ISAIA 8:16 - PATHIAN LEKHABU IRTHIANG C.L. Bible (BSI)

¹⁶ Ki irchutirhaio, thu nangni ki irchuhai kha, inhre maiin, vong insa roi.

ISAIA 8:16 ပူးပေါင်းရင်းမြစ်များ

2 RÊNGHAI 11:12

Jehoiada’n Joasa chu a hruai suaka, rêng lukhum chu an khumtira, rêng om hrang dân hrang irziakna bu chu a pêka; Joasa chu sahriak a pola, rêng a chang tâka. Mipuihaiin an kut an inbên dur dura, “Reng chu dam sôt ri se,” an tia.

INPÂKNA HLAHAI 25:14

Rengpa thu’rthup chu ama chituhai kuang om a ta, A thu’nkung chu anni kha inhretir a ti.

ISAIA 50:4

Rengpa ki Pathianin thuhril theina a ni pêka, Mi irzal takhai inthor theina kin hriat theina hrangin a ni tin a ni kai inhara, a sûn a zânin mi irchutir theina ki neiin kin hriata.

ISAIA 54:13

Ni nâihai murdi Rengpa’n irchutirhai a ta, râl irvei loiin om mai ta an ti.

ISAIA 8:20

Irchutirna thu nangni ki ihrilhai kha irngaitua sabak roi, anni thuhril chu omzia nei mah.

DANIELA 12:4

Khannisian nang o Daniela, thu kha thupin lân, lekhabu kha intukhak ro, a mong dênin; mi tamtak intânin, inhriatnahai hong pung a ti,” a tia.

DANIELA 9:24

“An insiatnahai irhîptir le, sualna inhek hrang le, dik loina inboi hrang le, kumtuanga felna hrang le, inlârna le lei hrilna irsinsia hrang, hmun irthiangtak chu sahriak inthek hranghaiin, ni mi le khopui irthiang hrang, hapta sômsari inkung a ni.

MATHAIA 13:11

Jisua’n an kuang, “Irvân Ram thurîl inhriat theina nin kuang pêk a ni a, mi danghai kuang chu pêk ni ma,

MARKA 10:10

Khan in sûng an lût tena chu a irchutirhaiin kha thu kha an irdon nôka.

MARKA 4:34

Chongirkhek no’n chu an kuang thu insîr ngai ma, a irchutirhai kuang chu itinrêng a hrilfiah ngai a ni.

1 KORINTH 2:14

Tukhom Irtha nei loiin chu Pathian Irtha ata thil pêkhai kha dong thei ma. Kha mi khan chu kha thilhai kha inhre thei mah; ama ta hrangin chu invêtna kai a ni, a hlutzia kha irtha vaia inhre thei a ni sikin.

DÂN INHNINA 4:45

Hi chongbehai le thu’nkunghai le om hrang dânhai hi Aigupta ram ata Israelhai an hong suak lai khan Mosia’n a ihril a ni.

HEBRAI toc2 HEBRAI 3:5

Pathian in sûng mihai laia tirtôn chu Mosia kha iamom tak a nia, Pathianin sûn matona a la iti hranghai kha a lei insîr a ni.

THUPHUANG 10:4

Kha khonri sarihai khan an rôl an insua zoi le chu irziak ki tuma. Khannisianlân, “Khonri sarihai chong kha ip chian roh, irziak no roh,” tiin irvâna irthokin hnukirhai kin hriata.

THUPHUANG 19:10

Khanchu, chubai mûk hrangin a ke bula kin boka, khannisianlân, ama khan ki kuang, “Hiang hin chu tho no roh, kei khom nangma le ni urênghai le Jisua thutak inpuang pomhai suak chanpui kêng ki ni. Pathian chubai mûk roh!” a tia. Thutak Jisua inpuang kha thu’nsîr theina irtha a ni.

THUPHUANG 2:17

“Irtha’n koiindanghai kuang thu a insîr hi mikuar nei murdi’n irngai roi! An hnêtu ka chu mana irthup kha pe ki ta, lung ngoi a chunga irhming thar irziak, a dongtu ti no’n chu tûte’n an inhriat ngai loi kha pe sa ki ti, a ti,” tiin.

THUPHUANG 5:1

Khan, rêngtoihmuna toitu kut chang tianga khan lekhabu irzuat sûng tiang pên tianga irziak, irsinsiana sari neia irsinsia khak ki hmua.

THUPHUANG 5:5

Khanchu, upahai laia inkhatin ki kuang, “Chap no roh. Irngai ta! Juda nama mi Kâmkeibaknei, Davida bulpui khan, a’rsinsiana sari kha inhonga, lekhabu irzuat kha phar hrangin an hnê ta,” a tia.