ISAIA 66:15 - PATHIAN LEKHABU IRTHIANG C.L. Bible (BSI)

¹⁵ Irngai ro, mei leh Rengpa chu zuar thok a ti, kêllaiher tâlia hong chuangin a ningmur chu meichok angin kângin innatirhai a ti.

ISAIA 66:15 ပူးပေါင်းရင်းမြစ်များ

ISAIA 30:33

Assuria rêng hâlna hrang meipui irsiam sai a ni tâka, thing tamtak an thîn sa maia, a kâng hrangin Rengpa’n mei le kât ir-al tui angin zuan luangtir a ti.

MATHAIA 22:7

Reng kha a sân a ning an mura, khasikin a sipaihai a tîra, kha mi thathai kha an thata, an khua khom an hâl pehai tâka.

INPÂKNA HLAHAI 97:3

A maton tiang chu mei a fea, A kôl vêla ama doituhai chu a kâng irhmang ngai.

INPÂKNA HLAHAI 68:17

Pathian tâli chu a sîng a sîng, a sâng a sâng tamtak a ni: Rengpa chu Sinai tânga a om ang khan, Khahai laia khan hmun irthianga a om ta.

INPÂKNA HLAHAI 21:9

Ni ninginmur tika chu anni kha hâl inzôina meichok luai luai angin siam ni ta, Rengpa khan anni kha ningmurin inlem zoi a ta, Mei khan kâng irhmang a ti.

INPÂKNA HLAHAI 11:6

Mi siahai chunga mei le kât an thotir pea; Phâivua lumhaiin anni kha deng an theitir ngai.

JEREMIA 4:3

Rengpa’n Judai ram mihai le Jerusalema mihai laia a iti pehai chu, “Nin irnêng âlkai loinahai kha kai unglân; nin chîmu ruhai khom ilhling bila inthek no roi.

INPÂKNA HLAHAI 50:3

Ei Pathian chu zuang a ta, dâihrek no ni: A maton tiang chu mei chok zur zur a ta, A kôl vêla khan a sate’n phâivopui tho a ti.

AMOSA 7:4

Rengpa khan inlârna a nir hmutir nôka, a mihai hremna hrangin mei a ikoi lai ki hmua, mei khan tui inthûk tak kha a kâng zita, ram khom kâng hrang a nia.

DANIELA 11:40

Khan mongna nî chu sim tianga rêngin ama hong nor a ta; hmâr tianga rêngin tâli le sakor chung chuang mi le irhuang tamtakhai le kêllaiher angin ama doi an ta, ramhai lûtin, chin zoi a ta, palthuanhai a ti.

2 PETERA toc2 2 PETERA 3:7

Pathian ngaisak loihai chungchâng rêl zoro le irhmangtir tika meia kâng irhmang hrangin atûn irnêng le irvân khom hi Pathian thu’n a ihôi a ni.

DÂN INHNINA 28:20

Nin thil tho a sual sik le Rengpa kha nin rotsan sikin khua nangni sâl a ta, nin kuttôn rêng rêng hmang chang no nia, a sân chardongna om a ti, sôlin siatpui ni ti.

ISAIA 5:25

Khasika khan a nih Rengpa ningmurna chu mihai chunga a zuang itung a ni. A kut irlekin a vîkhaia. Khanchu tânghai hi inhnîng a ta, mithi ruak chu sahrok angin, kholaidunga irthek rumin, kha dôr khom khan a ningmurna hek ual maka, a kut a la thâk maia.

ISAIA 5:28

An thalhai chu a’rzum insa pehai, an thal ngul khom irfûk saiin an chôia; an sakor ke mitinhai khom ngaih tak a ni, an tâli kehai khom kêllaiher angin a’rhêl dût dûta.

ISAIA 10:17

Israelhai invârtu chu mei chang pehai a ta, an mi irthiang chu meiri-al chang a ti. Sûn khat khomin tinrêng kâng zoi thei a ni. Hloitharpa le ilhlingnei sûl khom kâng zoi a ti.

ISAIA 26:11

Ni kut nir lek khomin hmu nuam ngai mahai, ni mihai ni inren lam hi irhmutirhai roh. Hmuhai sian mualphoi irla ri sehai, ni râlhai hranga meiri-al laia khan, kâng irhmang ri sehai.

ISAIA 31:9

Beidong takin an rêng thi a ta, a zîngbupa sipai hruaituhaiin an puan irsinsiana intânsan an ti. Rengpa thusuakin hiang hin a ti. Zion tânga a mei ir-al mai a ta, Jerusalema a lungthu khom hring mai a ti.

ISAIA 51:20

Ni nâihai chu kholaidung hmun tina irzalin an irtet phura, Lên leh sa ai khum angin, Rengpa ningmurna an tuang ta, an Pathianin a ihnôl a ni.

JEREMIA 4:13

En ta, sûmphâi angin râl an hong so. Irdoina tâlihai chu phâivua angin mipuihai nêkin sakorhai so intân an hrât ual. Ei hrangin intak a ti! ei isiat zoi a ni ta.

JEREMIA 25:37

A ningmurin Rengpa’n ni nam le ram hoitaka omhai kha inramin insiat an ni sikin, lungzîngin khêk suak ta roi.

JEREMIA 46:15

Itho sika nin pathian hrât Afis kha a inrîl tâk ma ni? Rengpa’n ama kha a naminrîl tâk sika a ni.

EZEKIELA 5:15

“Ningmur le ningthik takin, lungchuk loi takin nin chunga roi ki rêl zoi hnunga; mi ihmusit, innuisanna le enirkhêl la ni nin ti; kei Rengpa hin ki ihril tâk a ni.

EZEKIELA 38:17

Nangma chungthu ngêt hi matona khan ki lei hrila, ki sinthotu Israel deipuhai hmangin ki lei inpuang lai khan Israel doitu hrang mi inkhat hong hruai ki ti, ki lei tia,” Rengpa Pathianin a ti.

HOSEA 8:7

phâivua an songa, phâivua saloi an i-ât hrang a ni: a kung inding nei maka, a’rzîk khan ra insua no ni; a ra insuak khom sianlân, mikhualhaiin fa zoi an ti.

NAHUMA 1:6

A milung hoiloina makunga khan tu mo ngîr thei hranga, a ninginmurna irkhêl tak khan tu mo om thei hrang? A ninginmurna kha mei anga bunpai a nia, lungpuihai kha a irnôitir chit a ni.

HABAKUKA 3:8

Rengpa chu ivadunghai chunga khan a milung a inchukloi ma ni? Vadunghai chunga khan ni ninginmurna kha a omin, Tuikhanglian chunga khan ni ninginmurna kha a iom ma ni? Ni sakorhai chunga khan chuangin, Ni saninhringna sakor tâlihaia khan ni ichuang hi?

INPÂKNA HLAHAI 18:9

Ama khan irvânhai khom an kûntira, a chum tâka: A ke hnuaia khan inthim irsa khak hi a oma.

ISAIA 30:30

Rengpa’n ar hâihoitak chu insuak a ta, a kut thâk chu mi tinin hmu an ti. A ningmur meiri-al chu kâng irhmang hrang anga irthokin phâivua rua hor soia irial tâk ang hin zuang tung a ti.

DANIELA 7:10

Khatak ata kha mei a hong chok suaka, a sânga sângin a sin an thoa, a makunga khan a sîng a sîng têlin an ngîra, roirêlna kha a phut tâka, lekhabuhai a phên tâka.

ZAKARIA 6:1

Khanchu inlârna ki hmu nôka, sumsen tâng inhni kâr ata hi sakor tâli minli hong suak hi ki hmua.