ISAIA 9:2 - PATHIAN LEKHABU IRTHIANG C.L. Bible (BSI)

² Inthim hnuaia omhai namin chu, vâr roiinpui tak an hmu tâka, raminthim taka omhai hrangin khua a hong vâr ta.

ISAIA 9:2 ပူးပေါင်းရင်းမြစ်များ

MATHAIA 4:16

Inthim hnuaia toihai khan vâr roiinpuitak an hmua, Thina ram inthim hnuaia toihai chunga a zuang vâr ta,” tia a lei insîr kha a hong tung indikna hrangin, kha kha a hong iom a ni.

EFESI 5:8

Tiana khan chu inthim nin nia, atûn chu Rengpaa vâr nin hong ni ta, ivâra omhai angin nin iom ngêt hrang a ni.

JOHANA 12:46

Rammuala hin vâr angin ki izuang a ni, tukhom a ni iam murdi’n chu inthima an om nona hrangin.

JOHANA 8:12

Jisua’n Farisaihai kuang thu an sîr nôka, “Keima hi rammual êl invârpu ki ni. Tukhom a ni zuitu chu inthima lêng viat no nihaia, hringna vâr nei ual an ti,” a tia.

1 PETERA toc2 1 PETERA 2:9

Nangni chu nam inthang, Rengpa ochai, nam irthiang, Pathian ta bîk, ama vâr irkhêl taka lût hranga inthim ata nangni koi suaktu Pathian sintho roiinpui inpuang hrang nin ni.

LUKA 2:32

Jentailhai kuang ni vâr inlangtir hrang le ni mi Israelhai roiinpuina hrang chu,” a tia.

ISAIA 60:19

Sûna misa chu ni vârna ni ta no nia, Zâna tha khom ni meiser ni no nia, Rengpa kha kumtuanga vâr nang ni pe ta a ti, Pathian roiinpuina khan nan vârtir pe ta a ti.

INPÂKNA HLAHAI 107:10

Inthim hnuaia le thina daihlîma toia, Intakna le thîra khithai chu;

INPÂKNA HLAHAI 23:4

A ni, thina daihlîm inthûk tak hro khom inlân, Thil saloi rêng rêng chi no ning; Nang ki kuang ni om mai sikin. Ni hêmvuak le ni khianghrolin a ni hrung ngai a ni.

ISAIA 50:10

Nangni laia Rengpa chi ngai mi, A siahlo a thu irngaituahai ngai, vâr nei loiin inthima om ngai khom unglân, Rengpa irhming iam mai unglân, Pathiana khan irnghat roi.

INPÂKNA HLAHAI 107:14

Inthim hnuai ata le thina daihlîm ata kha a hruai suakhaia, An khitnahai kha an chattir tâka.

JOHANA 12:35

Jisua’n an kuang, “Vâr hi sôtnote nin laia la om a ti. Vâr nin nei sûng hin chai roi, inthimin nangni a de nona hrangin, tukhom inthima lêng chu a fena inhre ngai ma.

ISAIA 9:1

Chardong taka omhai hrangin chu ngûina rêng rêng om ta no nia. Tianlai khan Zebulun le Naftali ram chu, hnuaisia om tak a nia, zoro hnungkhôna chu la roiinpuitir a ti, tuipui kôl ata Jordan varâl Galili ram, Jentailhai omna ram chu.

AMOSA 5:8

Sîruk le sîvazûn siamtu le thina dâihlîm zînga inchangtirtu le sûn kha zân inthima siamtu, tuikhanglian tuihai koia, irnêng chunga inluangtirtu kha, ama kha zong unglân, ar hming chu Rengpa a ni,

JOBA 10:21

Kîr ta loina rama ki kîr mân hin, inthim le thina dâihlîm rama hin,

ROIRÊLTUHAI 5:30

“Ni man belsa hrang an zong ni ngêt a ti, râllâk sum irsem ngêt hi an zong, Dôngmate inkhat le inhni man belsa hrang an irvâk ni a ti, Sisera chôi pe hrang puan satak an izong vêl ni a ti. Rêngnu sil hrang an izong ngot ni a ti,” tiin.

INPÂKNA HLAHAI 4:8

Irtharngam takin zâl ki ta, in sa ki ti: Rengpa, nangma ngei hi a ni, mâni ringot khoma izôka nin omtir ngai.