rênghai khan irvâna Pathianin ram zuan ding a ta, kha ram kha chu siat ta ngai no ni; an lalna khom mi danghai hrangin mâksan ni ta no ni; hi ram murdihai hi insiatin inhek zoi a ti, a ram chu kumtuangin inding mai ta a ti.

DANIELA 7:14

Roirêlna hai, roiinpuina hai, le ram hai a kuang pêk a nia, mi tin, nam tin le chong tinhaiin a sin an thôna hrangin; a roirêlna chu roirêlna det hek nî nei loia, a ram khom irhmang loi hrang a nia.

HAGAIA 2:9

Hi in roiinpuina hnungkhôn ual hi a masa nêkin irkhêl ual a ti, sipaihai Rengpa khan a ti: khan hi hmuna hin irngeina intung ki tah,” ti hi Sipaihai Rengpa thu suak a ni.

MATHAIA 1:1

Jisua Krista chu Davida irchi a nia, Abrahama ata an irkai lam chu hiang hin a ni.

MATHAIA 1:23

‘Irngai ta, dôngmate irthiang khan nâi vong a ta, nâipasal nei a ta, A’rhming Imanuela,’ phua an ti. (kha kha “Ei kuanga Pathian a om,” tihna a ni.) tia a insîr kha a hong tung theina hrangin hihai murdi hi a hong iom a ni.

MATHAIA 11:27

Thil tinrêng ka Pa’n a ni pêk ta. Pa ti no’n chu tûte’n Nâipa inhre mahai. Nâipa bana chu tûte’n Pa khom inhre mahai, Nâipa’n a inpuangnahaia ti no’n chu.

MATHAIA 28:18

Jisua’n a hong panhaia, anni kha a chongpuihaia, “Irnêng le irvâna irchamneina murdi ki kuang pêk a ni ta.

LUKA 1:35

Vântîrtôn khan a sâma, “Irtha Irthiang kha ni chunga zuang om a ta, Anchungtaka sinthotheina khan nang irhli khu a ti; khasikin nâi zuang suak hrang chu mi irthiang, Pathian Nâipa tih an ti.

LUKA 2:11

A vuan hin nin ta hrangin Davida khuaa saninhringtu a suak ta, Reng Krista chu,

LUKA 2:14

“Anchungtaka khin Pathian roiinpui takin om sianlân, Irnênga a lômhai kuang irngeina lêng ri se,” an tia.

LUKA 21:15

Nin irdoipuihai murdi’n nangni an sêl thei nona hrangin vârna le mi sâm theina nangni pêk ki ti.

JOHANA 1:14

Khan, Thu chu mihriam a zuang changa, ei laia a zuang om tâka. A roiinpuizia ei hmu, Pa nâi khât neisun roiinpuina chu, lungkham le thu takin a sip.

JOHANA 1:16

A lungkhamna irkip ei dong seng, lungkham chunga hril thei ban lungkham nôkna.

JOHANA 14:27

Irtharngamna nangni ki mâk pe, keima irtharngamna kêng nangni ki ipêk; rammualin a ipêk ang ni loiin nangni ki ipêk a ni. Nin milung dûk tong no ri se, chi khom chi no ri se.

TÎRTÔNHAI SINTHO 10:36

Ama khan irtharngamna Thurchi Sa Jisua Krista, mi tinhai Rengpa bâia insîrin Israelhai an pêltir ti nin inhriat, Jisua chu mi murdi Reng a ni.

TÎRTÔNHAI SINTHO 20:28

Khasikin, Pathian Koiindang, a Nâipa thina sika ama ta hranga a isiam chunga belrapu chang unglân, nangni le belra pâl Irtha Irthiangin nangni a ikoihai satna hrang zong roi.

ROM KHUAA MIHAI KUANGA TÎRTÔN PAULA LEKHATHON 8:32

Ama Nâipa ngei khom hôi loia ei rênga hranga pêktu khan itinrêng manboiin a ni ipêk sa loi hrang ma ni?

ROM KHUAA MIHAI KUANGA TÎRTÔN PAULA LEKHATHON 9:5

irchibulhai kha an puhai an nia, taksa tianga suiin chu Krista ngei khom kha an irchi a ni; itinrêng chunga om Pathian chu kumtuanga inpâkin om ri se! Amen.

1 KORINTH 1:30

Nangni chu, Krista Jisuaa khan nin om tâka; ama chu Pathian kuang ata, eini ta hrangin chu vârna hai, thiam inchangtirna hai, irthiangna hai le irtanna hai a lei ni tâka.

1 KORINTH 15:25

Pathianin a râlhai an hnê zita, a ke bula a sia mâka chu Krista a inlal mai hrang a ni.

2 KORINTH 5:19

Kin thu’nsîr chu hi hi a ni, Pathianin Krista zârin mi tinrêng a rualhaiin a siam tâk. An sualhai kha insâp pe ta loiin, a rualhaia a siamzia thu kha keini hi a ni ipêk tâk a ni.

DÂN INHNINA 10:17

Rengpa nin Pathian hi pathianhai Pathian, rênghai Reng, Pathian roiinpui, sinthothei le ichiom tak kha a ni; tûte theibîk nei maka, inthêm inhnê thei lak ni ma.

KOLOSA 2:3

Kristaa khan vârna le inhriat thiamna irchon hlu murdi kha a’rphûma.

1 TIMOTHEA toc2 1 TIMOTHEA 3:16

Tûte’n ei sakhua thu irthup roiinpuizia hi dik mah ti thei no ni: Ama kha taksa irputin a zuang inlanga. Irtha’n a dikzia an langtira, Vântîrtônhai khomin an hmua. Ama chu nam tin laia inpuang indarh a nia, Rammual pumpuia mihaiin an iama, Roiinpui taka lâkpai a ni ta.

TITA toc2 TITA 2:13

Ei Pathian roiinpui taka a zuang inlangna nikho lômom ei isabei hi hlo’nchuk zoro ei inghâk a ni.

HEBRAI toc2 HEBRAI 1:8

Nâipa chungchâng rêk chu Pathianin ama hi a iti a ni, “O Pathian, nin lalna ram chu kumtuangin om mai a ti! Ni mihai chunga felna’n roi ni rêl ngai.

HEBRAI toc2 HEBRAI 13:20

Khan, ei Rengpa Jisua, a thina sika kumtuang thuthung deta om, Belrapu Roiinpuitak, thina irthoka a kaithoitu irngeina Pathian khan a lungdo nin sin theina hrangin thil sa nin innang murdi nangni pe sianlân, Jisua Krista zâra einia hin, ama a lungdo sin ri se. Krista kuang roiinpuina kumtuangin om mai ri se! Amen.

1 JOHANA 5:20

Pathian Nâipa kha a zuanga, Pathian tak kha inhre thei hrangin inhriat theina a ni pêk ti ei inhriat sa; khanchu Pathian tak khan ei iom a nia, Nâipa Jisua Kristaa khan. Hi hi a ni Pathian dik tak kha, hi hi a ni kumtuang hringna chu.

THUPHUANG 19:16

A puan le a malpuia khan, “Renghai Reng le Hruaituhai Hruaitu,” tia irhming irziak a om.

ROIRÊLTUHAI 13:18

Rengpa vântîrtônin, “Itho sika mo ki’rhming ni ni irdon, hril thei chi ni ma,” a tia.