ISAIA 66:18 - PATHIAN LEKHABU IRTHIANG C.L. Bible (BSI)

¹⁸ An sinthohai le an irngaituanahai kin hriat; nam tinrêng le chong chi tinrêng hmanghai chu hruai khômhai ki ta, hong an ta, ki roiinpuina hmu an ti.

ISAIA 66:18 ပူးပေါင်းရင်းမြစ်များ

INPÂKNA HLAHAI 86:9

O Rengpa, ni isiam nam tinrênghai chu hong an ta, ni makunga hong kûn an ta; Ni’rhming chu hong chôiindôm an ti.

THUPHUANG 11:15

Khan, vântîrtôn sarina khan a bekul a hong tuma, “Rammual roirêlna chu ei Rengpa le Krista ta a hong ni tâk, ama’n kumtuangin roirêl a ti,” tiin irvâna hnukirhai inringtak takhai a hong oma.

ISAIA 2:2

Zoro hnungkhôna chu Rengpa in omna tâng chu, tâng roiinpui tak ni a ta, tâng tinrênghai khêl a ta, Nam tinrêng hong nuam an ti.

THUPHUANG 2:13

Ni omna hmun Setana toihmun omna kha kin hriat. Ki’rhming nin tûk ngita, ki inhriatpuitu iamom tak Antipas, Setana omnaa nin laia an that lai khoma khan ni iamna hi ma mak che.

THUPHUANG 2:9

Ni dengtheizia le nin riangzia kin hriat, khannisianlân, nir chong, Juda tak ni loia, Setana pâla mi Juda irtihai nang insîrinsiatzia kha kin hriat!

THUPHUANG 2:2

Ni sintho murdia ni sin irnak songzia hai le ni diarzia hai, mi sualhai nirngai theizia hai, ni tirtôn ni loia tirtôn dang irtihai kha ni fiaa, milak an nih ti nin hriat tâkzia hai kha kin hriat.

HEBRAI toc2 HEBRAI 4:12

Pathian thu chu a hringa, sin a tho theia, i ang dôra khandai hriam ngaih tak nêk khomin a ngaih uala, hringna le irtha irbunnahai, ru’rbun le irtin hai dênin a sunkhoi chit theia, lungrîla ngaituana le tumnahai hi an hriat thei zôi zel ngai a ni.

1 KORINTH 3:20

Pathian Thubu dangin, “Rengpa’n chu mi vârhai ngaituana kha a korong a nih ti an hriat,” a iti sa angin.

ROM KHUAA MIHAI KUANGA TÎRTÔN PAULA LEKHATHON 16:26

Atûn hin chu thu irthup ngai kha deipuhai Lekhaa a hong inlanga, tukhomin an iama an zôm theina hrangin kumtuang Pathian thupêk anga nam tin laia inhriattir a ni ta.

JOHANA 17:24

Ka Pa, nangin mi, ni ni ipêkhai hi ki kuanga om hrangin ki nuam, nangin lung ni ni thung sika rammual irsiang mâna ni ipêk ki roiinpuina kha an hmûna hrangin;

JOHANA 5:42

Nangni kin hriat, nin milunga Pathian lungthungna zel nei mak chêi.

LUKA 5:22

Jisua’n an ngaituana an hriata, “Itho mo khaanga thil nin ingaitua?

MATHAIA 12:25

Jisua’n an ingaituahai kha an hriata, an kuang, “Kho rama khom mâni le mâni irdoi chu an chiam ngai; kho khuaa khom, sûngkua khom, mâni le mâni irdoi ka chu inding suak no nihai.

MATHAIA 9:4

Jisua’n an lungrîla an ingaituahai kha a lei inhriata, an kuang, “Ithoa mo khaanga thil saloi nin lungrîla nin ingaitua?

AMOSA 5:12

Nin sualnahai a tamzia le nin sualnahai a’rkhêlzia kin hriata; mi felhai dengintheitira, fâkinrûkna lâka, kul mikota mi irsamhai dongtum ngei khom pêk phal loihai.

JOELA 3:2

nam murdi buk khôm ki ta, Jehosafata irhôra hruai ki ti. Ki mi, ki’rchon dongtum Israel chunga an thiltho sikin an chungthu rêl ki ta; ram danga ki mihai an indartira.

EZEKIELA 39:21

Khan Rengpa’n hiang hin a tia, “Nam tinhai kuang ki roiinpuina le ki roirêlna dik chu ki sinthotheina hmangin itin mo ki intungtir ti inlangtir ki ti.

EZEKIELA 38:10

Rengpa Pathianin Gog chungthu chu hiang hin a hrila, “Kha zoro kha a tung tena chu thil saloi ngaitua chu phut ta ni ti.

ISAIA 66:10

Jerusalem tuangpuituhaio, lômpui unglân, hi khopui indittuhaio, lôm ving roi.

ISAIA 37:28

Keima chunga ni om dânhai, ni lût le ni suak khom kin hriat ving.

INPÂKNA HLAHAI 82:8

O Pathian, thoiin lân, irnêng roi hi rêl ro: Nam tinrêng hi ni ta an ni.

INPÂKNA HLAHAI 72:17

A’rhming chu kumkhua’n dâi no ni: A’rhming chu misa a om sûng chu dâi loiin om mai a ta: Mihai chu amaa khan satvurin om an ta; Nam tinrêngin ama chu vânnei ti an ti.

INPÂKNA HLAHAI 72:11

A ni, rêng murdi chu a makunga inbok an ta: Nam tinrêngin a sintho an ti.

INPÂKNA HLAHAI 67:2

Ni lampui chu irnêng chunga mihai inhriat a ni theia, Ni saninhringna chu nam tinrêng laia inhriat a ni theina hrangin.

JOBA 42:2

Itinrêng ni thothei ti kin hriat ta. Ni ititak chu sêl thei ni viat mah.

DÂN INHNINA 31:21

Thil irkhêltak takin a dehai hnunga khom hi hla hi an nâihai khomin lan sîr thei mai an ta, an sualzia inhriattir a ti. Atûn ata hi, pêk ki inkung rama ki hruai intung mâka khom hin an lungrîl irput dân kha kin hriat mai kha te,’ a tia.

INPÂKNA HLAHAI 97:6

Irvânhai khin a felna chu tâng an sampuia, Mi tinrêng khan a roiinpuizia an hmu tâka.

INPÂKNA HLAHAI 139:2

Nangma’n ki toi le ki ngîr nin hriat ngaia; Ki ngaituana hi hlatak ata khom nin hriat thiam ngai.

ISAIA 11:9

Ki tâng irthiangna tinrênga chu, tûte a na tuang ta no nihaia, an siat khom insiat no nihai; tuikhanglian tui a ibit angin Rengpa an inhriatna hin ram hi bit ta a ti.

ISAIA 45:22

Rammuala mi murdihaio, keima tiang hor hei unglân, keima vai hi Pathian ki ni, tûte a dang om mahai.

ISAIA 52:10

Mi tin mithmua Rengpa’n a bân irthianga khan a râi an fân ta, rammual pumpui khom hin, Pathian saninhringna chu hmu thei an ti.

ISAIA 55:8

Ki lungrîl le nin lungrîl chu ir-ang thei ma, ki om dân le nin om dân khom irmîl thei ngai ma, Rengpa thusuakin a ti.

ISAIA 56:8

Irthekindarh Israelhai hruai khôm nôktu Rengpa pathian thusuakin hiang hin a ti: a danghai khom la hruai khômhai mai ki ti.

ISAIA 57:12

a dik a nih tia nin hriata, nin itho ngai a ni. Khannisian ar fêna om mah. Mualinphoitir ki ti.

ISAIA 59:7

Sual sin hrangin a sân an hrât ngaia, mi dik thisen insuak hrangin an irhnot ngai. An thil irngaituana a koi zoia, an fena hmun tina thil a siat zoi ngai.

ISAIA 65:2

Sûn sôtin anni hrangin ki bân ki phara, tehel nuamtuhai hin an inuam lam vai an zonga, an omdân hi dik mah.

JEREMIA 3:17

Kha zoro kha a tung tena chu, Jerusalem chu ‘Rengpa rêngtoihmuna’ bê ni a ta, nam tinrêngin kha khan chubai ni mûk an ti. An lungrîl sual le sêtin tho hranga a ihril kha tho ta no nihai.

ZAKARIA 14:16

Khanchu Jerusalem hong doitu nam tinhai laia a la om sunhai chu a kum tinin Rengpa Pathian chu biak hrangin le, kairêng kût hmang hrangin fe mai ngai an ti.

MALAKIA 1:11

Misa suakna ata a tâkna dên khomin, Jentailhai laia ki’rhming kha a roiinpuia, hmun tina ki’rhming hrangin mirimhoi inhlan a ni, thilinhlan irthiang le Jentailhai laia ki’rhming a roiinpuia, Sipaihai Rengpa’n a ti.

INPÂKNA HLAHAI 94:11

Rengpa khan mihriam ngaituahai chu ite ni loi mai mai a nih ti an hriat.

ISAIA 40:5

Rengpa roiinpuina chu inlang hrang a ni ta, mi murdi’n hmu zit an ti,” Rengpa’n a ti.

JEREMIA 16:17

Keimaa irthokin ite ar thup thei om maka, an sualnahai chu ki mithmua an lang loi zel om mah.