ISAIA 8:19 - PATHIAN LEKHABU IRTHIANG C.L. Bible (BSI)

¹⁹ Mithi chongpui theihai, dôi theihai, itin anga irkhek hranga a theihai irdon hrangin nang ti a ti. Ama’n chu, “Irthahai hi irdon hrang a nia, a thihai khom hi a la damhaiin irdon hrang an ni,” lei ti an ti.

ISAIA 8:19 ပူးပေါင်းရင်းမြစ်များ

IRPHUTNA 41:24

Khanchu buvûi sari chîntehai hin a vûi lian le sahai kha an involpaihaiin ki hmua; mi thiam mi vârhai ki hrilhaia, tûte’n a ni hrilfia pe thei om mahai,” tiin a hrila.

2 RÊNGHAI 1:3

Rengpa vântîrtônin Tisbe mi Elija kuang, “Thoiin lân, Samari rêngin mi a itîrhai irtongpui hrangin fe roh. Israel rama Pathian a iom loi ma ni, itho sika Ekron pathian Baalzebuba irdon ni ife?.

2 RÊNGHAI 21:6

A nâipa inkhat chu hâlirvôm thilinhlanna hrangin a thata. Kutzia en le tasân a hmang uara, ramkhohri le mithi kaithoi theihai an phûthai ngaia. Rengpa mithmua thilsual tamtak a thoa, a milung an natir pe a ni.

2 RÊNGHAI 23:24

Ochai inlaltak Hilkia’n tempila dân lekhabu a imana chuang, dânhai chu an zôm theina hrangin Josia’n Jerusalem khua le Judai ram ata kutzia en theihai mi chinginrîla thi len tumhai ngai, in sûngkua pathian lei biakhai, millim le nam dang pathian biakhai khom an paitirhaia.

1 THURCHI SUINA 10:13

Rengpa ata an sin insiatna sikin Saula chu a thi tâka, Rengpa thu a zôm no sikin.

2 THURCHI SUINA 33:6

Hinom irhôra hâlirvôm thilinhlanna’n a nâipahai an hlana;

INPÂKNA HLAHAI 106:28

Baal Peor tânga khan an kopa, Mithi kuang thilinhlanhai chu an fâk sa tâka. Khanchu hri kha an chunga a hong lêng tâka.

ISAIA 19:3

Aigupta mihai chu irzûlhai ki ta, an irfûktirhai chu insiat pehai ki ti, millimhai, dôitheihai, mithi châ theihai, tasân theihai inpathai an ti.

ISAIA 26:14

An thia, hring thei nôk ta ngai mahai, an irtha khom thoi nôk ta no ni. Anni chu ni hremhaiin inhriat theiin om ta mahai,

ISAIA 29:4

Irtetin zâl ngul ni ta, nêngpilin nang irkhu a ta, tasân theihai irsîr an ti, nêngpil ata hor chok ni ta,

ISAIA 30:2

Ni’rdon loiin Aigupta rama an fea, Faroa chu an zôkna hrangin an delnghaa, Aigupta lômna irfûkin an fea, mualphoi irla an ti.

ISAIA 45:11

Israelhai siamtu mi irthiang Rengpa’n hiang hin a ti: “Ki nâihai chungchânga hin nin nir chutira, ki itho hrang hi nangni ni irêl pe moh ki nang nin isôn?

ISAIA 47:12

Ni dôi theina hai, ni dôi bûrhai, Ni nâipang lai ata ni ihmang ngai kha masan no ro, tuhai lai ata mani chu sin sain lan lâppui thei ni ti.

ISAIA 47:13

Nang ar don an itam ngai tia le teh, ite tho thei loiin irvân tung mâna, ârsi suihai ngai le a tha tin thil hril ngaihai hong tuanghaiin lân, vânduai irti an ti.

JEREMIA 10:10

Khan Rengpa chu Pathian dik ni nia, Pathian hring le kumtuang rêng ni ni. Ni ningmurna’n rammual hi an thinga; namhaiin ni ningmurna tuang zoi mahai.

JEREMIA 27:9

Nin deipuhaiin mo, nin tasân thiamhaiin mo, mithi irtha chongpuiin mo, nin dôithiamhai hmanga zoro la hong hrang lei inpuang theina ki neih ti irbêhai chong irngai no roi. An rêngin Babulon rêng kuanga irpe loi hrangin nangni an ihril a ni.

LEVI DÂN 19:31

Ramilhli ikop mani, mithi kaithoi thei mani irdon hrangin fe no ro; khaang kha ni tho’n chu porinche ni ti. Rengpa nin Pathian ki ni hi.

LEVI DÂN 20:6

Ramilhli ikop le dôi thei pantuhai chu irheisan ki ta, ki mihai laia inkhop ta no ning.

MIKA 5:12

Ni kut ata dôitheihai inboipai ki ta; pânzia entheihai nei ta no chi ni.

TÎRTÔNHAI SINTHO 16:16

Khan, nikho khat chu chongchaina hmuna kin fe laiin suak dôngmate inkhat ramilhli ichel tasân thei hin a ni chongpuia, khanu khan tasân a theina sika khan a puhai sum tamtak a lei pêk ngaia.

DÂN INHNINA 18:10

Nin laia tukhomin maichâma hâlirvôm hrangin nin nâihai nin inhlan sa hrang ni ma; kutzia en hai, tasân hai, pânzia en hai, dôi hai,

DÂN INHNINA 18:11

kêl irmei irhli hai ang mani, ramkhohri ikop hmang hai, irtha saloi ikop hai, mithi irtha songhai uar no roi.

1 THESALONIKA 1:9

Nangni kin hro laia nin ni lôm lamhai, millim mâksana Pathian hring le dik taka sintho hranga Pathian tiang nin hong irhei tâk thu hai le

2 PETERA toc2 2 PETERA 2:1

Mipuihai laia deipu dol an iom ngai ang khan nangni laia khom irchutirna dikloi la hong om a ti; mi insiat thei irchutirna dikloi inrûkin la hong lûtpui an ta; Inlaltak anni irtantu kha, hnôlin mâni siatna inrang takin intungtir an ti.

1 SAMUELA 28:11

Khanchu nupangnu khan, “Tu mo nang ki ikoi suak pe hrang?,” a tia. Saula khan, “Samuela ni koi suak pe ro,” a tia.

1 SAMUELA 28:16

Samuela khan, “Khaanga Rengpa’n hnung nang a songsana ni râl a hong ni tah iti inhre pumin itho mo hi thu hi ni ni irdon?

1 SAMUELA 28:7

Kha hnung chu Saula khan a mi lianhai kuang, “Tasân thei nupang ni zong pe unglân, a kuang fe ki ta, lei chongpui rong,” a tia. Anni khan a kuang, “Endor khuaa tasân thei nupang inkhat a oma,” an tia.

1 SAMUELA 28:8

Khanchu Saula kha irvo danglamin a’rvoa, puan danglam a sila, zâna khan mi dang inhni hruaiin nupangnu kuang khan an fe tâka. Khanchu ramilhli, tasân theinu kuang khan, “Tâ ni sân pe’n lân, ni kuanga a’rhming ki isâm kha ni koi pe ro,” a tia.