ISAIA 66:3 - PATHIAN LEKHABU IRTHIANG C.L. Bible (BSI)

³ Khannisian, hi mihai ta hrang hin chu sehrât thata inhlan mani, mihriam thata irbôl mani danglam ual mah. Belra inhlan mani, ui thata inhlan mani baidi irhlan mani, vok thisen inhlan mani, mirimhoi an hâl khoma, millim an biak khomin, anni hrangin danglam ual ma. An nuam lam takin sin an zonga thil intirom biak an nuam ngaia.

ISAIA 66:3 ပူးပေါင်းရင်းမြစ်များ

THUVÂRHAI 15:8

Mi pualoihai irbôlna chu, Rengpa ta hrangin intirom a nia, mi felhai chongchaina chu a ifel a ni.

THUVÂRHAI 21:27

Rengpa’n mi siahai irbôlna thilpêk chu a hnôla, a bîkin lungrîl sual irputa an hong inhlana ni’n chu a hnôl ual ngai.

ISAIA 44:19

Senkhat chu thingtuain ki hmanga, bu ki phoinaa, sa ki roa, ki fâka, senkhat chu millim ki siamnaa, thingtum bong kôla kûnin chubai ki imûk a ni hi, ti inhriat zel om mahaia, a hmu thei khom om mahai.

ISAIA 53:6

Belra angin ei irthek indarh zoia, mâni nuamna tiang ei pan zoia, Rengpa’n ei rênga dik loinahai chu, a dârsuama a hong irnghat tâk a ni.

ISAIA 57:17

An sualna le huatirham hrai sikin, an chunga ki ning an mura, ki hremhaia, ningmurin ki mâksanhai ta. Khanchu, anni nuam lam ngot tho pumin, an iom a ni ta.

ISAIA 65:12

Nin ituang hrang rammual hi chu khandaia thi a ni, that hrangtu kuang la kûn nin ti. Hihai hi ki koihai lai khan chu ni sâm mahaia, ki inuam loi sualna an thoa, ki hril laiin irngai nuam mahai, ki inuam loi lam tho an nuam ngai.

ISAIA 65:2

Sûn sôtin anni hrangin ki bân ki phara, tehel nuamtuhai hin an inuam lam vai an zonga, an omdân hi dik mah.

ISAIA 66:17

Irthiang infâi hranga tui irsila, nam dang pathian biak hranga honghai vok le châichek hmê fâka, intirom fâkhai ngai chu, an irhmang zoi vâng a ni; Rengpa thusuakin a ti.

JEREMIA 6:20

Seba ram ata irthokin bero mirimhoihai mo, ram hlataka thil namhoitak an ni hong ichôi pehai hi, keima hrangin imo a hlutna om? An thilinhlanhai pom pehai no ninga, an irbôlnahai khom lôm ual no ning.

LEVI DÂN 2:2

Ochai khan baidi kha hap a ta, sahriak tômte le berohai leh khan maichâma a ihâlirvôm hrang a ni, kha kha a rênga hâlirvôm a nih ti entîrna hrang a ni; hâlirvôm thilinhlan a nia, Rengpa nuamlam tak a ni.

HAGAIA 2:14

Khan, Hagaia khan hiang hin a sâm tâka: “Hi mi hi khaang tak kha an nia, hi nam hi khaang tak khan ki makunga an om, ti hi Rengpa thu suak a ni; an kut suak tinrêng khom khaang tak kha a nia, khataka an thil inhlan khom kha a irthiang loi a ni” a tia.

DÂN INHNINA 14:8

Vok hi a mitin a’rkak, khannisian, a ifâk insoi ngai maka, a hme nin ifâk hrang ni ma, nin ta hrangin a iporinche a ni. An hme nin ifâk hrang ni maka, a thi ruak khom nin itôn hrang ni ma.

DÂN INHNINA 23:18

Pasal khom nupang khom, a’rzuar likin chu chonginkungna hrangin Rengpa nin Pathian ina chôi inlût hrang ni ma; khaang mihai chu Rengpa nin Pathian intir lam tak a ni.

ROIRÊLTUHAI 10:14

Nin inuam tak pathian danghai kuanga khan fe ta roi; nangni sansuak hrangin ngên unglân, lunginzîng nin tuang lai khomin nangni sansuak ri se,” a tia.

ROIRÊLTUHAI 21:25

Kha lai khan Israel rama rêng om mahai, sa an iti ang angin mi tin an om ngai a ni.

ROIRÊLTUHAI 5:8

Mihaiin pathian dang biak an inthang, Ei rama hin irdoi a suak tâka, Israel mi sîngminli laia pho le ufei chôi nin om mo?