ISAIA 9:18 - PATHIAN LEKHABU IRTHIANG C.L. Bible (BSI)

¹⁸ Sual hi hloitharpa le ilhlingnei kâng theitu mei ang a ni. Rampui hnuaia sûlhai khom a kâng theia, a ikhu hlut hlut ngai a ni.

ISAIA 9:18 ပူးပေါင်းရင်းမြစ်များ

1 RÊNGHAI 16:21

Israel mipuihai chu pôl hniin an irsema, a chimriphaiin Ginata nâipa Tibnia chu rêng inchang nuam pôl an oma, a chimripin Omria zui pôl an om nôka.

INPÂKNA HLAHAI 37:20

Mi siahai chu irhmang an ta, Rengpa doituhai khom hloisûl pâr chuai ang ni an ti.

INPÂKNA HLAHAI 68:2

Meikhu inlêng irhmang angin, anni chu inlêng irhmangtir roh. Khuaihlu hi mei luma a izôi irhmang angin, Mi pualoihai chu Pathian makunga irhmang ri sehai.

INPÂKNA HLAHAI 83:14

Ram kângtu meidôn ang le, Tâng kângtu meidôn ang hin;

ISAIA 1:31

Mi sinthothei tak chu, mei irbu ang hi a ni, a sintho khom meirisi ang hi a ni, kâng ir-ût a ta, tûte’n that thei no nihai.

ISAIA 1:7

Nin ramhai khom ar hmang zoi ta, nin khua khom a kâng irhmang ta, nin mithmua nam danghaiin nin ram an lua zoi ta, nin râlhaiin an insiat zoi a ni ta.

ISAIA 26:11

Ni kut nir lek khomin hmu nuam ngai mahai, ni mihai ni inren lam hi irhmutirhai roh. Hmuhai sian mualphoi irla ri sehai, ni râlhai hranga meiri-al laia khan, kâng irhmang ri sehai.

ISAIA 27:4

A chunga khan nuar ma unga, chuan infâi hrang hloi tam khom sianlân, infâiin hâl irhmangtir zoi ki ti.

ISAIA 3:5

Mipui ir-ep sup sup an ta, pasal le pasal irsual an ta, rual le rual irdoi an ti. Ruatharhaiin an ulianhai chitna nei no nihaia, mi chîntehaiin mi inzakomhai ite bêin bê no nihai.

ISAIA 30:30

Rengpa’n ar hâihoitak chu insuak a ta, a kut thâk chu mi tinin hmu an ti. A ningmur meiri-al chu kâng irhmang hrang anga irthokin phâivua rua hor soia irial tâk ang hin zuang tung a ti.

ISAIA 30:33

Assuria rêng hâlna hrang meipui irsiam sai a ni tâka, thing tamtak an thîn sa maia, a kâng hrangin Rengpa’n mei le kât ir-al tui angin zuan luangtir a ti.

ISAIA 33:12

Chinailung hâla a ipuak ngai angin le chînribuk a ikângirvôm ngai ang hin, irhmang zoi nin ti.

ISAIA 33:14

Zion-a om mi sualhaiin an chia, sakhua ngaipoimo loihai chu inthing an ti. “Ei laia tuhai hin mo a ningmurna mei tuang thei hrang? Kumtuanga chok mai hrang hih tu mo tuang zoi hrang?” ti an ti.

ISAIA 5:24

Annihai sika hin meiin fapôl a ikâng angin, ilhling a ikâng inhek angin, an irzunghai kâng inhekin, an sa lai takin hek zoi a ti; itinrêng Rengpa dân chu zôm loiin. Israelhai mi irthiang an hnôl sikin.

ISAIA 50:11

Khannisian, mâni meiser inchoka, ir-al thei chôihaio, nin thal irling thei vâra khan fe ngân roi ba, Rengpa kut ata nin idong hrang chu, intak tuanga nin ithal dôr dôr hrang a ni.

JEREMIA 9:3

Minlak tho hrangin an irfôk mai ngaia; Ram sûnga dikna nêkin irhuangna an lal tâka. Rengpa’n a ti, “Ki mihaiin thil saloi ata saloi thil dang an thoa, an Pathian an ni inhriat viat ta loi a ni,” a tia.

HOSEA 13:3

Khasikin, zînga sûmpui ang le irdo inrang taka boi nôk ngai anghai, hruizôla bu’rsi, kêllaiherin a isêm irhmang ang hai, meikhu suakna meikhu anghai ni an ti.

JOELA 2:20

aniachu, nin kuang ata hmâr tiang ata zuang mi huaisenhai pâl kha irzûlpai zit ki ta; ramchâr le chiaia infetir ki ti, a masa pâl nitâk tianga tuipuia, inhnung inta pâl thang tianga tuikhangliana; hong innam suak a ta, mirim se takin hong innam a ti, thil irkhêltak a tho tâk sikin, tiin a sâma.

JOELA 2:3

An maton tiang le hnung tiang kha a kâng fâi thiaia; an hmabâk ram kha Eden irhuan ang ni khomsian, an khêl hnung chu ramchâr ram chârkhohroi a ni thiaia, ite hôi nei mahai.

AMOSA 7:4

Rengpa khan inlârna a nir hmutir nôka, a mihai hremna hrangin mei a ikoi lai ki hmua, mei khan tui inthûk tak kha a kâng zita, ram khom kâng hrang a nia.

OBADIA 1:18

Jakoba insûng mihai kha mei ang ni an ta, Josefa insûng mihai chu meiri-al ni an ta, Esaua insûng mihai kha fapôl ni an ta, anni laia chok suak an ta, kâng irhmanghai zit an ti. Esaua insûng mihai kha damsuak zel om no nihai; Rengpa khan a ti tâka.

NAHUMA 1:10

Ilhling râng anga omin, An uain in khan inchie indui ual angin om khom sian, ilhlingbuk angin le fapôl châr anga irhmangtir zit la ni an ti.

NAHUMA 1:6

A milung hoiloina makunga khan tu mo ngîr thei hranga, a ninginmurna irkhêl tak khan tu mo om thei hrang? A ninginmurna kha mei anga bunpai a nia, lungpuihai kha a irnôitir chit a ni.

MALAKIA 4:1

Irngai u ta, nikhua a zuang tung e, hâl inzôina mei angin a kâng a ni; mi lârirpâk murdihai le sual thotu murdihai kha fapôl ni an ta: kha nikhua zuang tung khan anni kha kâng a ti; a’rzung le a ôn dênin hôi no ni, Sipaihai Rengpa’n a ti.

MATHAIA 25:41

“Kha zoia chu, a vei tianga mihai kuang khom khan, ‘Khosâl tonghaio, kumkhuaa mei, diabola le a siahlohai ta hranga lei siama khan ni rotsan roi.

DÂN INHNINA 32:22

Ki ninginmur chu mei angin chok a ta, irnêng thil murdi kâng irhmang a ti. rammual hnuaia zu tung a ta, mualhai irzunghai khom zu fapai ving a ti.

HEBRAI toc2 HEBRAI 6:8

Khannisianlân, kha irnêng khan ilhling le hloi an suaktirin chu chanlamboi a nia; Pathian khomâksâm ichiomin a oma, inhnunga chu hâl irhmang a ni ngai.

THUPHUANG 14:11

Kha mihai dengintheina meikhu kha Kumtuangin khu mai a ta, sahrâng le a’rlim chubai mûkhai le ar hming indangna neihai ta hrangin chu, a sûn a zânin zôkna om pe no ni,” a tia.