ISAIA 8:17 - PATHIAN LEKHABU IRTHIANG C.L. Bible (BSI)

¹⁷ Keima’n chu Rengpa hi ki nghâk maia, Jakoba irchihai laia a ni la irbîk pe viat a ni hi; keima’n chu ki sabeina hi ama vai hin ki’rnghat maia.

ISAIA 8:17 ပူးပေါင်းရင်းမြစ်များ

HABAKUKA 2:3

Inlârna hi zoro inkung sûng hrang vai a ni lelea, A king nikhua anai tîr tîra, mâkana ni no ni. Sôt viat khomsian nghâk ro; A zuang tung ngêt hrang sikin inhnung ual no ni.

ISAIA 25:9

Kha zoro tena chu, “En ro, ama hi kin Pathian chu a ni. Ama kin iama, a ni zuang isan a ni ta. Ama hi Rengpa chu a nia, ama kin iama, a ni saninhring sikin lôm ei ti,” la ti an ti.

INPÂKNA HLAHAI 33:20

Ei hringna hin Rengpa a nghâk maia, ama kha ni changpuitu le ei phô a ni.

ISAIA 54:8

Ki ning an mur hrai sika nang ki irotsan viat a ni, lungthungin kumtuangin nan ren mai ki ti, nangma irtantu Rengpa’n a ti.

HEBRAI toc2 HEBRAI 9:28

Khaang dênin Krista khom kha mi tamtakhai sual inboi hrangin voikhat irbôlna’n inhlan a ni tâka. Sualhai lapai hrang ni ta loiin ama lei nghâktuhai saninhringnaa hruai lût hrangin a izuang nôk hrang a ni.

INPÂKNA HLAHAI 27:14

Rengpa kha nghâk mai roh; Hrât takin omin lân, ni milung kha inhâitir ri se; A ni, Rengpa chu nghâk mai roh.

ISAIA 59:2

Nin châinahai sikin a ni, nin Pathian leh nin kâr a irhla. Nin sualnahaiin a hmêl ar hli zoia, nin irhâi a inhriat thei loi a ni.

ISAIA 50:10

Nangni laia Rengpa chi ngai mi, A siahlo a thu irngaituahai ngai, vâr nei loiin inthima om ngai khom unglân, Rengpa irhming iam mai unglân, Pathiana khan irnghat roi.

1 THESALONIKA 1:10

A Nâipa Jisua, mithi lai ata kaithoi, ningmurna zuang tung hrang ata ni sansuakpu kha, irvân ata zuang nghâka nin omhai an insîr sup sup a ni.

MIKA 7:7

Keima rêkin chu Rengpa tiang en ki ta; ki saninhringna Pathian kha nghâk ki ta; ki Pathian khan a ni irngaitua hrang a ni.

MIKA 3:4

Kha tika chu Rengpa insam an ti, khannisianlân anni kha sâm no ni: a ni, kha tika chu an thil thoa an itho insa loizia ang takin, annihai ata a hmâi thup a ti.

HOSEA 12:6

Khanchu, nangin chu ni Pathian kuang tiang irheiin lân, lungkhamna le roirêlna hmangin lân, ni Pathiana khan irnghat mai roh.

DÂN INHNINA 32:20

‘Irbîksan ki ta, Itin mo an iom hrang thîr ki ta, irlo ihnang tâk an ni. Nâi sual tûngnaboi an ni.

2 THESALONIKA toc2 2 THESALONIKA 3:5

Rengpa khan nin milunghai kha Pathian lungthungna inhre nôk ual hrang le Krista anga tuangdiarna nei hrangin kaihruai ri se.

ISAIA 64:7

Ni’rhming zong zel om ta ma unga, changpui zong hranga thoi nuam zel om ma ung, keini ata hi ni hmêl ni thupa, kin sualnahai hin a ni idelpha khak a ni.

ISAIA 1:15

Ni ngênin nin bân phar khom unglân, ki mit nangni insîngsan ki ti, chongchai sabak khom unglân, ki mikuar sung no ning.

INPÂKNA HLAHAI 39:7

Khan, Rengpa, atûn hin imo ki inghâk? Nangma kêng, ki sabeinaa a iom a ni.

ISAIA 26:8

Rengpa khasikin ni nuam lam anga fe hrangin lampui zongin nang ki nghâk. Ni’rhming inhriat mai hi ki inuamtak a ni.

INPÂKNA HLAHAI 130:5

Rengpa chu ki nghâk maia, ki hringna hin a nghâk maia, A thu chu ki iam nasan a ni.

IRPHUTNA 49:18

Khasikin Rengpa ni saninzôkna ki nghâk mai. Gada hi râlin doi an ta.

LUKA 2:38

Kha lai khan ama kha a fea, Pathian kuang lômthu an sîra, Jerusalem sansuakna sabeituhai kuang nâitesen thurchi kha an sîr tâka.

ISAIA 64:4

Nangma nang innanghai ta hrangin mita hmu ngai loi le mikuara inhriat ngai loi, sintho ngaitu Pathian chu nangma vai ni nih.

ISAIA 33:2

Rengpa kin chunga ni khonzâna insumin lân, nang kin nghâk mai, a ni tin kin hrâtna ni pe’n lân, beidong nia ni san inzôk ngai roh.

INPÂKNA HLAHAI 40:1

Rengpa chu ki nghâk zâm zâma; Khanchu a mikuar a zuang sunga, ki ikoi kha ar ngai ta.

INPÂKNA HLAHAI 37:34

Rengpa chu nghâkin lân, a lampui chu hro roh, Khanchu ram hi lua hrangin nang chôiindôm a ti: Mi siahai irhmangtira an om lai kha la hmu ni ti.

LUKA 24:27

Khanchu, Mosia ata irphutin deipu murdi thu suiin Pathian Lekha thua, a thurchi irziakna hmun tina a hrilfiah pehaia.

HEBRAI toc2 HEBRAI 2:13

“Pathiana ki iamna irnghat ki ti,” a ti nôk, Pathianin, “Nâipang a ni ipêkhai leh hin kin om,” a ti nôk sa.

JOBA 13:24

Ithoa mo ni ni imâksana, râl anga ni ni insâp hi?

ISAIA 30:18

Rengpa inrenna’n nangni a la nghâka, a khonzâna’n nangni a la hrung lai hin, Rengpa’n diktakin roirêl a ti. Ama nghâktuhai chu hoi pehai a ti.

ISAIA 45:15

Israelhai Pathian, anni saninhringtu chu Pathian irthup ni lei ini a ni.

JOBA 14:14

Mi a thi hin a ihring nôk hrang ma ni? Keima’n chu zoro sa ual la nghâk ki ti, Ki buaina hi a hek mâka chu nghâk mai ki ti.

JOBA 35:14

Nangma len vâng hin chu o, Ama hmu ma ung, nghâk za zâm roh, Ni chungthu chu ngaitua hrangin a kuang a om.

ISAIA 57:17

An sualna le huatirham hrai sikin, an chunga ki ning an mura, ki hremhaia, ningmurin ki mâksanhai ta. Khanchu, anni nuam lam ngot tho pumin, an iom a ni ta.

ISAIA 64:6

Kin rêngin kin porinche zoi ta, kin satna murdihai khom puanbom porche tak ang a ni ta, thinghna chuai tâk angin kin om ta, kin inchâinahai hin a ni ihruai irhmang a ni ta.