ISAIA 66:20 - PATHIAN LEKHABU IRTHIANG C.L. Bible (BSI)

²⁰ Rengpa hranga thil inhlan hrang an hong ichôi ang hin nam tinhai laia urênghai chu hong hruaihai an ti. Sakor chunghaia chuang an ta, tâli chunga toi an ta, a’rzônna fonga toi an ta, sakuartung le saringsei chunga chuangin. Israelhaiin khêng irthianga thil inhlan hrang an hong ichôi ang hin, ki tâng irthiang Jerusalema hong an ti, Rengpa’n a ti.

ISAIA 66:20 ပူးပေါင်းရင်းမြစ်များ

ISAIA 11:9

Ki tâng irthiangna tinrênga chu, tûte a na tuang ta no nihaia, an siat khom insiat no nihai; tuikhanglian tui a ibit angin Rengpa an inhriatna hin ram hi bit ta a ti.

ISAIA 2:2

Zoro hnungkhôna chu Rengpa in omna tâng chu, tâng roiinpui tak ni a ta, tâng tinrênghai khêl a ta, Nam tinrêng hong nuam an ti.

ISAIA 2:3

Mi tamtak hong an ta, hiang hin ti an ti, “Tho Rengpa tânga son fe ei ti, Jakoba Pathian in omna son, a lam ni le’rhmu an ta, a lampuia khan fe ei ti,” Zion ata dân hong suak a ta, Jerusalem ata hi, Rengpa’n thu a ihril ngai a ni.

ISAIA 43:6

Suak ving hrangin hmâr tiang hrilhai ki ta, kalkhumhai hrai loi hrangin sim tianga omhai hrilhai ki ti, ki nâipasalhai ram hlatak ata hong hruai unglân, ki nâinuhai kôlkung ata hong hruaihai roi.

ISAIA 52:11

Suak roi, suak roi, Babulon hi suaksan roi; thil porinchehai hi inthem viat no roi, Rengpa timmatua pêlhaio, irthial irthiang unglân, suaksan roi.

ISAIA 54:3

Ni ramri khom chang tiang le vei tiang irzat mai a ta, nam dang ilua ramhai khom, ni nâihaiin lua an ti. Khopui ram sai tâk khom inlum inthar nôk an ti.

ISAIA 56:5

Ki Tempil, ki in sûng ngêta hin, ama inhriat maina siam pe ki ta, nâinupang le pasal neituhai laia irhming sa infelhai ki ti. A’rhming dâi ngai ta no ni.

ISAIA 56:7

Ki tâng irthianga hruaihai ki ta, chongchaina hmun, ki ina chu raifân takin inomtirhai ki ti. Hâlirvôm thil irbôlnahai, ki maichâma an hong ichôi chu lei lômhai ki ti. Ki tempil hi mi tinrêng ta hrangin chongchaina hmun ti ni a ti.

ISAIA 65:11

Rengpa chu mâksana, ki tâng irthiang irnghiltuhai chu Gad-a chubai irmûkna hmun sinsiama, an bingin uain in irhlômin om an ti.

ISAIA 65:25

Inê le kêlbelra hmunkhatin om an ta, kâmkeibaknei khomin sehrât angin fapôl fa a ti. Mirûlhai khomin nêngpil hi bu’n ngam an ti. Ki tâng irthianga khan, thil saloi le natnahai om ta no ni, Rengpa’n a ti.

DANIELA 11:45

Khan Tuipui le tâng irthiang roiinpui tak kâra khan a rêng puan in chu sung a ta, khannisian a mongna tung a ta, tûte’n san thei ni no ni.

ZEFANIA 3:10

Ethiopia dung pên tiang ata ki kuanga ngêntuhai, ki mi indarhai nâinu khan ki thilinhlan hong la an ti.

NAMBAR 7:3

Rengpa kuang an thilinhlanhai an hong chôia; tâli kiruk, hruaitu inhniin tâli, a chung om inkhat le sehrâtchal sômhleihni, hruaitu murdi’n inkha khat an inhlana, an inhlan zoiin chu,

NAMBAR 7:62

Sekel sôm irangpuia rik mirimhoia sip rângachak khethûk khat;

ROM KHUAA MIHAI KUANGA TÎRTÔN PAULA LEKHATHON 15:16

Jentailhai chu Irtha Irthianga Pathian kuang, lôm inruka irbôlna hranga, inhlan hrangin Thurchi Sa hril hi ki ochai sin a ni.

FILIPI 2:17

Nin iamna sin thôna le irbôlnaa khan inhlana om hrang ni khom inlân lôm ki ti, nangni khom nangni lômpui sa ki ti.

1 PETERA toc2 1 PETERA 2:5

Khanchu nangni khom lung hring ang hong niin irtha tianga in hrang angin bukkhôm roi. Kha khan Jisua Krista zâra Pathian pom inruk, irtha tiang irbôlna inhlan hrang, ochai irthiang hong ni nin ti.