ISAIA 66:4 - PATHIAN LEKHABU IRTHIANG C.L. Bible (BSI)

⁴ Keima’n anni hranga thilirkhêl tak tho pehai ki ta, an ichitak thil intungtir pehai ki ti; ki khêk lai khan ni lei sâm mahaia, ki hrilhai lai khan irngai mahaia, ki mithmua ki inuam loi thil an thoa. Ki ilôm loi hrang thil tho an inthanga.

ISAIA 66:4 ပူးပေါင်းရင်းမြစ်များ

2 RÊNGHAI 21:2

A mipuihai laia, Rengpa inhnotsuakhai nam tho dân intiromtak takhai khom Manasea’n a thoa, Rengpa mithmua thil saloi a thoa.

2 RÊNGHAI 21:6

A nâipa inkhat chu hâlirvôm thilinhlanna hrangin a thata. Kutzia en le tasân a hmang uara, ramkhohri le mithi kaithoi theihai an phûthai ngaia. Rengpa mithmua thilsual tamtak a thoa, a milung an natir pe a ni.

INPÂKNA HLAHAI 81:12

An lungrîl ngar sikin kin thâ tâka, an nuan lam taka om hrangin.

THUVÂRHAI 1:24

Nangni ki koi maia, hong hrangin nangni ki ifial a ni, khannisianlân, ite bê’n bê mak chêia, keima tiang khom nin mikuar sung nuam mak chêi.

THUVÂRHAI 10:24

Mi felhai chu an thil nuam inthanghai an hmu ngaia, mi siahai rêk chu an ichi tak kha an chunga tung a ti.

ISAIA 50:2

Ki hong lai khan tûte’n ni uksak mak chêia, Nangni ki koi lai khan tûte’n ni sâm mak chêi; sansuakna hrangin ki kut a ibong mo nin isôn? Sansuak hrangin ki ihrât loi mo nin isôn? tuipui khom ki hala, a kang theia, Tuipuihai khom kin chârtir thei, tui a om no sikin nga an thia, an thu zoi ta.

ISAIA 59:15

Iamomna rêng om ta maka, sualna khan an hnê zoi ta, Rengpa’n a hong hmua a milung chuk pe ta ma, roirêlna dik hmu hrang zel nei ta mah.

ISAIA 59:7

Sual sin hrangin a sân an hrât ngaia, mi dik thisen insuak hrangin an irhnot ngai. An thil irngaituana a koi zoia, an fena hmun tina thil a siat zoi ngai.

ISAIA 65:12

Nin ituang hrang rammual hi chu khandaia thi a ni, that hrangtu kuang la kûn nin ti. Hihai hi ki koihai lai khan chu ni sâm mahaia, ki inuam loi sualna an thoa, ki hril laiin irngai nuam mahai, ki inuam loi lam tho an nuam ngai.

ISAIA 65:2

Sûn sôtin anni hrangin ki bân ki phara, tehel nuamtuhai hin an inuam lam vai an zonga, an omdân hi dik mah.

ISAIA 65:3

Hi mihai hin ki inuam loi thil an tho nuama, irhuan serhaia irbôlna thil an inhlana, nam dang pathian maichâma mirimhoihai an hâla.

ISAIA 65:7

An sualna chu, an irchihai sualna le a rêngin anni chunga thuanhai ki ti. Rengpa’n a ti. Tânghaia mirimhoi an hâl ngaia, mualhaia an ni hmusitna an inlangtir ngai; an sintho nuam ngai sikin hremna an chunga chum hrang chu ki zêk zoi ta,” tiin.

JEREMIA 35:17

Khasikin atûn keima, Rengpa Israelhai Pathianin vânduaina irkhêl ki inkung kha nangni Judai ram le Jerusalema mihai chunga ki insum hrang a ni. Nin kuang thu ki hril lai khan irngai nuam mak chêia, nangni ki koi lai khan nin ni sâm nuam no sikin, hi hi ki itho hrang a ni,” a tia.

JEREMIA 7:13

Hi sualnahai murdi hi nin itho a nia, vêl tamtak nangni ki hril khomin irngai nuam mak chêi. Nangni ki koi zoro’n nin ni isâm ngai loi a ni.

JEREMIA 7:30

“Juda mipuihaiin thil saloi an itho tâk a ni.

EZEKIELA 11:8

Nin ichi tak, khandai chu nin chunga hong intungtir ki ti, Rengpa pathianin a ti.

EZEKIELA 14:4

Khasikin, an kuang thu hril inlân, Rengpa pathian khan hiang hin a ti a ni: ‘Israel insûngkuaa mi tinin an lungrîla an millimhai an lâk lûta, an millimhai makunga an sualna irtetna an siaa, deipu kuanga hong murdi chu kei Rengpa hin an millim tamzia ang zêlin sâmhai ki ti;

EZEKIELA 20:25

Khasikin an satna hrang ni loi dân ki siama, an hring thei loina hrangin thu ki pêk saa.

MATHAIA 24:24

Krista dolhai le deipu dolhai an la isuak hrang a ni, khahai khan thei len vânghai sian chu inthanghai lua an huang theina hrangin irsinsiana le thilirkhêl inthang tho an ti.

1 SAMUELA 8:19

Nikhomsianlân, mipuihaiin Samuela thu kha pom nuam mahaia, “Ni ma, rêng kin inei ngêt hrang a ni;