ISAIA 8:22 - PATHIAN LEKHABU IRTHIANG C.L. Bible (BSI)

²² Hnuai tiang an enin chu chardongna le inthim irkhêl tak, an itong ngêt hrang inthim chu hmu an ti.

ISAIA 8:22 ပူးပေါင်းရင်းမြစ်များ

JOBA 18:18

Vâra irthokin inthima inhnot ni a ta, rammual ata inhnotsuak ni a ti.

FESUAKNA 10:21

Rengpa’n Mosia kuang khan, “Aigupta ram pumpuia inthimin, irmai raka oma inthimin a hong om theina hrangin ni bân phar ro,” a tia.

FESUAKNA 10:22

Mosia’n irvân tiang a bân a phara; khanchu sûn thum sûng chu Aigupta ram pumpui chu inthim irsa khakin a om tâka.

THUVÂRHAI 14:32

Mi sia chu a sintho insual khan ama irhmangna hrang an tungtir ngaia, mi fel chu a felna khan hrung mai a ti.

ISAIA 30:6

Sim tianga ramsa chungchâng chu: Ram intak le ichiom, kâmkeibaknei nu le pa omna ram, rûlngannei le rûlvânkâi tamna rama, an irchômhai chu sakuartung an inpêltirhaia, a sumhai chu saringsei vuna an thuna. An irngeipui thei loihai nam an pêk hrang a ni.

ISAIA 5:30

Kha zoro kha a hong tungin chu, tuikhanglian irhâi nêka siatin Israel ram sûnga la hong irsok siat a ti. Ramhai chu chardong le lungzîngna’n a sipa, vâr chu zîngin a’rkhu zoi tâka.

ISAIA 50:11

Khannisian, mâni meiser inchoka, ir-al thei chôihaio, nin thal irling thei vâra khan fe ngân roi ba, Rengpa kut ata nin idong hrang chu, intak tuanga nin ithal dôr dôr hrang a ni.

ISAIA 50:3

Irvân khom kin thimtira, lusûn puanduk sil ang hi a ni.

ISAIA 59:9

Khanchu roirêlna dikin a nin hlatira, diktaka sinthôna’n ni pha thei maka, vâr ei nuama chu, inthim a chang ta, a vâr zongin a inthima kin irlôi.

ISAIA 60:2

Inthimin rammual a tuam khaka, Nam danghai chung chu an thim zoi ta, nangma hrangin Rengpa vâr a suak ta. A roiinpuina ni chunga chum hmu ving an ti.

ISAIA 8:20

Irchutirna thu nangni ki ihrilhai kha irngaitua sabak roi, anni thuhril chu omzia nei mah.

ISAIA 9:1

Chardong taka omhai hrangin chu ngûina rêng rêng om ta no nia. Tianlai khan Zebulun le Naftali ram chu, hnuaisia om tak a nia, zoro hnungkhôna chu la roiinpuitir a ti, tuipui kôl ata Jordan varâl Galili ram, Jentailhai omna ram chu.

ISAIA 9:20

an chang tianga mihai huangin fâk an zonga, an phîng a la châm pehai mai ngai. An vei tianga mi khom an fâka, khop inhre ual mahai, an nâihai khom an fâka.

JEREMIA 13:16

Rengpa nin Pathian chôiirsâng roi, inthim a zuan tunga, tâng tiang nin irthon mân hin; nin itûng ngai vâr kha inthim le a vârro lai takin a hong ni mân hin.

JEREMIA 23:12

An lampui hro chu ar nâl le inthim ni a ta, anni chu irtetin an inrîl hrang a ni. An chunga vânduaina irkhêl insum ki ta; dûk an tong hrang nî chu a itung thiai a ni ta. Keima Rengpa’n ki iti a ni ta.

MATHAIA 22:13

Khanchu, rêng khan, a siahlo kuang, ‘A kut le a ke khit unglân, pên tiang inthima pai suak roi. Kha khan chap le irkamnôi om a ti,’ ” a tia.

MATHAIA 24:29

“Khan, kha dengthei zorohai kha ar zoi le chu misa inthim a ta, tha vâr ta no ni, irvân ata ârsihai tâk a ta, irvân sinthotheinahai kha inhnîng a ti.

MATHAIA 8:12

Ram nâihai chu pên tiang inthima inhnot suak ni an ti; kha khan chap le irkamirtôk om a ti,” a tia.

JUDA 1:13

Tuikhanglian ivôrpai, mâni mualirphoi irsak, ârsi chaninvâi, Pathianin kumtuang inthim irsa khak lei sia pehai ang kha an ni.

THUPHUANG 16:10

Vântîrtôn ringana khan a berbu kha sahrâng rêngtoihmuna a bunpaia. A ram kha inthimin a bôm zit tâka, mihriamhai kha an natir hrai sikin an milei an sêa;