ISAIA 66:16 - PATHIAN LEKHABU IRTHIANG C.L. Bible (BSI)

¹⁶ Rengpa’n mei hmangin roirêl a ta, mi tin chunga a khandai irlek a ta, Rengpa’n thathai rem rum a ti.

ISAIA 66:16 ပူးပေါင်းရင်းမြစ်များ

ISAIA 10:4

Sala om hranga an ichelhai laia om nin ta, an ithathai laia om nin ta, kha dôr khom khan Rengpa ningmur chum pe maka, a kut a la’rlek maia.

ISAIA 27:1

Kha ni tena chu, Rengpa’n a khandai lianpa, ngaih tak chu Leviathan, tuia rûlpui intân Dragon irchok soisakna hrangin irlek a ta, that a ti.

ISAIA 3:13

A mihai sual târinlang hrangin Rengpa ar siam ta, an chung thu rêl hrangin a ngîr ta.

ISAIA 30:30

Rengpa’n ar hâihoitak chu insuak a ta, a kut thâk chu mi tinin hmu an ti. A ningmur meiri-al chu kâng irhmang hrang anga irthokin phâivua rua hor soia irial tâk ang hin zuang tung a ti.

ISAIA 31:8

Assuria chu mihriam khandai ni loiin tuk that ni a ta, mihriam irlek loi khandaiin thi a ti. Rot sianlân khom ruathartehaiin sala chelthung an ti.

ISAIA 34:2

Nam tin chunga Rengpa ning an mura, an sipaihai laia a ning an mur pe a ni. Thathai ving hrangin a siahai ta, that hrangin ar fûktir zoi ta.

ISAIA 65:12

Nin ituang hrang rammual hi chu khandaia thi a ni, that hrangtu kuang la kûn nin ti. Hihai hi ki koihai lai khan chu ni sâm mahaia, ki inuam loi sualna an thoa, ki hril laiin irngai nuam mahai, ki inuam loi lam tho an nuam ngai.

JEREMIA 25:31

an irhâi intông kha kôlkil dên chit a ti. Rengpa namhai doiin thubuai a neia, mi tinhai rêl infelhai hrangin hong hruaihai a ta, mi pualoihai chu thi hrangin rêl ni a ti,’ ti hi Rengpa’n a iti a ni,” a tia.

JEREMIA 25:33

Kha nikhuaa khan chu Rengpa’n a ithathai ruak chu irnêng kil khat tianga irthokin kil dang tiang dênin irthek chit an ti. Tukhomin annihai kha a châ hrang om no nihaia; phûm hrang khomin chôi ni no nihai. Irnêng chunga khan sahrok sahrâi angin om rak an ti.

JEREMIA 45:5

Ni ta hrang bîka enkol insatna hrang ni ingaitua ma ni? Ngaitua no roh. Mi tin chunga siat chitna intungtir ki ti, khan khom nangma’n chu ni hringna kai chu kho hmuna ni fe khomin, inzôk ni ti. Keima Rengpa’n ki iti a ni,” tiin.

JEREMIA 46:15

Itho sika nin pathian hrât Afis kha a inrîl tâk ma ni? Rengpa’n ama kha a naminrîl tâk sika a ni.

EZEKIELA 28:18

Ni sualna tamtakhai sika hin le iamom loi taka ni sum bepâr thônahai sika hin hmun irthianghai chu ni porinchetira. Khasikin khopui chu ki hâlirvômtir chit a ni ta. Nang a entuhai vaiin irvut ni chang lam hi nang an hmua.

EZEKIELA 38:17

Nangma chungthu ngêt hi matona khan ki lei hrila, ki sinthotu Israel deipuhai hmangin ki lei inpuang lai khan Israel doitu hrang mi inkhat hong hruai ki ti, ki lei tia,” Rengpa Pathianin a ti.

EZEKIELA 5:15

“Ningmur le ningthik takin, lungchuk loi takin nin chunga roi ki rêl zoi hnunga; mi ihmusit, innuisanna le enirkhêl la ni nin ti; kei Rengpa hin ki ihril tâk a ni.

JOELA 3:2

nam murdi buk khôm ki ta, Jehosafata irhôra hruai ki ti. Ki mi, ki’rchon dongtum Israel chunga an thiltho sikin an chungthu rêl ki ta; ram danga ki mihai an indartira.

AMOSA 7:4

Rengpa khan inlârna a nir hmutir nôka, a mihai hremna hrangin mei a ikoi lai ki hmua, mei khan tui inthûk tak kha a kâng zita, ram khom kâng hrang a nia.

NAHUMA 3:15

Kha khan meiin nang kâng irhmang a ta, khandaiin nang sât that a ta, khâiin chîmu an ifâk irhmang ngai angin fâk irhmangin om ni ti.

NAHUMA 3:3

Sakor chung chuang mi, sakora chuang mani, khandai irtêk zor zor mani, ufei irtêk zor zor mani, le mi that irzûl mer mur mani, miruak om mer mur mani le miruak chu mong nî zel nei ma, an ruakhai kha an sirpola;

ZAKARIA 14:5

Khan nangni chu hi mual inhnihai kâra irhôr ata hi zôk nin ta, nin irchibulhaiin Judai ram rêng, Uzia inlal laia hnîngnupui ata an izôk ang khan nangni khom zôk nin ti. Rengpa ki Pathian chu vântirtônhai murdi leh zuang a ti.