ISAIA 8:13 - PATHIAN LEKHABU IRTHIANG C.L. Bible (BSI)

¹³ Itinrêng Rengpa hi a nih nin inza hrang chu. Ama vai hi a nih nin chia nin itho pe hrang chu.

ISAIA 8:13 ပူးပေါင်းရင်းမြစ်များ

IRPHUTNA 31:53

Abrahama Pathian, Nahora Pathian, an pa Pathianin ei kâra thu chu ngaitua ri se,” a ti nôka. Khan Jakoba’n a pa Isaka Pathian irhmingin khomâk a’rsâma.

INPÂKNA HLAHAI 76:7

Nang, nangma ngei khom, chi hrang ni nia: Ni ning an mur tâk le khom, tu mo ni mit hmua ngîr thei hranga?

FESUAKNA 20:20

Mosia khan, “Chi viat no roi, ama chitna lungrîl nin nei maia, sual sin ta loia nin omna hrangin nangni en irsin hrang vaia Pathian chu a izuang a ni,” tiin a sâma.

ISAIA 29:23

Ki ipêk an nâihai chu, an laia om an hmu tena chu, ki’rhming chôiindôm an ta, Jakoba mi irthiang chu inzak an ti. Israelhai Pathian chu mahrip tho an ti.

ISAIA 5:16

Dik takin roi a rêl sikin tinrêng Rengpa chu chôiindômin om a ti, thil diktaka Pathian irthiangin, a’rthiangzia inlangtir a ti.

EZEKIELA 38:16

Phâivopuiin ram a isêm phît angin, ki mi Israelhai chu doihai ni ta, a zoro a hong tung tena chu, ki ram chu doi hrangin, nang tîr ki ti; tu mo ki inih ti hi nam tinhai irhmutirhaina hrang le nangma hmanga ki sinthôna hin ki’rthiangzia inlangtirna hrangin.

LEVI DÂN 10:3

Mosia’n Arona kuang, “Rengpa’n hi chungchânga hin hiang hin a ti; ‘Ki sinthotuhaiin chu ki irthiangna hi an iuksak hrang a ni. Ki mihai makunga ki roiinpuizia inlangtir ki ti,’ a ti lele kha te,” a tia. Arona chu a dâihreka.

LEVI DÂN 22:32

ki’rhming hi nin iporinchetir hrang ni ma, Israel mihaiin chu ki’rthiang ti hi an inhriat hrang a ni, nangni indangtu Rengpa kha ki ni.

MALAKIA 2:5

Ki milung kha a kuang a oma; hringna le irtharngamna ki pêka, chi khom a ni ichi a ni, ki’rhming chia a ngîr theina hrangin a kuanga khan ki ipêk a ni.

NAMBAR 27:14

Zin ramchâra mipuihai an chiar laia an mithmua tuia khan ni chôiindôm hranga thu nang ki ipêk kha, pom loiin ni om sika khan,” a tia. (Kha kha Zin ramchâra Kades-ah Meriba tuihai khan a ni).

MATHAIA 10:28

Taksa thata irtha that theiloihai chu chi no unglân, hremhmuna nin taksa le irtha that theitu Pathian kha chi ual roi.

LUKA 12:5

Tu mo chi rua, nangni hril ki ti; takpum thata, thi zoi hnunga hremhmuna pai theina thuneitu, Pathian vai kha chi roi; a ni, nangni hril nôk ki ti, Ama vai kha chi roi.

ROM KHUAA MIHAI KUANGA TÎRTÔN PAULA LEKHATHON 4:20

iamna irsamin Pathian thu’nkung kha lunghla loia, a iamna kha a hrât tîr tîra, khanchu Pathianin a chôiindôm ual ta a ni.

DÂN INHNINA 14:23

Rengpa nin Pathianin a’rhming omna hranga a inthang hmuna khan fepui unglân, a makunga khan nin buhai, uain hai, oliv hriak hai; nin sehrât le belrate suak masa tak sôma inkhat nin ipêkhai kha fa ngai roi. Rengpa nin Pathian kha a chi hrang lam nin hong inhriat theina hrangin.

THUPHUANG 15:4

Rengpa, tu mo nang chi loia, a chôiindôm loi hrang? Nangma vai ni’rthianga, Ni sintho felhai kha mi tinin an hmu tâk sikin. Nam tinrêngin chubai nang hong mûk an ti,” tiin.

1 SAMUELA 11:7

Khanchu sehrât bop khat a thata, a hme ar chan chita, Israel ram hmun tina a sem suak vinga; “Mi tukhom Saula le Samuela irdoina zui nuam loitu kai chu an sehrâtchal hiang hin iloh ni a ti,” tiin. Khanchu mipuihai chunga Rengpa ichiomzia a tunga, lungirrual takin an irthok suak thei tâka.