ISAIA 7:14 - PATHIAN LEKHABU IRTHIANG C.L. Bible (BSI)

¹⁴ Rengpa ngêtin irsinsiana nang irhmutir a ti: Irngai ro, dôngmate’n nâi vong a ta, nâipasal nei a ta, a’rhming hrangin ‘Immanuel’ phua a ti.

ISAIA 7:14 ပူးပေါင်းရင်းမြစ်များ

IRPHUTNA 16:11

Vântîrtônin a kuang, “Irngai ro, nâi ni vong ta, nâipasal nei ni ta; Pathianin ni dengthei lam an hriat tâk sikin, a’rhming khom Ismaela ni iphua hrang a ni.

IRPHUTNA 29:32

Khan Leaii chu an râia, nâipasal a neia, a’rhming chu Reubena a tia: “RENGPA’N ki dengtheizia a ni hmu sika a ni; atûn ata chu ki pasalin lung ni thung ta a ti,” a tia.

IRPHUTNA 3:15

Khan, nang le nupang hi nangni irdoitir ki ta, ni’rchihai le a’rchihai khom la’rdoitir ki ti: kha khan ni lu zêmirnôitir a ta, nangin a ke ârtui lei inchuk pe ni ti,” a tia.

IRPHUTNA 30:6

Khan Rakili’n, “Pathianin a ni ngaituaa, ki’rhâi inhriatin nâipasal a ni ipêk a ni,” a tia: khasikin a’rhming khom Dana a tia.

IRPHUTNA 30:8

khan Rakili’n, “Pathian irbuanpui angin ka unu ki’rbuanpuia, kin hnê ta,” a tia. Khanchu a’rhming khom Naftalia a ti ta.

IRPHUTNA 4:25

Khan, Adama’n a dôngma a’rpôlpui nôka, nâipasal an nei nôka, a’rhming chu Setha a iphua a ni: “Pathianin Abela irthûla a ni ipêk a ni, Kaina’n a lei thatpai tâk sikin,” a tia.

1 RÊNGHAI 13:3

Deipu khan a sunzom maia, hi maichâm hi khoiphat a ta, a chunga meirivâm khom indarh ving a ti. Khanchu Rengpa khan, keima ni hmangin thu a ihril a nih ti lan hria ni ti,” a tia.

INPÂKNA HLAHAI 46:8

Thoi, Rengpa sinthohai hi en roi, Irnênga thilirkhêl tak tak a itho hi.

ISAIA 38:7

Rengpa’n a thuhril hi tho ngêt a tih iti Rengpa kuang ata nangma hranga irsinsiamna hrang chu hi hih a ni.

ISAIA 8:10

Rot zoi tum unglân, hlochuk ual no ni. Nin nuam dôr ti khom unglân, ite ar fêna om no ni, kin Pathian kin kuanga a om sikin.

ISAIA 8:8

A kuang bit a ta, liam irhlei ni a ti. Judai ram tiang panin, dîlhai a ti. An ring phâkin a ram pumpui dîlhai a ti. Ni ram chunga a mitha phar duai a ti. O! Immanuel ni ram irzat rêng rêng chu boi ving a ti.

ISAIA 9:6

Ei ta hrangin nâi a zuang suaka, nâipa pêkin ei oma, a dârsuama roirêlna irnghatin, A’rhming khom Irkhêl, Irfûktirtu, Pathian Hrât, Kumtuang Pa, Irngeina Rêng ti an ti.

JEREMIA 23:6

Rengin a toi tena chu, Juda mihai chu zôk riam ta an ta, Israel mihai chu irtharngamin om ta an ti. Ama chu, ‘Rengpa ei saninhringna’ tia koi ni a ti.

JEREMIA 31:22

O nang, nâinupang pûtsôt iamom loi mihai, idôr mo nang ki inghâk hrang? Rengpa’n irnênga thil a siam inthar tâk mani, nupangin pasal an ivêl tâk hi!” a tia.

JEREMIA 44:29

Keima Rengpa, hi hmuna dûk nangni ki lei itho hrang le nangni insiat chit hranga ki chonginkung hong tung indik a tih ti inhriat theina hrang, nangni pe ki ti.

MIKA 5:2

Khannisian nang Bethlehem Efrata, Juda rama sâng tamtakhai laia kopa a sân chîn khomin lân, nangma ata hi Israelhai roirêltu hrang kha ki ta hrangin zuang suak a ta; a zuang suakna kha tianlai ata le kumtuang ata a ni.

MATHAIA 1:23

‘Irngai ta, dôngmate irthiang khan nâi vong a ta, nâipasal nei a ta, A’rhming Imanuela,’ phua an ti. (kha kha “Ei kuanga Pathian a om,” tihna a ni.) tia a insîr kha a hong tung theina hrangin hihai murdi hi a hong iom a ni.

LUKA 1:31

Inrâi ni ta, nâipasal nei ni ta, ar hming Jisua phua ni ti.

LUKA 1:35

Vântîrtôn khan a sâma, “Irtha Irthiang kha ni chunga zuang om a ta, Anchungtaka sinthotheina khan nang irhli khu a ti; khasikin nâi zuang suak hrang chu mi irthiang, Pathian Nâipa tih an ti.

LUKA 2:12

Khan, hi hi nin ta hranga irsinsiana hrang chu a ni; nâitesen, puana tuam, sa bu pêkna khênga zâl hmu nin ti,” a tia.

LUKA 20:44

Davida’n ama kha, ‘Rengpa’ a tiin teh, itin mo Mesia kha Davida nâipa a ini thei hrang?” a tia.

JOHANA 1:14

Khan, Thu chu mihriam a zuang changa, ei laia a zuang om tâka. A roiinpuizia ei hmu, Pa nâi khât neisun roiinpuina chu, lungkham le thu takin a sip.

ROM KHUAA MIHAI KUANGA TÎRTÔN PAULA LEKHATHON 9:5

irchibulhai kha an puhai an nia, taksa tianga suiin chu Krista ngei khom kha an irchi a ni; itinrêng chunga om Pathian chu kumtuanga inpâkin om ri se! Amen.

1 TIMOTHEA toc2 1 TIMOTHEA 3:16

Tûte’n ei sakhua thu irthup roiinpuizia hi dik mah ti thei no ni: Ama kha taksa irputin a zuang inlanga. Irtha’n a dikzia an langtira, Vântîrtônhai khomin an hmua. Ama chu nam tin laia inpuang indarh a nia, Rammual pumpuia mihaiin an iama, Roiinpui taka lâkpai a ni ta.

ROIRÊLTUHAI 6:36

Gideona’n Rengpa kuang, “Israel mihai sansuak hrangin hmang ni ni nuamin chu,

1 SAMUELA 1:20

Khanchu Hani khan nâi a vong tâka, nâipasal a neia; “Rengpaa ki izong a ni,” tiin a’rhming khom Samuela tiin a phua tâka.

1 SAMUELA 4:21

“Roiinpuina khan Israel chu a mâksan ta,” tiin nâite irhming chu Ikaboda a ti tâka. Pathian Thuthung Bôm chu an lâkpai pea, a tarpu le a pasal an thi tah ti tetûkna a ni.