ISAIA 64:8 - PATHIAN LEKHABU IRTHIANG C.L. Bible (BSI)

⁸ Nang chu, Rengpa kin Pa ni nih, keini hi, pilbêl kin nia, nangma hi a vuaktu ni nih; kin rêng hin ni kut suak kin ni.

ISAIA 64:8 ပူးပေါင်းရင်းမြစ်များ

EFESI 2:10

Thil sa tho hrangin Krista Jisuaa khan isiama omin ama kut suak ei hong nia; kha thil sa tho kha ei omna hrangin Pathianin a lei isiam irfûk a ni.

INPÂKNA HLAHAI 119:73

Ni kuta ni siamin, ni nin dingtira; Ni thupêkhai chu ki’rchu theina hrangin inhriat thiamna ni pe roh.

INPÂKNA HLAHAI 138:8

Rengpa khan ki kuanga a chonginkung chu hlen a ta; Kumkhua’n om a ti. Nangma kut sinthohai hi hlo inchuk roh.

INPÂKNA HLAHAI 100:3

Rengpa chu Pathian a nih ti inhre unglân, A ni siamtu chu ama a nia; Ama ta ei ni. A mihai le a sa vâina hmuna belrahai ei ni.

ISAIA 63:16

Nang chu kin pa ni nia, Abrahama’n nin hre pha mah. Nang chu, Rengpa, kin pa ni nih. Itiklai khoma ni sûnghualtu ni nih.

ISAIA 29:16

A le tiang inzen thu an irngaitua ngai a ni. Bêlpilhai hin a vuaktu tiklai khom pha no ni? Thil siamhai hin a siamtu kuang, “Ni isiam ni ma ung,” a iti thei hrang ma ni? Thil indinghai khom hin, an dingtirtu chu, “Nin to bâka,” a iti thei hrang ma ni?

ISAIA 45:9

Pil bêl an ivuak hin a vuaktu hrilsiat thei ni mo? Pilin a vuaktu chu, “Imo ni isiam thei om mak chea,” a iti thei hrang ma ni?

ISAIA 44:24

Sul ata nangni siamtu, nang a’rtantu Rengpa’n hiang hin a ti: “Itinrêng siamtu, keima hi Rengpa chu ki nia, ki binga irvân kaiphar theitu ki ni, irnêng ki siam lai khan tu moh om sa?

ISAIA 43:7

An rêngin ki’rhming irput an ni, ki roiinpuina inlangtir hranga ki isiam an nia, Ki kut suak zit an ni.

ISAIA 44:21

Jakoba, hi hi inhre mai ro, Israel, nangma hi chu ki siahlo ni ni, ki siahlo ni hrangin nang ki siama, O Israel, nang irnghil ngai ma ung.

DÂN INHNINA 32:6

Mi’nvêt le mi hnanghaio, hiang hin mo Rengpa nin Pathian kha nin ithuan hrang? Nangni neitu nin pa a ni, nangni a siama, nangni a inpuihlingtir a ni.

GALATIA 3:26

Khanchu Krista Jisua nin iamna sikin nin rêngin Pathian nâihai nin ni ta;

GALATIA 3:29

Khanchu, Krista mi nin ni tâkin chu Abrahama irchihai nin nia; Pathianin thilpêk a inkung kha nin ihmu hrang a ni.

FESUAKNA 4:22

Khan, nangin Faroa kuanga khan, ‘Rengpa’n, Israel hi ki nâipa ki nâi lutîr a ni:

JOHANA 8:41

Nin pa itho ang nin itho hi,” a tia. Anni’n chu, “Zâi nâi ni ma unga, Pa inkhat kin nei, Pathian chu,” an tia.

JOBA 10:3

Ni hnuaisiaa, ni kut sintho hmusita, mi pualoihai inkung hi, en a hoi mo ni ti?

ISAIA 9:6

Ei ta hrangin nâi a zuang suaka, nâipa pêkin ei oma, a dârsuama roirêlna irnghatin, A’rhming khom Irkhêl, Irfûktirtu, Pathian Hrât, Kumtuang Pa, Irngeina Rêng ti an ti.

ISAIA 19:25

Itinrêng Rengpa khan sat a vur ata, “Ki mi Aigupta mihaio, ki kut suak, nangni Assuria mihai, nangni ki irtan, nangni Israel mihaio, bor nangni pe ki ti,” la ti a ti.

ISAIA 45:11

Israelhai siamtu mi irthiang Rengpa’n hiang hin a ti: “Ki nâihai chungchânga hin nin nir chutira, ki itho hrang hi nangni ni irêl pe moh ki nang nin isôn?

ISAIA 60:21

Ni mihai chu mi dik ni ving an ta, ram chu lua mai ta nin ti. Keima iphun ki kut suak a ni sikin, ki roiinpuina mi tin mithmua kin langtirna a ni.

JEREMIA 31:9

Chap puma hong nihai khomsian, irtharngam sakin hruaihai ki ti. Tui kôla le lampui tuanin an irtet thei loina hrangin hruaihai ki ta, Israelhai ta hrangin pa ni ki ta. Efraima chu ki nâilutîr a ni,” a tia.

HOSEA 1:10

Aniachu, Israel nâihai kha tuikhanglian chiai vâiphin, varh theiloi le tep sêng loi zât ni an ta, khan, hiang hin ni a ta, an kuang, ki mihai ni mak chêi, tihna hmuna khan, Pathian hring nâihai nin ni e, ti ni a ti.

MALAKIA 2:10

Ei rêngin pa inkhata irchi ei ini loi ma ni? Pathian inkhat siam khom ei ini loi ma ni? Itho sika mo ei pahai thuthung porinchetira, urêng le urêng ei irhuang hen?

FESUAKNA 32:12

‘Tâng rama that irhmang hrang pialin ni mihai hi Aigupta ram ata ni ihruaisuak a ni,’ tiin Aigupta mihai khan itin moh an iti thei? ni ningmurna insum zâmin lân, ni milung inchong thûlin hi vânduaina irkhêl hi ni mihai chunga insum no roh.

DÂN INHNINA 9:29

Ni mi, ni irchon dong tumhai an nia, ni bân irnak hrât taka inhnê taka ni ihruai suakhai kha an ni’ ki tia.

INPÂKNA HLAHAI 74:1

O Pathian, ithoa mo kumkhua hrangin ni ni ipaithâk? Ithoa mo ni sa vâina hmuna belrahai chunga hin ni milung a ir-ût mai?

INPÂKNA HLAHAI 95:6

O hong unglân, chubai mûkin kûn ei ti; Rengpa ni Siamtu makunga khûksadel ei ti:

ISAIA 43:25

Keima hi ki nih nin sual ngaidam theitu chu, keima sikin kêng nangni ki ingaidam, Nin sualnahai inhre mai loia ki iom a ni.

ISAIA 57:16

Ki mihai chu demhai mai ta no ninga, ki ning khom inmur mai ta no ni. Ki kuang chu sôlhraiin om an ti, keima isiam an ni sikin.

ISAIA 63:8

“Ki mihai an nia, ni huang viat no nihai,” Rengpa’n a ti. “An hrangin mi’ndamtu a chang tâka.