ISAIA 9:15 - PATHIAN LEKHABU IRTHIANG C.L. Bible (BSI)

¹⁵ an luhai chu an ulian songhai an nia, an irmei chu deipu minlak tho ngaihai hi an ni.

ISAIA 9:15 ပူးပေါင်းရင်းမြစ်များ

MATHAIA 24:24

Krista dolhai le deipu dolhai an la isuak hrang a ni, khahai khan thei len vânghai sian chu inthanghai lua an huang theina hrangin irsinsiana le thilirkhêl inthang tho an ti.

ISAIA 29:10

Rengpa’n inmusuna phâivua nangni insêmtir a ta, deipuhai mit a tuam pehaia, a hmutuhai lu a irkhuhai a ni ta.

EZEKIELA 13:19

Barli tômte le bai tiam hmu hranga thi loi hrang inthotir hrang le hring loi hrang inhringtir hrangin nin milak insîr hi mihaiin an iam sikin ki mihai laia ki’rhming nin porinchetir a ni.

1 SAMUELA 9:6

A hnungzuitu khan, “Irngai ro, hi khuaa hin Pathian mi a oma, mi mahripom tak a ni, a insîr murdi chu a hong itung indik ngai a ni. Tho kha khan fe ei ta, sakuartunghai omna a nin hril thei duai khom a ni thei,” a tia.

THUPHUANG 19:20

Sahrâng kha an chela, deipu dol, a mit hmua sinirkhêlhai sin ngaipu kha an chel saa. (Kha sinirkhêlhai sika khan sahrâng irsinsiana neihai le a’rlim chubai mûkhai kha a ihuang ngai a ni). Sahrâng le deipu dol kha an ruaiin an hring pumin kâta kâng mei laia khan an paithâk tâka.

1 JOHANA 4:1

Inditom takhaio, irtha narân hi iam no roi, irtha chu Pathian ata zuang suak a ni le ni loi fia bak ngai roi; deipu dol tamtak rammuala an hong suak tâk sikin.

MATHAIA 7:15

“Deipu dolhai ata irdîn roi, khahai kha belra vun silin nin kuang an hong ngai; an sûng tiang chu inê ang an ni.

MALAKIA 2:9

Khasikin kei khomin, ki lampui chu tukhomin a hro om mak chêia, Dân thua mi theibîk nin inei ang zêlin, mi murdi makunga hmusitom le irhniamin nangni siam ki ti.

HOSEA 9:8

Efraima râl enkoltu kha hi Pathian kuanga om a ni, deipu lak kha lamtuanin chângkamtu chânga a oma, a Pathian ina khom roi irbuloina a om.

EZEKIELA 13:22

Keima beiindongtir ni maka, mi felhai lungrîl sunin nin innatir sik le mi sualhai chu hring dama la omna hranga an sualna lam ata irlet loina hrangin mi sual kuthai chu nin inhrâta.

JEREMIA 23:9

Ki milung a na bâka, ki sûngrîl tiang a inthing a ni. Rengpa sika khan a thu irthianghai sika khan, mi inrui ki hong ang tâk a ni, mi uain in intam oktu anga hin.

JEREMIA 5:31

deipuhai khan thu milak bana chu hril suak mahaia; ochaihai chu deipuhai thupêkin roi an rêla, ki mipuihai khomin an lôm lamtak a ni. Nikhua a hek tika chu itin mo an itho hrang tâk?” a tia.

ISAIA 28:17

A ngîr indet theina hrang hrui chu roirêlna dik le, a kai indetna hrangin dikna ki ihmang a ni. Minlak thoa an irsûnghualna in chu irialin a dêng siata, an irbukna hmun chu tuilianin suat a ti.

ISAIA 5:13

Ki mihaiin an inhriat nuam no sikin, sala intâng ngêt an ti. An milianhai phîngchâmin thi an ta, mipui vântânghai khom tui inhrâlin thi an ti.

ISAIA 3:5

Mipui ir-ep sup sup an ta, pasal le pasal irsual an ta, rual le rual irdoi an ti. Ruatharhaiin an ulianhai chitna nei no nihaia, mi chîntehaiin mi inzakomhai ite bêin bê no nihai.

1 RÊNGHAI 13:18

Bethel-a deipu tarpa khan a kuang, “Kei khom nangma ang dênin deipu ki nia, Rengpa itîr vântîrtônin ki kuang, ni ina fâk nêk zong hrangin ama kha hong hruai roh a ni iti a ni,” tiin minlak a thoa.

JOBA 22:8

Nakhrâtsongin mi ram ni sutpaihaia, Ni inuamtak ni pêkhaia.

ISAIA 19:15

Milian le mi chîn, irchong le inriang, tûte Aigupta ram ta hrangin tho thei nei ta mahai.

ISAIA 23:9

Itinrêng Rengpa’n a ti a ni, an irsongpui ngai roiinpuina a heka, an mi inzakomhai chu mualinphoiin an om ta.

ISAIA 28:7

Deipu le ochaihai khomin, uain inruiin an khêka, uain le rakzu an in intama, an inrui buaia, an hong irtet an va irtet zoi ta. Deipuhaiin inlârna an ihmu ite donsui thei loi rakin an inruia, ochaihai khom ite rêl thei loiin an inruia.

ISAIA 28:15

“Thinahai le thu ei thung tâka, mithi khuahai leh chong ei irkhâm ta, soisakna tuipui hong lian khomsian, ni ngîm viat no ni. Irbuk theina hrangin ei irhuanga, zôkna hrangin minlak ei thoa,” nin irtia.

ISAIA 43:27

Nin pa matontakpu khan thilsual a thoa, nin hruaituhai lak tehel an ni zong pea.

ISAIA 59:3

Nin kuta thisen a kâi neng nunga, nin kut zaphaa dik loina a sipa, nin hmûr le minlak nin thoa, nin mileiin thu saloi nin hrila.

ISAIA 59:4

Tûte’n dikna san nuam loiin, thudik hmanga doi ngam om mak chêi. Thil chanlamboia nin irnghata, minlak ngot nin thoa. Thu buai om thei hrang nin zonga, thu saloi nin inchangtir ngai.

JEREMIA 23:32

Rengpa’n ki iti hi irngai roh. An irmang thu minlaka sip inpuang ngai deipuhai chu ki ihnôlhai an ni. An irmang hrilin minlakna le irpâknahaiin ki mihai an hruai insual ngai. Anni chu tîrpaihaia, fe hrangin thu khom pe ma unga, mihai hrangin ite hmangna boi an ni, keima Rengpa’n ki iti a ni,” a tia.

AMOSA 2:4

Rengpa khan hiang hin a ti: “Juda tho’nchâina inthum sikin, a ni, minli sikin, a hremna kha inboi no ning; Rengpa dân kha a hnôla, a thupêkhai vong mahaia, an pahai ibiak ngai pathian irlimhai khan a hruai irhmang sikin.

MIKA 3:5

Pêk hrang neihai kuang, irtharngamna tia khêka, pêk hrang nei loihai irdoina om a ti, tia insîrtu deipuhai khan ki mihai an huanga, an chungchâng thu Rengpa’n hiang hin an sîr:

ISAIA 3:12

Ki mihai hrungtu chu nâipang an nia, nupanghaiin an chunga roi an rêla; an ihruai irhmangtir a ni, fena hrang lampui inhre loiin, nin ibuai a ni ta.

CHAP HLA 2:14

Deipuhaiin chu thil chanlamboi le minlak an hmu suaka. Ni’rlet theina hrangin ni sual irlang ngai mak chea. Inlârna an ihmuhai khom chanlamboi irhuangna a ni.