ISAIA 66:22 - PATHIAN LEKHABU IRTHIANG C.L. Bible (BSI)

²² “Irvân thar le irnêng thar ki isiam hrang chu, ki kuanga om mai a ta, khaang ngêt khan nin irchihai le nin irhminghai om mai a ti.

ISAIA 66:22 ပူးပေါင်းရင်းမြစ်များ

ISAIA 48:19

Ni’rchihai chu hnuaia vâiphin anga tam ni a ti, ni tû le nâihai chu tep zoi loi ni an ti. Ki makunga chu hek ual no nihai.

ISAIA 51:16

Irvân khi ki kaiphara, irnêng irnghatna ki phûma, Zion mihai kuang, “Ki mihai nin ni, nin hmûra ki thu ki sia ta, ki kut zapha laia ki sia insa ta,” ki iti kha.

ISAIA 53:10

Rengpa’n, ‘Vîk intuangtir hrang a sa,’ a tia. Na a ituang tâk a ni. A hringna chu sual irbôlna’n ni pom tena, ar chihaiin hmu mai an ti, a dam lai sûn bôk pe ni a ta, a kuta Rengpa indit lam chu hlochuk a ti.

ISAIA 56:5

Ki Tempil, ki in sûng ngêta hin, ama inhriat maina siam pe ki ta, nâinupang le pasal neituhai laia irhming sa infelhai ki ti. A’rhming dâi ngai ta no ni.

ISAIA 59:21

“Keima’n nin laia thu ki ithung chu hi hih a ni,” Rengpa’n a ti. “Ki’rtha nin kuanga om le ki thu nin bâia ki isia khan atûn ata kumtuangin nangni suaksan ta ngai no ni; nin nâihai le nin tuhai nâihai ten khomin mâksan ngai no ni,” ti hi Rengpa thusuak a ni.

ISAIA 61:8

Kei Rengpa hi diktaka roirêltu chu ki ni, Hâlirvôm hranga inhlan sa inrûk hi chu ki itheimâk a ni. Diktakin an sinthôna lômman chu pehai ki ta, kumtuanga thuthung siampuihai ki ti.

ISAIA 61:9

Nin irchihai chu nam tin laia inlâr an ta, an laia nin nâi omhai an hmu’n chu Rengpa indit bîk nam nin nih iti inhre thei an ti.

ISAIA 65:17

Irngai ro, irvân thar le irnêng thar ki siam ta, matona thilhai a hek zoi ta, inhriat mai ni ta no ni.

ISAIA 65:22

An in sin chu mi danghai lua hrang ni no nia, an grep phun khom mi danghai hrang ni no ni, ki mihai chu thingkung angin dam insôt an ta, ki inthanghaiin an sinthôna ra chu, tar kûn dênin fa mai an ti.

ISAIA 65:23

An sin sôlnahai chu chanlamboiin om no nia, an ineihai khom vânduaina tong hrang om no nihai, an tû le nâihai dênin Rengpa’n satvur a ti.

JEREMIA 33:20

“Sûn le zânhai kuang thuthung ki isiam a nia, a zoro taka a om theina hranga a nia, kha thuthung kha indanglamtir thei loi a ni.

JEREMIA 33:21

Khaangin, rêng chang hrang irchi nei mai a ti, tia Davida kuanga ki thuthung le Levi irchi ochaihai laia ki sin an itho mai hrang a nih ti thuthung ki isiampui; kha thuthunghai kha indanglam ni thei no ni.

ZEFANIA 3:20

Kha tika chu nangni hruai lût ki ta, kha tika nangni hruai khôm nôk ki ta: Nin ihmu ngeia nin sal intângnaa ki’rheikîr tika chu, Irnêng chung murdihai laia Irhming inthangna le inpâkna nangni siam pe ki ti, RENGPA’N a ti.

MATHAIA 28:20

Thu nangni ki ipêk murdi hi zôm hrangin irchutirhai roi. Khanchu, keima kumkhua’n, rammual mong dênin, nin kuang om mai ki ti,” a tia.

2 PETERA toc2 2 PETERA 3:13

Khannisianlân, Pathian inkung, irnêng thar le irvân thar, a sûnga felna omna kha, ei inghâk a ni.

THUPHUANG 21:1

Khan, irvân thar le irnêng thar ki hmua; irvân masa le irnêng masa kha a boi tâka, tuikhanglian khom om ta mah.