ISAIA 8:20 - PATHIAN LEKHABU IRTHIANG C.L. Bible (BSI)

²⁰ Irchutirna thu nangni ki ihrilhai kha irngaitua sabak roi, anni thuhril chu omzia nei mah.

ISAIA 8:20 ပူးပေါင်းရင်းမြစ်များ

EZRA 10:3

Khasikin tho, ka pu le kin Pathian thupêka inthing murdi’n, hi mipuihai anni lai ata suak murdi hi teipuihai hrangin ei Pathian kuanga thuthung ei ti; ama khom hi dân ang taka tho ni ri se.

INPÂKNA HLAHAI 119:130

Ni thu hrilfiana hin mihai an vârtira, Mi’nmôlhai chu inhriat thiamna a pêk ngai.

INPÂKNA HLAHAI 78:5

Jakobahai laia thu’n hriattir an dettira, Israelhai laia dân an kunga, Khahai kha irchibulhai kuang thupêkin a pêka. Anni chu kha thuhai kha an nâihai kuang inhriattir hrangin:

THUVÂRHAI 4:18

Mi felhai lampui chu zîng kôl misa suak, sûn laitak a ni mâka hong vâr tîr tîr ngai ang kha a ni.

ISAIA 1:10

Roirêltu Sodom khuaa mi anga omhaio! Rengpa thuhril hi irngai unglân, nangni Gomora khua mi anga omhaio, kin Pathian thu hi nin mikuar lei sung roi.

ISAIA 8:16

Ki irchutirhaio, thu nangni ki irchuhai kha, inhre maiin, vong insa roi.

ISAIA 8:22

Hnuai tiang an enin chu chardongna le inthim irkhêl tak, an itong ngêt hrang inthim chu hmu an ti.

JEREMIA 6:16

Rengpa’n a mihai kuang, “Lamsuamhaia ngîr unglân, hei thîr hi roi, tianlaia lampui dik omna irdonhai roi. Kha khan fe unglân, irtharngam takin lêng roi,” a tia.

JEREMIA 8:9

Nin mi vârhai chu hmâimôk irsak an ni ta, lungzîngin an ir-ôk a ni ta, ki thuhai an hnôla, vârna nei ual an irtia.

HOSEA 6:3

Rengpa inhriatna kha irzûl mai ei ti duah, inhria ei ti. Zîng anga irkhêl loiin a hong pûtsuak ngêt ngai a ni; ei kuang rua angin, rua hnungkhôn, irnêng induitu ang dênin zuang tung a ti.

MIKA 3:6

Inlârna nin hmu loina hrangin nin kuang zân hong tung a ta; pânzia nin en thei loina dôrin nin kuang inthimna zuang om a ta; deipuhai hranga khan nikhua liam a ta, sûn khom an chunga khan nikhua’n thim ni a ti.

MALAKIA 4:2

Khannisian, nangni ki’rhming chituhai chunga rêk chu felna misa hong suak a ta, a thal chu damna ni a ta, sehrâtte insua angin râifân takin irchôm nin ti.

MATHAIA 22:29

Jisua’n an kuang, “Nin irngai insual bâka! Asan chu Pathian thu le Pathian irtha nin inhriat no sika a ni.

MATHAIA 6:23

nin mit a vâr no’n chu nin pumpuiin chokhap a ti. Khanchu, nangnia vâr om kha an thimin chu, kha inthim kha iti hraia irkhêl hrang mani tâk!

MARKA 10:3

Jisua’n an kuang, “Mosia’n itin mo dân nangni a pêk?” tiin ar donhaia.

LUKA 10:26

Jisua’n a sâma, “Dân bua mo a chuang? A itak mo nin itep ngai?” a tia.

JOHANA 5:39

Pathian Lekha Thu ngûk takin nin irchu ngai, a sûnga kumtuang hringna a om ti nin iam sikin. Kha Pathian Thubuhai khan ki thu inhriattirtu chu an ni.

TÎRTÔNHAI SINTHO 17:11

Khataka mihai kha chu Thesalonika mihai nêkin chu an lungrîl ar hong uala. Thu kha tui takin an irngaia, Paula thu’nsîr kha a dik le dikloi inhriatna hrangin a nitin Pathian Lekhabu an tep ngai.

ROM KHUAA MIHAI KUANGA TÎRTÔN PAULA LEKHATHON 1:22

Vâr an irti nâkin, a sân an invêt tâk a ni.

2 PETERA toc2 2 PETERA 1:19

Deipuhai thu lei inpuang kha a dik ngêt tih keini khomin kin pom indet uala, nangni khomin, Vârpâr Ârsi a zuang inlang mân vâr angin, kha thu kha nin milunga invârtu hmang unglân sa a ti.

2 PETERA toc2 2 PETERA 1:9

Kha thil nei loihai chu mitcho, hmu irzat loi, an tianlai sual irsûkinfâi pe an nih ti irnghil tâkhai an ni.