ISAIA 8:7 - PATHIAN LEKHABU IRTHIANG C.L. Bible (BSI)

⁷ Keima Rengpa hin Assuria rêng le a sipaihai chu, tuilian angin inpunghai ki ti.

ISAIA 8:7 ပူးပေါင်းရင်းမြစ်များ

AMOSA 9:5

Ram kha a tôna, inzôitirtu kha Rengpa sipaihai Pathian kha a nia. Khan, khataka om murdihai kha an chardong a ta; khan, ivadung angin zuang lian a ta, Aigupta vadung angin zuang irkai nôk a ta;

AMOSA 8:8

Hi mi sika hin ram kha an thingin a sûnga om murdihai kha an char a idong hrang mo ni ma? A ni, vadung ang khan hong lian zit a ta; Aigupta ram vadung angin a hong buaiin hong kang a ti.

ISAIA 7:20

Kha ni khan chu Eufrates tui kôla om, mi lu ep nuam ngaihai, Assuria rêng chu, Rengpa’n hmang a ta, nin sam le nin mul murdi, ni hnermulhai le nang voi pe ving a ti.

ISAIA 7:17

Rengpa’n nang le ni mihriamhai le ni pa in mihai chunga, Efraimahai chu Judai ram ata an infelhai zoiin chu, la om ngai loi intakna intungtir hrang a ni; Assuria rêng chu hong hruai a ta.

IRPHUTNA 6:17

Khanchu irngai ro, keima’n taksa nei murdi hringna pai hrangin irnêng chung hi tui ki indîl zit hrang a ni. Irnênga hringna nei murdi that vingna hrangin,

THUPHUANG 17:15

Kha vântîrtôn ngîr khan ki kuang, Notizuarnu toina tui tamtak ni ihmu kha mihai, mipuihai, Jentail hai, le chong dang dang hai an ni.

NAHUMA 1:8

Ama doituhai rêk chu tuilian irkhêl tak hmangin inboitir zit a ta, a râlhai kha khua inthima irzûl lût a ti.

DANIELA 11:22

Matona mi kha chu tuilian itânin om a ta, koichitin om a ti; a ni, thuthung hruaituhai khom.

DANIELA 11:10

A nâihaiin doi an ta, sipai pâl tamtak irchunin hong an ta, inhnea paltanhaiin, kîr nôk an ta, doihai an ti, a kuldet khom.

DANIELA 9:26

Khan hapta sômruk inhni zoia hriak inthek chu inboi ni a ta, ite nei ta no ni: khan rêng la hong hrang mihaiin khopui le a hmun irthiang chu insiat an ta; khanchu a mongna chu tuilian leh ni a ta, a mong dênin irdoina om a ta, siatnahai chu inkung sai a ni.

ISAIA 59:19

Rengpa irhming roiinpui chu sak le thanga mi’n chi an ti. Rengpa phûkin, tuilian a isêm angin, chardongna chu hong tung a ti.

ISAIA 28:17

A ngîr indet theina hrang hrui chu roirêlna dik le, a kai indetna hrangin dikna ki ihmang a ni. Minlak thoa an irsûnghualna in chu irialin a dêng siata, an irbukna hmun chu tuilianin suat a ti.

INPÂKNA HLAHAI 72:8

Ama chu tuikhanglian ata tuikhanglian dang dên khomin ircham nei sa a ti, Tuipui ata kôlkung dên khomin.

LUKA 6:48

Kha mi kha chu a in sin kha lungpui chunga inthûk vita lungphûm ang kha a ni. Tui lianin a suka, inhnîng maka, det ngita sin a ni sikin.

EZRA 4:10

mi roiinpui Asurbanipala’n suaka hruai Samaria khuaa le Eufrates tui kôla tâng tea omhai kha an ni.

2 RÊNGHAI 19:32

Khasikin Assuria rêng chungchânga Rengpa’n hiang hin a ti, “Hi khopuia hin lût no nia, sîrkhat khom sir no nia, pho leh khom doi no nia, irnêng irkulna khom tuk ual no ni.

ISAIA 10:5

Assuria rêng chunga ningmurin that ki itum mai a ni, ki ningthik insumna’n ki hmanga.

ISAIA 10:16

Khasikin, itinrêng Rengpa ngêtin mi mar takhai khom kôngna hri irveitirhai a ta, mei angin an phîng inlumtir pehai a ti.

ISAIA 11:15

Rengpa’n Suez-ah irkuang irngamna khom inkangtir a ta, Eufrates tuipui khom phâivua lum hmangin inkangtir a ta, an kezapha lua dui loiin irkân thei an ti.

ISAIA 28:2

Anni doi hrangin mi hrât le hâi Rengpa indang chu, phâivua hor thok, irial zuang tâk, ropui vânsâng laia tâk anga tuilian irsok angin, an ram zuan nôr a ti.

ISAIA 43:2

Tui inthûk ni pal lai khomin nang ompui ki ta, Tuilian khomin nang ngîm thei no ni, meipui laia fe khomin lân nang kâng no ni, Meidôn khomin nang hliai innatir thei no ni.

JEREMIA 47:2

“En roh hmâr tiang tui ar sôna, ivadung tuilian angin a hong iluang zut hrang a ni. Irnêng le a sûnga thil om murdi irkhu zit a ta; khopuihai le a sûnga mi a om murdi ngîmhai a ta; khopui le a sûnga mi omhai an rêngin. Lungzîngin mihai khêksoi an ta. Irnêng chunga mi tin inrung tatak an ti.

JEREMIA 51:42

Tuipui chu Babulon chunga a hong luanga, a’rsok khan a hor khu zoi tâk.

EZEKIELA 26:19

Khan, Rengpa Pathianin hiang hin a hrila: “Mihai om ta loina khopui ram tâk angin nang siam ki ta, tuikhanglian inthûk taka tuihai leh nang ngîm del ki ti.

MIKA 1:9

A sâbêhai kha indam thei ni ma: Judai ram a tung rak tâka; ki mihai, Jerusalem ten khom a itung a ni.

MIKA 5:5

Khan, hi mi hi ei irngeina ni a ta; Assuria mi kha ei rama hong a ta, ei rêng inhai a hong sir tika chu, ama doi hrangin belrapu sari le mi roiinpui kiriat inthang suak ei ti.

INPÂKNA HLAHAI 46:4

Ivadung inkhat a oma, kha ônhai khan Pathian khopui an lômtir ngai, Anchungtaka omna hmun irthiang chu.

ISAIA 28:15

“Thinahai le thu ei thung tâka, mithi khuahai leh chong ei irkhâm ta, soisakna tuipui hong lian khomsian, ni ngîm viat no ni. Irbuk theina hrangin ei irhuanga, zôkna hrangin minlak ei thoa,” nin irtia.

MIKA 5:4

Ama kha chu ngîr a ta, Rengpa hrâtna’n a sâ rual kha infâ a ta, Rengpa a Pathian irhming roiinpuina ngei khan: khan, anni kha zôkin om mai an ta; ama kha irnêng mong dênin a iroiinpui hrang a ni.