ISAIA 66:12 - PATHIAN LEKHABU IRTHIANG C.L. Bible (BSI)

¹² Rengpa’n hiang hin a ti: Tui kang loi angin irngeina pe ki ti, nam dang irchongna murdihai hi, tuilian angin zuan lûttir ki ti. Nu’n a nâi irhnu pêkin a ipom ang hin, a mal chunga inper ot ot a ti.

ISAIA 66:12 ပူးပေါင်းရင်းမြစ်များ

ISAIA 14:2

Khan mihaiin hruaihai an ta, an omna hmun intunghai an ti, khanchu Israel in sûng mihaiin Rengpa rama khan nupang le pasalhai la nei an ti; suaka infetirtuhai kha suaka om an ta, anni dengintheitirtuhai chunga roi la rêl an ti.

ISAIA 26:3

Dettaka nangma kuanga irnghathai chu irtharngam takin nin omtira.

ISAIA 33:21

Khatak khan chu, Rengpa roiinpuina nin entir a ta, tui tamna rama, tui lam hoitak hmuna om ei ta, râlhaiin irkuang hong chôi thei loina hmuna, irkuang lian hong lût thei ta no ni.

ISAIA 45:14

Rengpa’n hiang hin a ti: “Aigupta mihai ihlosuak chu, Ethiopia rama zuarsumhai nin ilâk hrang a ni, nangni hong chôi pe an ti, Seba rama mi dungsei ta takhai chu, nin suaka om hrangin hong an ti. An kuta thîrhrui bun pumin nangni zui an ta, nin kuang khûksadelin, ‘Pathian iompuihai chu nin lei ni hi te, Ama vai hi Pathian hrât chu a lei ni hi,’ tiin chubai nangni mûk an ti.

ISAIA 48:18

Ki thupêkhai inhre mai ngai unglân chu o! Tuipui kang ngai loi angin satvurna zuang luang a ta, Tuiirsokhaiin muang a hong itôn ngai angin, hlochukna khom ni ta hrangin zuang tung a ti.

ISAIA 54:13

Ni nâihai murdi Rengpa’n irchutirhai a ta, râl irvei loiin om mai ta an ti.

ISAIA 54:3

Ni ramri khom chang tiang le vei tiang irzat mai a ta, nam dang ilua ramhai khom, ni nâihaiin lua an ti. Khopui ram sai tâk khom inlum inthar nôk an ti.

ISAIA 59:19

Rengpa irhming roiinpui chu sak le thanga mi’n chi an ti. Rengpa phûkin, tuilian a isêm angin, chardongna chu hong tung a ti.

ISAIA 60:16

Nam danghai le an rênghaiin, nang inpâm an ta, an irhnuhai nan netir an ti, mi inzôktu chu, kei Rengpa hi ki ni, Jakoba mi hrât, a’rtantu chu ki nih ti inhre ta ni ti.

ISAIA 61:6

Nangni hi chu ‘Rengpa Ochai’ tih ni nin ti. Pathian sinthotuhai nangni ti an ti. Nam tinhai irchongna chu fa nin ta, an roiinpuinahai leh irvô nin ti.

ISAIA 66:11

Nâiin irhnu bit a inêk ang hin, a roiinpuinahai hi nin nuam dôrin hmang roi.

ISAIA 9:6

Ei ta hrangin nâi a zuang suaka, nâipa pêkin ei oma, a dârsuama roirêlna irnghatin, A’rhming khom Irkhêl, Irfûktirtu, Pathian Hrât, Kumtuang Pa, Irngeina Rêng ti an ti.

ISAIA 9:7

A ram irzat thiai a ta, a ram sûnga irngeina’n hek nî nei no ni. Thudik hmanga fel taka roirêlin Davida Rêngtoihmuna toi a ta, indettir a tih, atûn ata kumkhontuangin. Rengpa sathnem irngaina khan, kha kha a itho hrang a ni.

JEREMIA 33:6

Khannisian hi khopui le a mihai chu indam nôk ki ti, hrisêl takin sehai nôk ki ta, khanchu an kuang thudik le irtharngamna tamtak chu inlangtir sa ki ti.

HAGAIA 2:9

Hi in roiinpuina hnungkhôn ual hi a masa nêkin irkhêl ual a ti, sipaihai Rengpa khan a ti: khan hi hmuna hin irngeina intung ki tah,” ti hi Sipaihai Rengpa thu suak a ni.